Daniel 11:40 - Syin Chin Bible

⁴⁰ “Syria kumpipa ii hun a bo kuan ciang, Egypt kumpipa in ama sim tu hi, Syria kumpipa in a tha nei theampo taw, siphu ngalleangte, siphute le teambaw tam mama zanghin Egypt kumpipa do kik tu hi. Ama in namthuam tuikhang bangin ngam tam mama sim tu hi.

Daniel 11:40 Iomraidhean Croise

Isaiah 21:1

Hisia sia Babylon taw kisai thupuak ahi hi. A lauhuai ngam khat panin suumpei khat bangin sennealngam kaantan in, tuasiatna hong pai tu hi.

Isaiah 5:28

Amate thaltangte hiam a, a thalte kaa tawm tu bekin eal pinpen uh hi. A siphu peangcinte thausuang bangin sak a, a muite suumpei bangin pei hi.

Isaiah 66:15

Topa sia meikuang taw hong pai tu hi. Ama sia a thin a uuk sakte tungah daan pia tu in vuipi ii tha tungah to tu hi.

Jeremiah 4:13

En vun, meeite bangin ngal hong pai hi. Amate ii siphu ngalleangte sia suumpei taw kibang a, a siphute sia muvanlaite sangin ngang zaw uh hi. Ei a lel ih hi hi! Ei a lal ih hi hi!

Ezekiel 38:4

Ama heak zazaan in a, a kha ngu sia thikkoai bulin ama le ama ii ngalkapte theampo ka kaikeak tu hi. Ama ngalkaphonpi sia a siphute le a kibang puan a silh siphu tungtote taw, tam mama a, ngalkapte theampo in lum le namsau khat tek toai uh hi.

Ezekiel 38:9

Ama le a ngalkapte le ama taw kipawl ngam tam mamate in vuipi bangin sim tu a, meei bangin a ngamsung a tuamcip tu uh hi,” ci hi.

Daniel 11:10

“Syria kumpipa ii tapate ngalsim tu in kinging tu a, ngalkap tam mama khawm tu hi. Kumpipa tapate sung pan khat in tui liim bangin ngalte ii kulh sim tu hi.

Daniel 11:11

Egypt kumpipa in a thin uukna taw, Syria kumpipa sim tu a, a ngalkaphonpi matsak tu hi.

Daniel 11:13

“Syria kumpipa cia kikin a masa a nei ngalkap phaza sang a tamzaw ngalkap khawm tu hi. A hun cing a sak ciang ama in ngalhiam vanhte taw a kinging phitphet ngalkap tam mama taw kuan kik tu hi.

Daniel 11:22

Ama a nalh pawpo, Pathian ii Thiampi Lianbel ahi keak zong kinil keakin, kibosak tu hi.

Daniel 11:25

“Ama in Egypt kumpipa sim tu in hang takin ngalkap tam mama khawm tu hi, Egypt kumpipa zongh in amate do kik tu in a thahat ngalkap tam mama taw kinging tu hi. Ahihang Egypt kumpipa sia kitheam tu a, ngalzo ngawl tu hi.

Daniel 11:35

Tua mihing ciim lampuite pawlkhat kithatlum tu a, ahihang hi sia hu in mihingte kithiansua tu hi. Hi sia Pathian ii ciangtan hun, a tawpna a thet dong kizom suak tu hi.

Daniel 11:39

Ama ii kulhte cing tu in, ama in ngamdang pathian khat a bia mihingte zangh tu hi. Ama ukpa in a saangte sia ama in minphatna lian pia tu a, zalian pia hi, tuaciang a tel in leitang pia tu hi.

Daniel 11:7

Tua zawk hai ngawlin Egypt kumpipa tanu ii mealheak khat kumpi suak tu hi. Tua kumpipa in Syria kumpipa ii ngalkaphonpi sim tu a, a kulh sungah tum in zo tu hi.

Daniel 12:4

Ama in kei tungah, “Daniel awng, tu in leitung bo dong tua laibu khup in a, a tungah tazeik tum in. Tua hun sungin, mihing tam mama in bang thu piang ziam ci thu a heak nopna taw hanciam thawthong tu uh hi,” hong ci hi.

Daniel 12:9

Ama in, “Daniel awng, tu in na pai kul tu hi, banghang ziam cile hi kammalte sia a tawpna hong thet mateng kiseal in, thuku a koi tu ahi hi.

Daniel 8:17

Gabriel hong pai in ka kungah hong ding a, lau mama ka hikom lei ah ka puk hi. Ama in kei tungah, “A thithei mihing awng, a khiakna tel in. Na mukholna sia leitung bo natu thu taw kisai hi,” hong ci hi.

Habakkuk 3:14

A zawngkhalte a zawthawk uh ciang a oaiaam mite bangin kote hong thethaang tu in a ngalkapte vuipi bangin hong pai ciang na thaltangte in a ngalkaphonpi ukpa kaaplet hi.

Zechariah 9:14

Topa in a mite tungah hong kilangh tu hi; ama in a thaltangte khualeng bangin kap tu hi. Vaanglianpipa Topa in a lemle tum tu a; thangsang pan vuipi suangval bangin hong kuan tu hi.

Thupualaakna 16:12

Vantunglalang a lukna in, Euphrates ngun tungah a khawbeam sungsuk hi. Nguntui hong kang a nisuana sang panin hong pai tu kumpipate atu in lampi piangsak hi.

Thupualaakna 9:16

Siphu ngalkap awn zanii om hi ci in hong kison hi.