Daniel 11:18 - Syin Chin Bible

¹⁸ Tua zawkciang ama in tuipi hui ah ngamte sim tu a, tam mama zo ngawp tu hi. Ahihang ngamdang lampui khat in ama zo tu a, a kisaktheina teng bosak tu hi; ama in Syria kumpipa ii kisaktheina sia ama tung ma ah tungsak kik nanak tu hi.

Daniel 11:18 Iomraidhean Croise

Esther 10:1

Xerxes kumpipa in a ukna ngamsung tuipi hui ngamkhente ah a teangte le a ngamsung sangah a teang mite sia zawthawk thu taw sawlin na seamsak hi.

Isaiah 66:19

tuaciang amate daan pia pa ka hi sia he tu uh hi. “Ahihang amate sung pan pawlkhat ka khe tu a, ka minthanna a za ngawl, ahibuale ka letna le ka vaangletna a mu ngawl lai minamte le ngam khualate ahi, Spain, Libya, Lydia le a thalkaap thiamte ii ngam, Tubal le Greece te ngam ah ka puak tu hi. Amate in hi ngamte sungah ka letna thangsak tu uh hi.

Jeremiah 2:10

Nitumna sang Cyprus tuikulh ah pai in, tuaciang khat po nisuana sang Kedar ngam ah paisak in. Nidangin hi bang thu piang ngeingawl cisia na mu tu hi.

Jeremiah 31:10

Topa in, “Minamte awng, hong ngai tavun a, ka kammalte a khuala na tuipi vaalbo ah thangsak vun. Ka mite ka thethaang hi, ahihang amate ka kaikhawm tu a, tuucing pa in a tuuhon a cin bangin ka keam tu hi.

Ezekiel 27:6

Amate in Bashan pan oak thingkungte ngunkuang haw natu in la uh hi; Na teambaw suat sia Cyprus pan a laak taakthing taw vawt a Tuaciang saiha taw zeam uh hi.

Hosea 12:14

Israel mite in Topa nasia takin thin uuksak hi; amate khialna liante hangin a thi tu in kilawm hi. Ama min a daisak uh hu in Topa in amate daan pia tu hi.

Zephaniah 2:11

Topa in amate lausak tu hi. Ama in leitung pathiante sia bangma ngawl suaksak tu a, tua zawkciang minam theampo in amate ngam tek ah ama bia tu hi.

Matthew 7:2

banghang ziam cile ngual tungah thu na khen uh babangin note tungah Pathian in thu hong khen tu hi. Ngual tungah na zak uh na ngeina let uh teng ma no tungah hong kizangh tu hi.

Thukhente 1:7

Adonibezek in, “Kumpi sawmsali, a khutpite le a peangpite a kitante in ka sabuai nuai ah antaakte tawm uh hi. Amate tung a ka vawt teng Pathian in kei tungah tu in hong vawt hi,” ci hi. Jerusalem ah ama kipaipui a, tua munah thi hi.