Daniel 11:4 - Syin Chin Bible

⁴ Ahizong a tha a hatbel laitakin a kumpi ngamlian kitamhtham tu a, khen li kisua tu hi. Ama ii suan le paal ahi ngawl kumpite in ama taangin uk tu a, ahihang amate in ama ii vaangletna za in vaang nei ngawl tu uh hi.

Daniel 11:4 Iomraidhean Croise

Psalm Late 39:6

limh khat bang hi lel hi. Ama sep le vawtte bangma in a kimang bua hi; ama in nei le lamh khawmtua ahitazong akua in lua tu ziam ci in a he bua hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Jeremiah 12:15

Ahihang amate ka laak zawkciang amate ka hesuak tu hi; a minam simin amate ii leitang tung le a ngam tek ah ka paipui kik tu hi.

Jeremiah 12:17

Ahihang minam khat pawpo in thu a mang bua ahile, tua minam sia ka zunglok tu a ka lalsak tu hi. Keima Topa in ka son zo hi,” ci hi.

Jeremiah 18:7

Hun khat pawpo ciang minam khat ahibuale kumpi ukna ngam khat sia a zung pan longh tu khi hi, thiaktan tu khi hi, ahibuale susia tu khi hi ci ka hi ta zong,

Jeremiah 31:40

Mithi phumna le ninteak vawkna leikuam buppi le Kidron lui tungsia ah lote theampo, nisuana sang Siphu Kongpi ciang dong, keima a tu in mun thiangtho hi tu hi. Khuapi sia kipheltham, kisusia kik ngei nawn ngawl tu hi,” ci hi.

Jeremiah 45:4

“Ahihang, Keima, Topa in ka sak sate ka baltham tu a ka phu sate ka botkeak tu hi. Leitung buppi sia hi bangin ka vawt tu hi.

Jeremiah 49:36

Mun theampo panin Elam ngam sia vui in ka seamsak tu a, a ngaltai mite a thet ngawlna ngam khat beak om ngawl dongin a mite mun theampo ah ka thethaang tu hi.

Ezekiel 37:9

Kei tungah Pathian in, “A thithei mihing awng, vui sungah kamsaanna pia in. Vui sia mun theampo pan hong pai natu, mithi luang hite sungah hu a khum natu le nuntakna a piak kik natu in, Vaanglianpipa Topa in thu ka pia hi ci sia vui kungah va son ta'n,” hong ci hi.

Daniel 7:2

hi bang ahi hi: Mun theampo pan vui hong va a, tuipi mai seam ngawp hi.

Daniel 7:6

Ka et laitakin nganhing khat kilangh hi. Tuasia pawlbeam taw kibang a, ahizong a nungzaang ah vacim tha taw a kibang tha li om in lutang li nei hi. Thu nei tuak khat in kimu hi.

Daniel 7:8

Tua kiite ka salh laitak a dang kiite sungah kiino khat hong poto ka mu hi. Tua kiino in tua munah a omsa kii thumte phulkeak hi. Hi kii in mihing mittangte le kiphatsak kam a pau kam khat nei hi.

Daniel 8:22

A kii po masabel sia a tal zawkciang a po kii lite sia, tua ngam a kikhenna pan hong piang tu kumpi ngam li a cinopna ahi hi, tua ngam lite sia a masabel kumpi ngam za in thahat ngawl tu uh hi.

Daniel 8:8

Tua keal sia kisathei vaial a, ahizong a thahatbel laitakin a kii taltan hi. Tua a kii pona munah a kician mama kii li poto a, tuate in mun tuatuam tek kawk uh hi.

Zechariah 2:6

Topa in a mite tungah, “Mun theampo ah note kong thethaang hi. Ahihang tu in, no saltaangte awng, Babylon panin suakta in Jerusalem ah heak kik tavun.

Zechariah 6:5

Ama in, “Hite sia vui lite hi a; tuate in leitung bup ii Topa omna pan hong pai tawm hi,” ci in hong zo hi.

Matthew 12:25

Jesus in amate khua ngaisutnate tel ahikom amate tungah, “Ngam khat pawpo pawl tuatuamin kikhen hen a, kidawdo le tua ngam a kip ngei buatu hi. Khuapi khat ahizong innkuan khat ahizong, pawl tuatuamin kikhenin, kihau siasua le a kitamhtham tu hi.

Luke 12:20

Ahihang Pathian in ama tungah hi bangin ci hi, ‘Mihing mawmaw pa awng! Zan ciang mama in na nuntakna na aap kul tu hi; tua hile nangma atu na kholsa hi teng sia akua in tang tu ziam?’ ” ci hi.

Thupualaakna 7:1

Hisia zawkciang leitung king li ah a ding vantunglalangte li ka mu a, leitung ah ahizong tuipi tungah ahizong, thingkung khat po tungah ahizong, vui a vak ngawl natu in amate in vuipi lite lencip uh hi.