Daniel 12:7 - Syin Chin Bible

⁷ Vantunglalang in a khutte nii van sangah laamto a, Tawntung Pathian min taw a ciliap huai kamciamna khat vawt hi. Ama in, “Kum thum le kum lang hi tu hi. Pathian mite a kivawtsiatna a bo ciang hi thute theampo piang siat zo tu hi,” a ci ka za hi.

Daniel 12:7 Iomraidhean Croise

Isaiah 62:12

No sia, “Pathian ii A thiangtho Mite” “Topa Ngup sa Mite” hong kici tu hi. Jerusalem sia, “Pathian ii It Khuapi,” “Pathian ii Nusiat Ngawl Khuapi” kici tu hi.

Jeremiah 4:2

ka min suang a na kiciam tu uh sia no atu in a maan hi tu hi. Tuasia ciang minam theampo in amate thupha ka piak natu hong ngen tu uh a, kei hong pok tu uh hi,” ci hi.

Ezekiel 20:5

Ka ci teng son in. Israel ka teal lai in kamciam khat ka pia hi. Egypt ngam amate kungah ka kilangh a, amate mun ah: Keima in Topa na Pathian khi hi, ka ci hi.

Daniel 10:5

Ka etto le puannealte silh a, khamh ciitak kawngkhau a thua mihing khat ka mu hi.

Daniel 11:13

“Syria kumpipa cia kikin a masa a nei ngalkap phaza sang a tamzaw ngalkap khawm tu hi. A hun cing a sak ciang ama in ngalhiam vanhte taw a kinging phitphet ngalkap tam mama taw kuan kik tu hi.

Daniel 12:6

Amate khat in tuilu sang a khuala zawhiatna ah a ding vantunglalang tungah, “Hi a lamdang thupiangte a bo tu sia bang tanvei ngei tu ziam?” ci in dongh hi.

Daniel 12:8

Ama thu son ka za hi, ahihang a cinopna ka tel bua hi. Tua ahikom, “Tuale, topa awng, tuasia bangbangin bo tu ziam?” ci in ka dongh hi.

Daniel 4:31

A kammalte zongh khuangkhim ngawl lai in, vantung pan pauna aw khat hong nging a, “Nebuchadnezzar kumpipa awng, ka thu son ngai in! Na kumpi vaangletna sia tu in na tung pan hong kilaaksak hi.

Daniel 4:34

Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Daniel 7:21

Ka et laitakin, tua kii in Pathian ii mihingte do in zothal hi.

Daniel 7:25

Ama in Lianbel Pathian sia sonsia tu a Pathian ii mihingte nengcip tu hi. Ama in amate ii biakna taw kipawl thukhamte le poai vawtnate khealsak tu in hanciam tu hi, Pathian ii mihingte sia ama ii khutnuai ah kum thum le kumlang om tu hi.

Daniel 8:14

A dang vantunglalang in, “Nitak le zingsang kingawm 2,300 vei ngei tu a, tua hun sung teng ah biakpiakna kivawt ngawl tu hi. Tuasia zawkciang Biakinnpi sia a ngeina bangin kipua pha kik tu hi,” ci in a zona ka za hi.

Daniel 8:24

Ama a thahat tu a — ahihang ama ii hantang thahatna hi ngawl tu hi. Ama in a lauhuai siatna piangsak tu a, a sep theampo zo tu hi. Ama in mihing thahatte le Pathian ii mihingte susia tu hi.

Luke 21:14

No le no na kidal natu, na thinngim ngawl natu in a hun hong tun ma in, na thin uh khensat khol tavun;

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

Thuhil kikna 26:19

Ama ii piansak minam dang theampo sangin a lianzaw in note hong vawt tu a, ama min pokin na patoai tu uh hi. Ama kamciam bangin note ama mihing na hi tu uh hi,” ci hi.

Thuhil kikna 32:36

A thahatna teng a bo a mu ciang Topa in a mite suatak tu hi. Ama in a naseamte a panpui tu a om ngawl hunlam a mu ciang, ama na a seamte hesuak tu hi.

Thuhil kikna 32:40

Keima in a nungta Pathian ka hi takpi bangma in, ka khut laamin,

Thuhil kikna 7:6

Hi bang vawt vun, banghang ziam cile note Topa na Pathian neisa hi nu hi. Leitung mi theampo sung pan ama aituam mi in note hong teal hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

Thupualaakna 12:14

Tua numei sia sennealngam ama omna a zot natu in muvanlai lian khat ii thakhui nii kipia a, tua munah kum thum le kum lang sung ngulpui ii sim natu pan kikeamcing tu hi.

Thupualaakna 12:6

Numei sia sennealngam sungah tai a, Pathian vawt kholsaksa tuak munah ni 1,260 dong ama kikeamcing tu hi.

Thupualaakna 13:5

Nganhing sia Pathian selnona kamte taw a kiphatsak natu le tha sawmli le tha nii sung teng thunei thei tu in thu kipia hi.

Thupualaakna 4:10

Tuabangin a sep uh ciangin upa kul le lite sia kumpi tokhum tung a to Topa mai ah boksuk in, a tawntung a tawntungin a nungta pa bia uh hi. Amate in a kumpi lukhute sia kumpi tokhum mai ah khiasuk in,

Thupualaakna 4:9

Kumpi tokhum tungah a to pa, a tawntung a tawntungin a nungta pa tungah nganhing li teng in minthanna, upatna le lungdamkona la sak uh hi.