Daniel 12:2 - Syin Chin Bible

² A thisate tam mama nungta kik tu uh hi: pawlkhatte sia tawntung nuntakna nga tu uh a, pawlkhatte in tawntung maimawlna thuak tu uh hi.

Daniel 12:2 Iomraidhean Croise

Paunakte 12:8

Na pil le, nang hong kipok tu hi; na mawmaw le nang hong kinomu tu hi.

Isaiah 26:19

Ka mipui a thisate nungta kik tu uh hi! A pumpi uh nungta kik tu uh hi. Thaan sungah a mute theampo thoto tu a, lungdamin lasa tu uh hi. A tee vasip daaitui in leitung thathak a piak bangin Topa in taanghlai pek a, a thisate nungtasak tu hi.

Isaiah 66:24

“Amate a cia uh ciang kei hong langpan te ii luanghawmte mu tu uh hi. Amate a ne lungte thi ngeingawl tu a, amate kihalna meite kimit ngeingawl tu hi. Amate sia mihing nam theampo in a kiihuai in mu tu uh hi,” ci hi.

Jeremiah 20:11

Ahihang Topa awng, nangma in keima sangah nong pang a, na thahat in na vaanglian hi, Kei hong vawtsiate sia ngallel tu uh hi. Amate a min kipaansak tawntung tu uh hi, banghang ziam cile amate taangtun zo ngawl hi. Amate ii minpaanna sia kimangil ngeingawl tu hi.

Ezekiel 37:12

Tua ahikom Israel ka mite tungah Keima, Vaanglianpipa Topa in a thaankhukte ka honsak tu hi ci in kamsaanna pia in. Keima in amate ka lakeak tu a, Israel ngam ah ka pui kik tu hi.

Hosea 13:14

Hi mite sia mithi khua pan ka ngum buatu a, ahibuale thina vaang pan ka suatak buatu hi. Thina awng, na pul natnate hong paipui ta'n! Mithi khua awng, na suksiat theina hong paipui ta'n! Hi mite ka hesuak nawn buatu hi.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Sawltakte 24:15

Hi lai ah a om mihingte bangma in Pathian sungah lametna kibang khat ka nei thu sia, a pha taw a sia taw mihing theampo in thina pan tho kik tu ci thu ahi hi.

Sawltakte 7:60

Ama in khupdin a, awnging tak taw, “Topa! hi mite mawna na tepteesak heak in!” a ci zawkciangin thi hi.

Romete 9:21

A tatak ci leang bealte a vawtpa in tungmante a dei babangin a zak thei natu thunei a, tungman lom khat panin beal nii vawtin, khat sia hun thupi sung a zak tu, a khat sia hun thawthong sung a zak tu in vawt theina thunei hi.

1 Thessalonica te 4:14

Jesus thi a, tho kik hi, ci in ih um hi, tua ahikom ama um a, a thite sia Pathian in Jesus taw hong la kik tu hi, ci in ih um hi.

Thupualaakna 20:12

Tuaciangin a thite a lian le a no a kibangin kumpi tokhum mai ah a ding ka mu hi. Laibute kihong a, tua zawkciang a nungtate tepteena laibu dang khat zongh kihong hi. A thite sia tua laibu sungah amate ngamtatna a kitepteena bangin thu kikhen hi.