Daniel 10:13 - Syin Chin Bible

¹³ Persia kumpi ngam a cing vantunglalang in ni kul le ni khat sung hong khak hi. Tuasia ciang vantunglalangte ii ukpi khat ahi Michael sia kei hong panpui tu in hong pai hi, banghang ziam cile tua mun Persia ngam sungah keima nguak hong kinusia hi.

Daniel 10:13 Iomraidhean Croise

Ezra 4:24

Biakinnpi sakkik sia kitawlngasak a, Persia kumpilianpa Darius ii kumpi maan a kum nii kum dong bangma seam ngawlin omcip hi.

Daniel 12:1

Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Ephesus te 6:12

Banghang ziam cile eite in mihing ngal ih do bua a, vantung a thaa ngilote hatna, a ukte, thuneite, hi khuazing hun sungah vaangletna neite ih do hi.

Colossae te 2:10

tuaciangin ama taw na kikopna uh sungah a kicing nuntakna hong pia zo hi. Ama sia thaa lam sangah a ukte le thuneite khat sim sangin lianzaw hi.

1 Thessalonica te 2:18

Note kungah kong heak kik nuam uh hi. Keima mama heak kik tu in khatvei bek dom ngawl ka kithoai bul a, ahihang Satan in hong oai bua hi.

1 Peter 3:22

ama, vantung ah pai zo a, Pathian ii ziatsang ah om in, vantunglalangte, vantung thuneite le vaang neite theampo uk siat hi.

Jude 1:9

Vantunglalangte sung pan a lianbel Michael zongh in hi bangin ngamta ngawl hi. Moses luanghawm sia Doaimangpa taw a kituu laitakin, Michael in Doaimangpa sia kamsia taw na lang ngawl a, “Topa in nang hong teih tahen,” na ci bek hi.

Thupualaakna 12:7

Tua zawkciang vantung ah ngal kisimna piang hi. Michael le a vantunglalangte in ngulpui do uh a, tua ngulpui in, ama lalangte taw kopin do kik hi;