Daniel 2:45 - Syin Chin Bible

⁴⁵ Kuama ii thuthaak ngawl bulin liang tung pan hong liik suangtum khat in thik, taau, tungman, ngunn le khamh taw a kivawt milim sia a denthap na mu hi. A lian Pathian in mai sangah a piang tu thu, Nangma Kumpipa tungah hong son hi. Na mangmat sia ahi bang vateak in kong son zo a, a khiakna maan kong son zo hi” ci in zo kik hi.

Daniel 2:45 Iomraidhean Croise

Pianciilna 41:26

Khuipui thau salite sia kum sali hi a, taanghui a taknei salite zongh kum sali ma hi; a khiakna kibang hi.

Pianciilna 41:28

Tuasia kong sonsa bangma hi — Pathian in a sep tu teng nang tungah hong lak zo hi.

Pianciilna 41:32

Mang nii a kipee in na matna sia Pathian in hi thu kipsak zo a, hai ngawlin tungsak tu cinopna ahi hi.

2 Samuel 7:22

Bangza in lian ni ziam, Vaanglianpipa Topa awng! Nang taw a kibang khat zongh om ngawl hi; nangma bekma Pathian na hi sia kong he tawntung uh hi.

1 Khangtaanghthu 16:25

Topa sia lian a, nasia tak pok tu ahi hi; ama sia pathiante theampo sangin patoai zawk tu ahi hi.

Nehemiah 4:14

Mite thinngimna ka mu ciang amate tung, a lampuite tung le uliante tungah, “Ih ngalte kiita heak vun. Topa bangza lian a bangza kiitakhuai ci sia phawk vun a, na ngammipuite atu, na tate atu, na zite atu le na bangkuate atu in ngalsim tavun,” ka ci hi.

Nehemiah 9:32

“Oh, Pathian, kote Pathian awng, bangzata lian ni ziam! Bangzata kiitakhuai a, bangzata na vaanglian ziam! Na thuciamte thumaan takin na len hi. Assyria kumpite ii kote hong nencip hun pan kipan, tu dong ciang ngawngawn bangzata ngimna thuak khu ziam! Koma ii kumpite, lampuite, thiampite le kamsaangte, taanghpupite le mite theampo in ngimna thuak uh hi. Bangzata ngim nga zo khu ziam hong phawk ta'n!

Job 36:26

Ama ii letna a cingin ih he thei bua hi; ahibuale ama kumte ih sim thei bua hi.

Psalm Late 135:5

Ih Topa lian hi ci in ka he a, pathian dang theampo sangin lianzaw hi.

Psalm Late 145:3

Topa sia lian ahikom, nasia takin pok tu ahi hi; ama ii letna in tel zawk ahi bua hi.

Psalm Late 2:9

Nangma in amate thikmol taw na veltham tu a, leibeal tam bek bangin amate na sutham tu hi.

Psalm Late 48:1

Topa sia lian a, ih Pathian khuapi sung le a mual thiangtho tungah nasia takin pok tu ahi hi.

Psalm Late 96:4

Topa sia lian a, nasia tatakin pok tu ahi hi; pathian dang theampo sangin ama vaang piak zawk tu ahi hi.

Isaiah 28:16

Tu in Vaanglianpipa Topa in, “Keima in Zion ah a kip a kho inn tawdap khat ka koi hi. Tua ii sungah innking suang sak khat ka phut a, tua tungah hi bang kammalte ki at hi, ‘A kho upna sia a thin zongh sau hi.’

Daniel 2:24

Tua ahiciang Daniel sia kumpipa ii thudokte that tu in a sawl pa Arioch kungah pai hi. Daniel in Arioch tungah “Kumpipa ii thudokte that heak in. Kumpipa kungah hong paipui ta'n, a mang khiakna ka son tu hi” ci hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Daniel 2:29

“Kumpipa awng, na mut laitakin, maisang hong piang tute mang in na man hi; thutumdangte a pualaak Pathian in a piang tu thu hong lak hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 8:25

Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi.

Haggai 2:22

kumpi ngamte lumletin a thahatna ka bosak tu hi. Ngalleangte le a hawlte ka sawnthal tu hi; siphute thi in, a tung tote khat le khat kithatlum tu hi.

Zechariah 12:3

Ahihang tua hun hong thet ciang, Jerusalem sia a ngit suangtum pui khat bangin ka vawt tu a — tuasia laamto tu a kipan minam pawpo liam tu hi. Leitung minam theampo kipawlin ama sim tu uh hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Matthew 21:24

Jesus in, “Kei zongh kam khat hong dongh tu khi hi, tuasia nong zo thei uh le a bang thuneina taw hite seam khi ziam cisia kong son tu hi,” ci in zo kik hi.

Matthew 24:35

Vantung le simlei a bo tu hi, ahihang ka kammalte a bo ngei buatu hi.

Luke 17:20

Pharisee te pawlkhat in Jesus munah “Pathian Ngam bang hun ciang hong tung tu ziam?” ci in dongh uh hi. A zo kikna ah, “Pathian Ngam sia, tuabangin mit a mu thei in hong theng ngawl tu hi.

Thuhil kikna 10:17

Topa na Pathian sia pathiante theampo tung le a vaang nei theampo tungah thu neibel hi. Ama lian in thahat a, kiitak tu ahi hi. Ama in nguptuam nei ngawl a, sumnguk saang ngawl hi.

Thupualaakna 1:19

Tua ahikom nungciangin, hong piang tu nate le tu laitak a om nate, na mu teng at in.

Thupualaakna 19:17

Tua zawkciang vantunglalang khat sia ni tungah a ding ka mu hi. Ama in vui sungah a leang vacimte munah awnging tatak taw, “Pathian poaipi sungah pai tu in hong kikhawmtua tavun!

Thupualaakna 4:1

Hi santak ah mukholna dangkhat ka nei a, vantung ah kongkha khat kihong sa in a om ka mu hi. Tuaciang lemle aw taw a kibang ka zaak ngeisa ahi kei hong paupuina awnging in “Hi sungah hong paito ta'n, hisia zawkciang bang teng piang tu ziam, ci in kong lak tu hi,” hong ci hi.