Daniel 12:1 - Syin Chin Bible

¹ Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Daniel 12:1 Iomraidhean Croise

Psalm Late 56:8

Bangza in ngim nga ka hi sia nong he hi; nangma in ka thituite nong tepteesak zo hi. Na laibu sungah tuate kiciamtee hi ka na ngawl ziam?

Psalm Late 69:28

Nuntakna laibu sung pan amate min sia kimel tahen; na mite a kitepteena lai sungah amate kihel heak hen.

Isaiah 4:3

Jerusalem ah a taanglai, Pathian ii a nungta lai tu a tealsa theampo sia, a thiangtho kici tu hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Jeremiah 30:10

“Ka mite awng, lau heak vun; Israel mite awng, patau heak vun. Na thongtaakna a khualana ngam panin kong suatak tu hi. Inn ah nong cia kik tu uh a, thinnuam takin na teang tu uh hi; na ngammuang tu uh a, kuama in no hong lausak ngawl tu hi.

Jeremiah 30:7

A lauhuai mama ni khat hong theng tu a; nidang taw kitee thei ngawl tu hi — ka mite ii ngimna thuak hun hi tu a, ahihang amate suakta veve tu uh hi,” ci hi.

Ezekiel 13:9

A maan ngawl mukholna te le lamkhialsak tu sonkholnate a nei no kamsaangte daan kong pia tu hi. Thukhen tu in ka mite a kikhop ciang, tua munah na om buatu hi; Israel ngammite tepteena lai sungah na min uh a kihel buatu hi. Na ngam uh ah na heak kik ngei buatu uh hi. Tuasia ciangin kei sia Vaanglianpipa Topa ka hi hunlam na he tu uh hi.

Ezekiel 34:24

Keima, Topa sia amate ii Pathian ka hi tu a, ka naseampa David bang ahi kumpi khat in amate a uk tu hi. Keima ka pau zo hi.

Ezekiel 5:9

Ka ngaimawk nate theampo na vawt hu in, Jerusalem sia nidang a ka piak ngeingawl, mai sang zongh ah ka piak nawn ngawl tu daan ka pia tu hi.

Daniel 10:13

Persia kumpi ngam a cing vantunglalang in ni kul le ni khat sung hong khak hi. Tuasia ciang vantunglalangte ii ukpi khat ahi Michael sia kei hong panpui tu in hong pai hi, banghang ziam cile tua mun Persia ngam sungah keima nguak hong kinusia hi.

Daniel 11:45

Ama in a kumpi puanbuk liante ngawngawn sia Biakinnpi dinna mual le tuipi kilaklaw ah sa tu hi. Ahihang tua mun ah ama a hu tu om ngawlin thi tu hi,” ci hi.

Daniel 7:10

tua mun panin meikuang a kipee in hong pusuak hi. Ama ii naseam tu in mihing tul tam mama tua munah om a, ama mai ah mihing awn tam mama ding uh hi. Thukhen natu hun kipan a, laibute kihong hi.

Daniel 9:12

Kote tung le kote hong ukte tungah kong vawt tu hi nong ci sa bangma in nong vawt hi. Leitung a om khuapi dang khat po sangin Jerusalem khuapi sia a nasia zaw in daan na pia a,

Joel 2:2

Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Malachi 3:16

Tuasia ciang Topa a kiitate khat le khat kipaupui hi, tuaciang Topa in amate son teng ngai in za hi. Ama mai ma ah Topa a kiitate le a zaktate tepteena sia laibu khat sungah ki at hi.

Matthew 24:21

Banghang ziam cile tua hun ah ngimna sia leitung a kipat pan kipan, tuni dong a piang ngei ngimnate theampo sangin nasia zaw pek tu hi. Tuabang ngimna sia maisang zongh ah om kik ngei nawn ngawl tu hi.

Mark 13:19

Banghang ziam cile tua hun a ngimnate sia Pathian ii leitung a bitphua pan tu hun dong leitung mihingte ii heak ngei sangin nasia zaw pek tu hi. Tuabang ngimna sia maisang zongh ah a om nawn buatu hi.

Luke 10:20

Ahizong thaa ngilote ii na thu uh hong nit sia, lungdam heak vun, vantung a, na min uh a kiteptee hu in, lungdam zaw tavun,” ci hi.

Romete 11:15

Banghang ziam cile amate tuabangin a kinial ciangin leitung mihing dangte Pathian ngal dinmun panin, Pathian lawmte cina dinmun ah theng uh hi. Amate a kisaan ciangin bangbang hi tu ziam? A thite atu in nuntakna suak tu hi.

Romete 11:26

Tuaciang hi thu in Israel mite theampo a kihut tu zia hi tu hi. Laithiangtho in: “Hunpa Zion panin hong pai tu a, Jacob suante tung panin ngitlona theampo heam tu hi.

Ephesus te 1:21

Christ in tua munah vantung ukpite, thuneite, vaangletna neite, tote theampo ii tung panin uk hi; ama in hi leitung ah ahizong, hong pai pheang tu leitung ah ahizong, thunei min le zate theampo sangin a lianzaw min le za nei hi.

Philippi te 4:3

Tuaciang a thumaan ka naseppui noma zongh in, hi numeite na hu tu uh ka dei hi; banghang ziam cile amate sia Pathian ii nuntakna laibu sungah a om Clement le ka naseppui dangte theampo taw kop in, lungdamna thu kizel natu in keima taw nasia tak a diangte ahi uh hi.

Jude 1:9

Vantunglalangte sung pan a lianbel Michael zongh in hi bangin ngamta ngawl hi. Moses luanghawm sia Doaimangpa taw a kituu laitakin, Michael in Doaimangpa sia kamsia taw na lang ngawl a, “Topa in nang hong teih tahen,” na ci bek hi.

Thupualaakna 1:5

a thumaan tetti hi a, thina pan kithosak kik masa leitung kumpite theampo a ukpa Jesus Christ kung pan thuthiamna le thinnopna sia note aa hi tahen. Ama in ei hong it a, ama chisan hangin eite, mawna pan hong suatak hi,

Thupualaakna 12:7

Tua zawkciang vantung ah ngal kisimna piang hi. Michael le a vantunglalangte in ngulpui do uh a, tua ngulpui in, ama lalangte taw kopin do kik hi;

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.

Thupualaakna 17:14

Amate in Tuuno sia do tu uh hi; ahihang Tuuno in ama sapsa, tealsa le a thumaan nungzuite taw kopin zothal tu uh hi, banghang ziam cile ama sia topate ii Topa, kumpite ii Kumpipa ahi hi,” ci hi.

Thupualaakna 20:12

Tuaciangin a thite a lian le a no a kibangin kumpi tokhum mai ah a ding ka mu hi. Laibute kihong a, tua zawkciang a nungtate tepteena laibu dang khat zongh kihong hi. A thite sia tua laibu sungah amate ngamtatna a kitepteena bangin thu kikhen hi.

Thupualaakna 20:15

A nungtate min khumna laibu sungah a min a om ngawl peuma meili sungah kilawn hi.

Thupualaakna 3:5

Zawna a ngate in hi bang puankaang a silh tu hi, tuaciangin amate min sia a nungtate min khumna laibu sung pan ka phiat buatu hi. Ka Pa le a vantunglalangte mai ah amate sia keima neisa ahi hi, ci in a kilangh takin ka thangsak tu hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.