Daniel 11:11 - Syin Chin Bible

¹¹ Egypt kumpipa in a thin uukna taw, Syria kumpipa sim tu a, a ngalkaphonpi matsak tu hi.

Daniel 11:11 Iomraidhean Croise

1 Kumpite 20:13

Tua laitakin kamsaang khat Kumpipa Ahab kungah hong pai a, “Topa in, ‘Tua ngalkap hon lian sia kiita heak hen! Tuni in tuasia nangma in kong zosak tu hi, tuasia ciang keima Topa ka hi hunlam nong he tu hi,’ ” ci in son hi.

1 Kumpite 20:28

Kamsaang khat Kumpipa Ahab kungah hong pai a, “Topa in hi bangin ci hi: ‘Syria te in kei sia mualte pathian khat hi a, zaangtam te ii pathian hi ngawl hi hong ci hu in, hi ngalkap hon lian sia kong zosak tu a, tuasia ciang nang le na mite in keima Topa ka hi hunlam nong he tu uh hi, ci hi,’ ” ci in son hi.

Psalm Late 76:10

Mihingte thin uukna in nang atu in pokna tam vaial a pian natu hi bek hi; ngal kidona pan a taang laite in nangma ii poai khaam tan tu uh hi.

Jeremiah 27:6

Ka naseam Babylon kumpipa Nebuchadnezzar khutnuai ah hi minamte theampo a koi pa sia Keima ka hi hi, tuaciang ngamsate ngawngawn in ama ii na ka seamsak hi.

Daniel 11:12

Ama a ngalzawna le ngalkap tam mama a thalup hu in kiphasak tu a, ahihang ngalzo tan ngawl tu hi.

Daniel 11:40

“Syria kumpipa ii hun a bo kuan ciang, Egypt kumpipa in ama sim tu hi, Syria kumpipa in a tha nei theampo taw, siphu ngalleangte, siphute le teambaw tam mama zanghin Egypt kumpipa do kik tu hi. Ama in namthuam tuikhang bangin ngam tam mama sim tu hi.

Daniel 11:44

Tuasia ciang, nisuana sang pan le saksang pan hong pai thuthak sia in ama patausak tu hi, tuaciang ama in thin uuk tatakin do tu a, mihing tam mama that tu hi.

Daniel 11:5

“Egypt kumpipa thahat tu hi. Ahizong a ngalkap mang lianbelte khat sia thahat zaw lai tu a, kumpi ngam a zai zaw uk tu hi.

Daniel 2:38

Ama in nang sia mihing teenna leitung theampo, nganhingte le vacimte theampo a ukpa in hong koi zo hi. Tua khamh lutang sia nangma na hi hi.

Daniel 8:7

Keima in tuutal a sik ka en hi. Tuasia a thin uuk mama ahikom, tua tuutal si ngawpin, a kiite nii taltansak hi. Tuutal in a nan zawk natu thangui thatang nei ngawl hi. Tuasia lei denna in kinei a, kituanhcil in, a hun zo tu kuama om ngawl hi.