Daniel 2:39 - Syin Chin Bible

³⁹ Nang zawkciang nangma ngam za in a lian ngawl kumpi ngamlian khat hong piang tu a, tua zawkciang leitung buppi a uk tu taau ahi kumpi ngamlian thumna piang tu hi.

Daniel 2:39 Iomraidhean Croise

Isaiah 44:28

Keima in Cyrus tungah, ‘Nangma in keima luangin a uk tu pa na hi hi; Keima dei bangin na seam tu hi: Jerusalem khua a kisak kik natu le Biakinnpi tawdapphate a kipha natu in thu na pia tu hi,’ ka ci hi,” a ci hi.

Daniel 10:20

Ama in, “Banghangin na kungah hong pai khi ziam ci sia na he ziam? Thumaan thutak Laibu sungah a ki at thute a pualaak tu in hong pai ka hi hi. Tu in heak kikin Persia a cing vantunglalang sia ka do tu hi. Tua zawkciang Greece a cing vantunglalang hong kilangh tu hi. Israel a cing vantunglalang Michael simngawl kei hong hu tu kuama om ngawl hi.

Daniel 2:32

Tua milim lutang sia khamh ciitak taw kivawt a; a awm le a baante sia ngunn taw kivawt in; a kawng le a khealte sia taau taw kivawt hi.

Daniel 2:38

Ama in nang sia mihing teenna leitung theampo, nganhingte le vacimte theampo a ukpa in hong koi zo hi. Tua khamh lutang sia nangma na hi hi.

Daniel 2:40

Tua zawkciang na theampo sutham in a zaansak, thik bangin a kho, kumpi ngamlian lina hong piang tu hi. Thik in na theampo a sukthap bangin tua a ngam in kumpi ngamlian masa teng khen tham in sucip tu hi.

Daniel 7:23

Hi sia keima tungah hong kison a khiakna ahi hi: “Nganhing lina sia leitung ah a om tu kumpi ngamlian lina hi a, kumpi ngamlian dangte theampo taw kilamdang tu hi. Tuasia in leitung buppi sutham in tuanhcil tu hi.

Daniel 8:20

“Kii nii a nei tuutal na mu sia Media le Persia kumpi ngamte cinopna ahi hi.

Daniel 8:21

Keal sia Greece kumpi ngam cinopna hi a, a mitte kilaklaw ah a po a kician kii sia kumpi masabel cinopna ahi hi.

Zechariah 6:3

a thumna sia siphu kaangte, a lina sia siphu pawl tiptepte in kai hi.

Zechariah 6:6

Siphu vomte ii kai leang sia saksang Babylon zuan tu a, siphu kaangte nitumna sang zuan tu hi, siphu pawl tiptepte thangsang ngam zuan tu uh hi.