Daniel 2:34 - Syin Chin Bible

³⁴ Tua milim na et laitak, kuama ii thuthaak ngawl bulin, liang tung pan suangtum lian khat hong liiksuk a, thik le tungman taw a kivawt milim ii peangte kha in zaanthamsak hi.

Daniel 2:34 Iomraidhean Croise

Psalm Late 118:22

Inn sate in mannung sa ngawl a, a nil suangtum sia a thupibel hong suak hi.

Isaiah 28:16

Tu in Vaanglianpipa Topa in, “Keima in Zion ah a kip a kho inn tawdap khat ka koi hi. Tua ii sungah innking suang sak khat ka phut a, tua tungah hi bang kammalte ki at hi, ‘A kho upna sia a thin zongh sau hi.’

Isaiah 60:12

Ahihang nangma na a seam ngawl minamte sia kilalcipsak tu hi.

Isaiah 8:9

No, minamte awng, kiitakna taw kikhawm tua vun! No, ngam khuala ah a omte awng, na ngai vun. Ngalsim tu in kinging vun, ahihang kiita vun! Hi hi, kinging vun, ahihang kiita vun!

Ezekiel 32:28

“Tuabangin Egypt te sia ngal sungah a kithat, vunteap at ngawlte sungah kisucip tu uh hi.

Ezekiel 47:5

Ama in metre 500 tee thua a, tualai ah tuithuk mama ahikom tui ka tan zo bua hi. Tui thuk lei ahikom tui op ngawlin kikaantan zo ngawl hi.

Daniel 2:33

A peangte thik taw kivawt a, a peangpakte khen khat thik taw kivawt in, khen khat tungman taw kivawt hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Daniel 8:25

Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi.

Zechariah 12:3

Ahihang tua hun hong thet ciang, Jerusalem sia a ngit suangtum pui khat bangin ka vawt tu a — tuasia laamto tu a kipan minam pawpo liam tu hi. Leitung minam theampo kipawlin ama sim tu uh hi.

Zechariah 4:6

Vantunglalang in Topa tung pan hong pai hi thu teng Zerubbabel tungah son tu in kei hong sawl hi: “Nangma in ngalkap thahatna hang hi ngawl, nangma thahatna hang hi ngawl, ahihang keima thaa bek taw na ma na tun tu hi.

Matthew 16:18

“Tuaciang, a maan takin kong ci ciang, Peter awng: nang sia suangpi na hi hi, tuaciangin, hi suangpi phungkawng tungah ka pawlpi ka phut tu a, thina ngawngawn zongh in a zo zo buatu hi.

John 1:13

Amate leitung pianziate taw Pathian ii tate a suak hi ngawl hi, cinopna in, pa khat ii hin tate bangin a piang ahi bua hi; Pathian mama sia amate ii Pa ahi hi.

Sawltakte 4:11

Jesus sia laithiangtho in hi bangin a ci pa ahi hi. ‘No inn sate ii na nil uh suang sia, a theampo sung pan a thupibel suang suak hi.’

2 Corinth te 5:1

Banghang ziam cile, hi ih teenna buk — hisung leitung ah ih pumpi kisia le — a tawntungin a kikhomsuan tu, eite teen natu Pathian in vantung ah inn khat nei tu hi ci in ih he hi.

Hebrew te 9:24

Banghang ziam cile, Christ in a tatak sia ii lim ahi mihingte vawt Thiangtho Mun sungah a tum bua hi. Ama in vantung tatak ma ah tumin Pathian mai ah eite luangin, tu in a na kilak tawntung hi.

1 Peter 2:7

No a umte atu in hi suang sia man nei mama hi; ahihang a um ngawlte atu in: inn sate ii mannung a sak ngawl, a nial suang sia a vekpi sung pan a thupibel hong suak hi,” ci hi.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 17:14

Amate in Tuuno sia do tu uh hi; ahihang Tuuno in ama sapsa, tealsa le a thumaan nungzuite taw kopin zothal tu uh hi, banghang ziam cile ama sia topate ii Topa, kumpite ii Kumpipa ahi hi,” ci hi.