Daniel 2:44 - Syin Chin Bible

⁴⁴ Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 2:44 Iomraidhean Croise

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

2 Samuel 7:13

Ama sia biakinn khat kei atu a sa tu pa hi tu a, a kumpi khangngui a tawntungin ka kizomsak tu hi.

2 Samuel 7:16

Nangma in suan le paal na nei tawntung tu a, na kumpi ngam ka khomsuansak tu hi. Na kumpi khangngui sia a mong ngei buatu hi,’ ” ci hi.

Psalm Late 145:13

Na ukna kip tawntung a, nang sia a tawntungin kumpipa na hi hi. Topa in a kamciamnate tungah thumaan a, a ngamtatna sung theampo ah hesuak thei hi.

Isaiah 60:12

Ahihang nangma na a seam ngawl minamte sia kilalcipsak tu hi.

Ezekiel 37:25

Ka naseampa Jacob tungah ka piaksa a taanghpupite teenna ngam ah teang tu uh hi. Tua munah a tate le a suan a paal te theampo, a tawntungin teang tu uh hi. Ka naseampa David bang ahi kumpi khat in amate a tawntungin uk tu hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Daniel 2:34

Tua milim na et laitak, kuama ii thuthaak ngawl bulin, liang tung pan suangtum lian khat hong liiksuk a, thik le tungman taw a kivawt milim ii peangte kha in zaanthamsak hi.

Daniel 2:35

Thakhatin thik, tungman, taau, ngunn le khamhte tamhneen ngawp a, khuakhaal lai ancilna mun a leivuite taw kibang hi. Vui in tuate seammang a, bangma taang nawn ngawl hi. Ahizong tua suangtum sia khang in mual cia pha a, leitung buppi huam hi.

Daniel 2:37

Kumpipa awng, nangma in kumpi theampo sung panin a lianbel na hi hi. Vantung Pathian in nang sia kumpi lian in hong koi zo a, vaangletna, thahatna le upatna hong pia zo hi.

Daniel 2:43

Thik le tungman a kihel khawm zongh na mu hi. Tua kumpi ngamlian ukte in a innkuanpuite kiteensakna taw in ngawmtua tu hanciam tu a, ahihang thik le tungman a kihel thei ngawl bangma in kingawmtua thei ngawl tu uh hi.

Daniel 4:3

“Pathian ii eite hong lak nalamdangte lian lawlawm hi! A vawt nalamdang laknate vaang nei lawlawm hi! Pathian sia a tawntungin kumpi hi a; ama in a tawntungin uk tu hi.

Daniel 4:34

Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Daniel 6:26

Ka kumpi ngamlian sung a om mihingte theampo in Daniel ii Pathian a kiitak natu le a zatak natu in thu ka pia hi. “Ama in a nungta Pathian hi a, a tawntungin uk tu hi. A ngam kisiasak ngeingawl tu a, a vaangletna bo ngeingawl tu hi.

Daniel 6:27

Ama in ngum in suatak a; vantung le leitung ah a lamdangte le nalamdang laknate vawt hi. Ama in Daniel sia tawpite thalup natu pan suatak hi.”

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Daniel 8:25

Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi.

Micah 4:7

Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Haggai 2:22

kumpi ngamte lumletin a thahatna ka bosak tu hi. Ngalleangte le a hawlte ka sawnthal tu hi; siphute thi in, a tung tote khat le khat kithatlum tu hi.

Haggai 2:7

Minam theampo ka lawnthal tu a, amate sumngum theampo hi lai ah hong kipuak tu hi, tuaciang Biakinnpi in hauna taw kidim tu hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

John 12:34

Mihonpi in “Ih Thukham in Messiah nungta tawntung tu in hong son hi. Tua ahile bangbangin Mihing Tapa kilaamto tu hi, ci thei ni ziam? Hi Mihing Tapa sia akua ziam?” ci uh hi.

Hebrew te 12:28

Tua ahiciang, lungdam tek tawng, banghang ziam cile eite in, a kingawk thei ngawl ngam ih nga hi. Ama lungkim tu bangin, eite in thasiana le kiitakna taw Pathian tungah lungdamko in, ama bia tek tawng;

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.