Daniel 12:13 - Syin Chin Bible

¹³ “Tua ahiciang, Daniel awng nangma, a tawp dongin thumaan in. Tuasia zawkciang na thi tu hi, ahihang a tawpna hun ciang, na minphatna tel saang tu in na tho tu hi,” ci in zo hi.

Daniel 12:13 Iomraidhean Croise

Psalm Late 1:5

Mawneite Pathian in puavawk tu a, Pathian ii mite sung pan a tuamin koi tu hi.

Psalm Late 16:5

Topa awng, Nangma in ka nei a minpiang a buppi na hi a, tuaciang ka kisap theampo nong pia hi; maisang ka nuntak natu na khut sungah om hi.

Psalm Late 16:9

Tua ahikom kei sia lungdamko nopna le lungdamna taw ka kidim hi, tuaciangin ngammuanna a cing takin nei ka kisa hi,

Pusuana 33:14

Topa in, “Nang taw ka paikhawm tu a, zawna kong pia tu hi,” ci hi.

Daniel 12:3

Lampui ciimte sia van ii taanna theampo taw taang tu uh hi. A maan seam tu in mihing tam thu a hilte sia aksi bangin taang tawntung tu uh hi,” ci hi.

Daniel 12:4

Ama in kei tungah, “Daniel awng, tu in leitung bo dong tua laibu khup in a, a tungah tazeik tum in. Tua hun sungin, mihing tam mama in bang thu piang ziam ci thu a heak nopna taw hanciam thawthong tu uh hi,” hong ci hi.

Zechariah 3:7

Vaanglianbelpa Topa ii ci teng son hi: “Ka thukhamte zui in kong sawl tuamte na seam le, tuasia ciang ka Biakinnpi le a suumte na uk suak tu hi, tuaciang ka omna munah a om vantunglalangte thungetna ka zaak bangin na thungetnate kong za tu hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

2 Corinth te 5:1

Banghang ziam cile, hi ih teenna buk — hisung leitung ah ih pumpi kisia le — a tawntungin a kikhomsuan tu, eite teen natu Pathian in vantung ah inn khat nei tu hi ci in ih he hi.

2 Thessalonica te 1:7

tuaciang no a thuakte le ko zongh nopsakna hong pia tu hi. Topa Jesus in ama ii a thahat vantunglalangte taw

Thupualaakna 14:13

Tua zawkciang, vantung panin awnging khat ka za a, “Hi sia at in. Tu pan kipan Topa nasepna sungah a thite sia mihing thupha ngate ahi uh hi,” ci hi. “Hi tatak hi! Amate in nasep haksatnate panin, tawlngakna nga tu hi, banghang ziam cile amate nasep phatna in amate zui tu hi,” ci in Thaa in zo hi.