Daniel 10:19 - Syin Chin Bible

¹⁹ Ama in, “Pathian in nang hong it hi, tua ahikom bangma in na thinngimsak heak in a, lausak heak in,” hong ci hi. Hi teng a ci zawkciang ka tha hatzaw seseam ka sa a, “Topa awng nong son tu po hong son ta'n. Ka ci hong damsak zaw ni hi,” ka ci hi.

Daniel 10:19 Iomraidhean Croise

Psalm Late 138:3

Kong sam ciangin nong zo kik hi, na thahatna taw kei nong thakhosak hi.

Isaiah 35:4

“Hat vun a lau heak vun! Pathian sia note hong suatak tu le na ngalte uh daan pia tu in hong pai tu hi,” ci in a thinkiamte theampo son vun.

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Isaiah 41:14

Topa in, “Israel awng, note in mi cii tawmte le a thazawmte na hi uh hi. lau heak vun; hong hu tu khi hi. Keima, Israel ii a thiangtho Pathian sia nang hong ngumpa ka hi hi.

Daniel 10:18

Ama in khatvei ma hong len kik lai a, tuasia ciang ka tha hatzaw ka sa hi.

Daniel 9:23

Pathian tung hesuak ngen tu na kipat ciang ama in hong zo hi. Ama in nang hong it ahikom a deina thu son tu in kong pai hi. Tu in mukholna kong sonthiang laitak thudon in.

Haggai 2:4

Ahizong tu in note khat zongh thinkiam heak vun. Na seam vun banghang ziam cile no taw keima kong omkhawm hi.

Zechariah 8:13

Judah le Israel mite awng! Hun bosa sungah ngamdangmite khat le khat, a kihaamsiat uh ciangin ‘Judah le Israel mite tungah a tung tuasiatnate ma no tungah hong tung tahen’ kici uh hi. Ahihang note kong hun tu a, tuaciang tua ngamdangmite khat le khat in, ‘Judah le Israel te tungah a theng thuphate ma nga tavun!’ kici tu uh hi. Tua ahikom hangsan vun a, lau heak vun.”

Zechariah 8:9

“Hangsan vun! Ka Biakinnpi sa kik tu in, a tawdap a kipha lai hunin kamsaangte pau kammal teng ma, tu in na za uh hi.

John 11:3

Unau numeite nii in Jesus tungah zasak a, “Topa awng, na it na lawmpa a cina hi,” ci uh hi.

John 11:36

Mihingte in, “En vun, bangza in ama it ziam!” ci uh hi.

John 11:5

Martha, a suapuinu le Lazarus te sia Jesus in it hi.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

John 16:33

Kei taw ih kikopna hangin thinnopna na nga natu hi thu kong sonsa hi. Leitung in ngim le kham hong thuaksak tu hi. Ahihang na thin uh liansak vun! Leitung ka zo zo hi,” ci in zo hi.

John 19:26

Jesus in a nu le ama ii it nungzuipa a ding khawm mu hi; tua ahikom a nu munah “Ama sia na tapa hi,” ci hi.

John 21:20

Peter in, a kiheak ciang a nungah Jesus ii it nungzui dang khat sia mu hi — An a neak uh lai Topa kung to a, neal kawm in, “Topa awng nang akua in hong leeheak tu ziam?” ci in a dongh sia pa ahi hi.

1 Corinth te 16:13

Pilvang in om vun, upna sungah kho takin ding vun, hang vun a thahat vun.

2 Corinth te 12:9

Ahihang ama ii hong zona in: “Ka thuthiamna in nang atu in kicing hi, banghang ziam cile na thazawm ciangin keima vaang sia lianbel hi,” hong ci hi. Christ ii vaangletna in kei tung panin hong dalna ka phaw natu in, ka thazawmnate hu in ka kiphatsak sia ka lungdam belna ahi hi.

Ephesus te 6:10

A khakbel in, Topa taw kikopna pan le ama ii vaangletna lianpi taw na thahat tavun.

2 Timothy 2:1

Ka tapa awng, nang na hi le, Jesus Christ taw ih kikopna tungtawnin ih nga thuthiamna hangin thahat in.

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Thupualaakna 1:17

Ama ka mu ciangin mithi sa bangin, a peang ah ka puk hi. Ama in a khut ziatsang ka tungah hong nga a, “Lau heak in! Kei sia a masabel le a khakbel ka hi hi.

Thukhente 6:23

Ahihang Topa in, ama munah, “Na thinnuamsak in. Lau heak in. Thi ngawl tu ni hi,” ci hi.