Daniel 12:10 - Syin Chin Bible

¹⁰ Mihing tam mama kithiansua tu hi. Mi seksolte in tel ngawl tu uh a seksol tan tu uh hi; miciimte bekin tel tu uh hi.

Daniel 12:10 Iomraidhean Croise

Psalm Late 107:43

A ciimte in hi thute ngaisun thei tahen; Topa ii itna kip ngaisun thei tahen.

Psalm Late 51:7

Ka mawna hong laakkeaksak ta'n, tua hile ka thiangtho tu hi, hong sil ta'n, tua hile vuuk sang ka ngo zaw tu hi.

Paunakte 1:5

Hi paunakte in a ciimte ii heakna ngawngawn belap thei a, pilna saang a neite lamlak hi,

Isaiah 1:18

Topa in, “Tu in, thukhensat tawng. Note in mawna chisan na baang uh a, ahihang vuuk bang a thiang tu in kong sil tu hi. Note tungah a sannum baang kale zong, tuu mul bangin na kaang tu uh hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Ezekiel 47:11

Ahihang vaalbo dungah a om buannawngte le tuicing note sungah tuite kithiangsak ngawl tu hi. Tua tuite ci al pian natu in tua munah om tawntung tu hi.

Daniel 11:33

Mihingte ii lampui ciimte in amate ii a ciimna midang tam mama hawm tu uh hi. Ahihang hun tawmvei sungah amate pawlkhat ngal sungah kithatlum tu a, ahibuale mei taw kihallum tu hi, tuaciang pawlkhatte sia kisuttol tu a, thong kitaaksak tu hi.

Daniel 11:35

Tua mihing ciim lampuite pawlkhat kithatlum tu a, ahihang hi sia hu in mihingte kithiansua tu hi. Hi sia Pathian ii ciangtan hun, a tawpna a thet dong kizom suak tu hi.

Daniel 12:3

Lampui ciimte sia van ii taanna theampo taw taang tu uh hi. A maan seam tu in mihing tam thu a hilte sia aksi bangin taang tawntung tu uh hi,” ci hi.

Hosea 14:9

Miciimte in hi sung a, a ki atte tel tahen a, a thinsung uh ah ciing thei tahen. Topa ii lampite maan a, thutang mite in tuate a zuina taw nungta uh hi, ahihang mimaw mikhial te lutu in puk uh hi, banghang ziam cile amate in tua thute awlmaw ngawl uh hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Malachi 3:3

Ama in ngunn a thiangsak pa khat bangin thukhen tu in hong pai tu hi. Thik seakpa in khamh le ngunn a thiansak bangin a maan biakpiakna te Topa kungah hong paipui natu in, Topa kamtaipa in thiampite thiansua tu hi.

Mark 4:11

“No tungah Pathian Ngam thuku sia hong kipia zo hi,” ci in Jesus in zo kik hi. “Ahihang a puasang om ngualdangte in, thusonteena taw veu in a za tu uh hi.

Luke 24:25

Jesus in amate tungah “Bangza ta in mawmaw nu ziam? Kamsaangte son theampo bangza in um thei papaih ngawl nu ziam?

John 18:37

Pilate in, “Tua ahile kumpipa khat na hi ziam?” ci in dongh hi. Jesus in, “Kumpipa hong ci sia nangma na hi hi. Hi leitung ah suak a, thumaan thutak sia ii thu son tu tupna khat taw in kong pai hi. Thumaan thutak ii neisa ahite peuma in kei thu hong ngai hi,” ci in zo hi.

John 7:17

Pathian dei bang a ngamta nuamte peuma in, Pathian kung pan hong pai thu ziam, tua ahibuale keima aituam thuneina taw hil khi ziam, he tu hi.

John 8:47

Pathian kung pan hong pai pa in, Pathian kammalte ngai hi. Ahizong no sia Pathian kung pan na hi bua uh a, tua hu in hong ngai nuam ngawl nu hi,” ci hi.

1 Corinth te 6:11

Note pawlkhat in tuabang na ngamta ngei uh hi. Ahihang note sia mawna panin hong kithiansua zo hi; Pathian tungah hong ki aaptuam zo hi. Topa Jesus Christ le eite Pathian ii Thaa in Pathian mai ah note thutang hong suaksak zo hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Hebrew te 12:10

Ih leitung pate in pha a sak uh ciaciang, tawmvei sung daan hong pia hi; ahihang Pathian in, ahile, ama thianthona ih siim thei natu in eima phattuam natu a vawt ahi hi.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 1:7

Tua haksatna thuaknate ii tupna in na upna uh a maanna a kilak natu ahi hi. A kisia thei khamh ngawngawn zongh meisa taw kisit lai hi; tua ahikom khamh sangin tam mama in a man nei zaw na upna uh zongh a kip thei natu in hong kisit tu hi. Tua hile Jesus Christ hong kilaak Ni tak ciangin pokna, minthanna le vaang piakna na saang tu uh hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

Thupualaakna 16:11

tuaciang vantung Pathian tungah a meima botte hu in, haamsiat uh hi. Ahihang amate ngitlona pan a kisiik tuan bua uh hi.

Thupualaakna 19:14

Vantung ngalkap honte in puankaang neal silh a, siphu kaang tungah to in ama zui uh hi.

Thupualaakna 19:8

Ama ii silh tu in a thiang, a tee vazia puante kipia zo hi,” ci uh hi. (A puanneal in Pathian ii mihingte ii na pha a septe ahi hi.)

Thupualaakna 22:11

A ngilo sia in a ngitlo bangin paisuak tahen a, a kiihuai sia in a kiihuai bangin zom suak tahen; a kuama po mihing phate in phatna vawt suak tahen a, a thiangthote in a thiangtho in om suak tahen,” hong ci hi.

Thupualaakna 3:18

Tua ahikom ngaisut kong piakna panin, na hau natu in kei kung pan khamh, khamh ciitak hong lei ta'n. A maizumhuai pumnguaktangin na om sia na kiseal natu in, puankaang zongh hong lei ta'n. Khua na mu thei natu in, na mittang na noi tu in, za pawlkhat hong lei ta'n.

1 Samuel 24:13

Taanghkam teptee khat, ‘Siatna sia misiate bek in vawt hi’ a ci sia he ni hi. Tua ahikom nang sia bangma hong law ngawl tu khi hi.