Daniel 11:2 - Syin Chin Bible

² Tua hi a, tu a kong son tu thu in thumaan ahi hi,” ci hi. Vantunglalang in, “Kumpi thum in Persia ngam uk lai tu a, tua zomin a dang teng sangin a hau zaw kumpi a lina hong khang tu hi. Ama in a thahatbel laitak le a haubel laitakin Greece kumpi ngam thato tu hi.

Daniel 11:2 Iomraidhean Croise

Ezra 4:24

Biakinnpi sakkik sia kitawlngasak a, Persia kumpilianpa Darius ii kumpi maan a kum nii kum dong bangma seam ngawlin omcip hi.

Ezra 4:7

Persia kumpilianpa Artaxerxes maan hun ciangin Bishlam, Mithredath, Tabeel le a pawlpuite in kumpilianpa tungah laithak at kik uh hi. Tua laithak sia Aramaic lai taw in ki at a, a kisim ciang pheen kik kul hi.

Esther 1:1

Persia ngam khuapi Susa khua kumpi tokhum tung panin Xerxes kumpipa in India pan Ethiopia dong ngamke 127 uk hi.

Paunakte 22:21

tuaciang tuate in thumaan thutak sia bang tatak ziam ci in hong hil tu hi. Tua zawkciang tuate a zong tu in hong kipaisak ciang a maan thu nong ciapui tu hi.

Daniel 10:1

(Cyrus ii Persia kumpilian a sua zawk a kum thum kumin Belteshazzar a kici Daniel tungah thu khat kipualaak hi. Tua thu in thumaan ahihang telhak mama hi. Tua thu sia ama tungah mukholna taw in kisonthiang hi.

Daniel 11:25

“Ama in Egypt kumpipa sim tu in hang takin ngalkap tam mama khawm tu hi, Egypt kumpipa zongh in amate do kik tu in a thahat ngalkap tam mama taw kinging tu hi. Ahihang Egypt kumpipa sia kitheam tu a, ngalzo ngawl tu hi.

Daniel 7:5

A niina nganhing sia a nung peangte taw a ding vompui khat taw kibang hi. Tuasia in a hate taw telngu thum pu a, awnging khat in ama tungah, “Sa na neak zawk zaza ne tan lai in!” ci hi.

Daniel 8:21

Keal sia Greece kumpi ngam cinopna hi a, a mitte kilaklaw ah a po a kician kii sia kumpi masabel cinopna ahi hi.

Daniel 8:26

Nitak le zingsang biakpiakna thu taw kisai a, hi mukholna ii khiakna bang nang tung hong kisonsa teng taangtung tu hi. Ahihang hi mukholna thu a taangtun tu hun khuangei lai tu ahikom tu in thuku in koi in,” hong ci hi.

Daniel 8:4

Tua tuutal in a kiite taw, nitumna sang, saksang le thangsang a sik kawkoai sia ka en hi. Nganhing dangin khaktan zo ngawl a, a thahatna pan suakta zo ngawl uh hi. Ama sia a uk bang po ngamta in kisathei hi.

Amos 3:7

Vaanglianpipa Topa in a naseam kamsaangte tungah a tupna kilanghsak phot ngawlin bangma seam ngeingawl hi.

John 10:35

Laithiangtho ii ci sia a tawntungin maan hi, ci in ih he hi; tuaciang Pathian ii thupuak a nga tua mite sia ‘pathiante’ ci hi.

Thupualaakna 21:5

Tuaciangin kumpi tokhum tungah a to sia in, “Tu in na theampo a thak in ka vawt hi!” a ci zawkciang kei tungah, “Hi kammalte sia maan a muan thamman ahikom, lai taw at in” hong ci si hi.