Daniel 2:23 - Syin Chin Bible

²³ Ka taanghpupite ii Pathian awng, nang kong pok a, kong zakta hi. Nangma in ciimna le thahatna nong pia zo hi; Ka thungetna nong zo a, kumpipa tungah ka son tu thute nong lak zo hi” ci hi.

Daniel 2:23 Iomraidhean Croise

Pianciilna 18:17

Tuaciang Topa in, “Ka hi tu thu teng Abraham tungah ka iim buatu hi.

Pianciilna 31:42

Ka pate ii Pathian, Abraham le Isaac ii Pathian in kei taw omkhawm buathong le khut hawm nguakin nong hawlkhia zo tu hi. Ahizong Pathian in ka thinngimna le ka nasepna te mu zo a, tu zanin nang tungah thukhenna hong pia hi.”

1 Kumpite 18:36

Nikai sang sangaw biakpiakna hun tak ciang Elijah in biaknatau neak in thungen hi. “Oh Topa, Abraham, Isaac le Jacob te ii Pathian awng, tu in nang Israel ii Pathian hi a, tuaciang kei sia na naseampa ka hina taw nong sawl bangin hi bang teng ngamta ka hina thu sia hong lak ta'n.

1 Kumpite 8:57

Topa ih Pathian in ih taanghpupite taw a omkhop bangin ei taw hong omkhawm tahen; hong nusia ngei heak hen a, hong taisan heak hen;

1 Khangtaanghthu 29:10

David kumpipa in a kikhawm mihonpi bup mai ah Topa pok hi. Ama in, “Ka taanghpupi Jacob ii Topa Pathian awng, a tawntung a tawntungin nangma kipok tahen!

1 Khangtaanghthu 29:13

Tu in ka Pathian awng ka lungdamnate kong ko uh a na minthang kong pok uh hi.

2 Khangtaanghthu 20:6

a ngingin, “Oh Topa ka taanghpupite ii Pathian awng, vantung le leitung ngam theampo na uk siat hi. Nangma sia a vaanglian a thahat na hi a, kuama in hong nalh zo ngawl hi.

Psalm Late 21:2

Ama ii lungngul sia na pia zo a, hong ngetna bangin na zo kik zo hi.

Psalm Late 21:4

Ama in nuntakna hong ngen a, tuasia ma na pia hi, khansau le a kikhomsuan nuntakna na pia hi.

Psalm Late 25:14

Topa sia ama' thu a nite ii lawm hi a, amate tungah a thuciam kipsak hi.

Psalm Late 50:14

Pathian tungah lungdamkona sia nangma sangaw biakpiakna hi zaw tahen, Vaanglianbelpa tungah piak tu a, na kamciam bangin pia siat in.

Pusuana 3:15

Keima, Topa a taanghpupite ii Pathian, Abraham, Isaac le Jacob te ii Pathian in amate kungah nang kong paisak sia Israel te tungah son in. Hi sia in a tawntung ka min hi; maisang hong piang tu khang theampo in hi bangin keima hong sam tu hi.

Paunakte 21:22

A pil a thiam ngalkapmang khat in mihing thahatte ii a cin khuapi khat sia la zo hi, tuaciangin amate ii muan khuapi luphungte susia hi.

Paunakte 24:5

Ciimna in thahatna sangin phazaw hi. Hi hi, heakna sia thahatna sangin thupi zaw hi.

Paunakte 8:14

Ngealnate ka nei a, tuabangin ka seam suak hi. Telthiamna ka nei a, ka thahat hi.

Thuhilsya 7:19

Khuapi uk mihing sawmte ii khuapi khat atu a vawt thei sangin ciimna in mihing khat atu tam vawt zaw hi.

Thuhilsya 9:16

Ciimna sia hatna sangin phazaw hi ka ci tawntung hi, ahizong kuama in mizawngpa sia mihing ciim in ngaisun ngawl a, ama paunate kuama in nadon ngawl hi.

Thuhilsya 9:18

Ciimna in ngalhiamte sangin a pha seam thei zaw a, ahizong mihing khial khat in na pha tam mama lalsak thei hi.

Isaiah 12:1

Mihingte in hi bang la a sak tu ni khat hong theng tu hi, “Nang kong pok hi, Topa awng! nang in kei tungah nong thin uuk hi, ahihang tu in nong heeneam a, na thin uuk nawn ngawl hi.

Jeremiah 33:3

“Kei nong sam uh le kong zo tu hi; a thu na heak ngawl lai a lamdangte le thu tumdangte kong son tu hi.

Daniel 1:17

Pathian in tua tangvalno lite sia heak theina, lai thiam pilna le thuthuk ngaisut theinate pia hi. Tua bek dom ngawlin ama in Daniel sia mukholnate pheen theina le mang khiak thiamna pia hi.

Daniel 2:18

Vantung Pathian in amate hesuak a, tua thu tumdang sia sonthiang thei in, Babylon ngamsung a kumpi thudok dangte taw a kithalup khop ngawl natu in, ama in a lawmte thungen tu in sawl hi.

Amos 3:7

Vaanglianpipa Topa in a naseam kamsaangte tungah a tupna kilanghsak phot ngawlin bangma seam ngeingawl hi.

Matthew 11:25

Tua hun laitakin Jesus in, “Simlei le vantung ii Topa, Pa awng hi thute mihing ciim mihing thiamte tung panin, na sealcip a, bangma he ngawl lai mihingte tungah lak na hikom na tungah ka lungdam hi.

Luke 10:21

Tua hun laitakin Jesus Thaa Thiangtho in lungdamna taw kidimsak a, hi bangin ci hi. “Van le lei ii Topa ahi Pa awng! Na tungah ka lungdam hi, banghang ziam cile mihing pilte le mihing ciimte mun panin na seal thute pilna a nei ngawlte tungah na lak hi. Hi hi, Pa awng, hi bang tu ma na deina ahi hi,” ci hi.

John 11:41

Amate in suangtum lakeak uh hi. Jesus in khuadak to a, “Pa awng, ka thu nong ngai hu in lungdam kong ko hi.

John 15:15

Naseamte awng, kong ci nawn bua hi, banghang ziam cile naseampa in a topa in bang teng vawt ziam, ci in a he bua hi. Tuasia taangin lawmte awng kong ci hi, banghang ziam cile Pa kung pan ka zaak thu theampo kong son zo hi.

Thupualaakna 1:1

Hi laibu sia Jesus Christ ii pualaak thute a kitepteena ahi hi. Hai ngawlin, a tung tu thute a naseamte tungah a lak thei natu in, Pathian in hi pualaakna pia hi. Christ in a naseampa John tungah a heaksak natu in, ama kungah a vantunglalang paisak a,

Thupualaakna 5:5

Tua zawkciang upate khat in, kei tungah, “Kap heak in, En in! Judah minam sung panin Tawpi ahi, a lian David suan pa in zawna nga zo a, ama in tepteena salite balthamin laizial hong thei tu hi,” hong ci hi.