Daniel 2:4 - Syin Chin Bible

⁴ Amate in Aramaic kam taw kumpipa tungah, “Kumpipa awng na khansau tawntung tahen! Na mang hong son ta'n, tua hile a khiakna kong sonthiang tu uh hi” ci in zo uh hi.

Daniel 2:4 Iomraidhean Croise

Pianciilna 31:47

Laban in Jegar Sahadutha ci in min vaw ahihang Jacob in Galeed ci in min pia hi.

Pianciilna 41:8

A zingsang ciang ama thinngim ahikom mitbum thiamte le Egypt mipil miciim theampo samsak hi. Ama in amate tungah a mang teng son a, ahizong kuama in a mang khiaksak thei ngawl hi.

1 Kumpite 1:25

Tu ni mama in ama pai a, khuital tam ma, tuu le khuino thaute sangaw biakpiakna in pia hi. Ama in na tapate theampo, na ngalkaphonpi ukpa Joab, tuaciang thiampipa Abiathar te sam a, tu in amate poai khaam in, ‘Kumpipa Adonijah a khansau tahen!” ci in au uh hi.

1 Kumpite 1:31

Bathsheba kunsuk in, “Ka topa kumpipa nungta tawntung tahen!” ci hi.

2 Kumpite 18:26

Tuasia ciang Eliakim, Shebna le Joah in ulian pa munah, “Aramaic kam in hong pau ta'n, topa awng, tua kam tel khu hi. Hebrew kam in hong pau heak vun, luphung tungah a to mite theampo in hong ngai hi,” ci hi.

Ezra 4:7

Persia kumpilianpa Artaxerxes maan hun ciangin Bishlam, Mithredath, Tabeel le a pawlpuite in kumpilianpa tungah laithak at kik uh hi. Tua laithak sia Aramaic lai taw in ki at a, a kisim ciang pheen kik kul hi.

Nehemiah 2:3

“Kumpipa awng, na khansau tahen! Ka taanghpupite a kiphumna khuapi laltham a, a kongpite kaanghtum siatin a om laitak bangbangin khuangai ngawlin om thei tu khi ziam?,” ci in ka zo hi.

Isaiah 36:11

Tuasia ciang Eliakim, Shebna, le Joab in ulianpa tungah, “Aramaic kam in hong paupui ta'n. Koma tel khu hi. Hebrew kam taw hong paupui heak in; luphung tungah a om mihingte theampo in hong ngai hi,” ci hi.

Isaiah 44:25

Aisaan theite a mawmaw ka sua tu a, aksi en theite ii thuson kholnate a lungmanhuai ka sua tu hi. Mipilte ii kammalte ka nial a amate pilna sia mawmawtna ahi hunlam ka lak hi.

Daniel 1:4

Tua a teal mihingte sia kumpi inn sungah naseam thiamte a sua thei natu in a mealhoi, a pilvang, pha tak nasep a kisinsak sa, thu a he pal le pumpi tung paubanna nei ngawlte hi tu hi. Amate sia Babylon kam taw lai a sim thei natu le a at thei natu in Ashpenaz in hil tu hi.

Daniel 2:7

Amate in kumpipa tungah, “Kumpipa awng na mang hong son phot po lete, a khiakna kong sonthiang tu uh hi” ci kik uh hi.

Daniel 3:9

Amate in Nebuchadnezzar kumpipa tungah, “Kumpipa awng, nungta tawntung ta'n!

Daniel 4:19

Tuaciang Belteshazzar zongh a kici Daniel patau mama ahikom bangma pau thei ngawl hi. Kumpipa in ama tungah, “Belteshazzar awng, tua mang le a thu in patausak heak in,” ci hi. Belteshazzar in, “Kumpipa awng, tua mang le a khiakna sia nang tungah hong tung ngawlin na ngalte tungah tung zaw le ka oai hi.

Daniel 4:7

Tuaciang aisaan theite, mitbum thiamte, doaiai neite le aksi enthiamte theampo kisam a, amate tungah ka mang ka son hi, ahizong amate in a khiakna hong son thei bua uh hi.

Daniel 4:9

Aisaan theite ukpi Belteshazzar awng, a thiangtho pathiante ii thaa sia na sungah om in thu telhak theampo na tel thei hunlam ka he hi. Hi sia keima mang hi. A khiakna hong son ta'n.

Daniel 5:10

Kumpipa ii nu in kumpipa le a uliante ngamlum lialuana aw za a an neakna inndoi sungah tum hi. Ama in, “Kumpipa awng a tawntungin nungta ta in! Nong hesuakna in thinnuam ngawlin maidaangin om heak in.

Daniel 5:8

Tua kumpi thudokte mai ah hong pai uh a, ahihang lai ki at sia a sim thei, a khiakna a son thei kuama om ngawl hi.

Daniel 6:21

Daniel in, “Kumpipa Nangma, a tawntungin nungta ta in!

Daniel 6:6

Tuaciang amate kumpipa taw kimu tu in pai uh a, “Darius kumpipa awng, Nangma Kumpipa a tawntungin nungta ta'n!

Daniel 6:7

Na kumpi ngamlian sungah naseam koma teng — nasep ukte, ngamkhen ukte, ngamkhen uk domte le a dang uliante — in kumpipa in ngat tak a zui tu thupiak khat nong suasak tu in thukim zo khu hi. Tu zo ni sawmthum sung teng Nangma Kumpipa tung simngawl, pathian khat pawpo, mihing khat pawpo tungah bangma peuma ngen thei ngawl tu hi, ci in thupia in. Hi thupiakna a paltan peuma tawpi a dim a kikhum dum sungah kikhia tu hi.

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

1 Samuel 10:24

Samuel in mipite munah, “Hi munah Topa ii teal sia pa om hi! Ei sungah ama taw a kibang kuama dang om ngawl hi,” ci hi. Mipite au siat in, “Kumpipa a khansau tahen!” ci uh hi.