Daniel 10:1 - Syin Chin Bible

¹ (Cyrus ii Persia kumpilian a sua zawk a kum thum kumin Belteshazzar a kici Daniel tungah thu khat kipualaak hi. Tua thu in thumaan ahihang telhak mama hi. Tua thu sia ama tungah mukholna taw in kisonthiang hi.

Daniel 10:1 Iomraidhean Croise

Pianciilna 41:32

Mang nii a kipee in na matna sia Pathian in hi thu kipsak zo a, hai ngawlin tungsak tu cinopna ahi hi.

2 Khangtaanghthu 36:22

Persia mi Cyrus, kumpilianpa a sep, a kum khat na kumin Topa in kamsaang Jeremiah tungtawn a, a thusonte taangtungsak hi. A nuai a, a thupiaknate a suasak tu le ama ii ukna ngam theampo ah a nging a sim tu in lai at in a thaak natu Topa in Cyrus thawn hi:

Ezra 3:7

Mipite in suangciangte le lettamate a piak tu sum khia in, tuipi lam tawnin Joppa khua ah a kipua tu Lebanon pan Cedar thingte the natu in, Tyre le Sidon khuapite ah an le tui, olive thaute pia si uh hi. Hite theampo Persia kumpilianpa Cyrus ii thukimna la in kivawt hi.

Ezra 4:3

Zerubbabel, Joshua le a bee a phung lutangte in amate tungah, “Topa kote Pathian biakinn sak natu in nong hu tu ka kisamh bua uh hi. Persia kumpilianpa Cyrus ii hong thupiakna bangin koma teng ma in ka sa tu uh hi,” ci hi.

Ezra 4:5

Amate a langpan natu in Persia kumpi uliante zongh sumnguk pia uh hi. Amate in Cyrus kumpi maan hun sung theampo le Darius kumpi maan hun dongin tubangin langpan tan uh hi.

Ezra 6:14

Jew lampuite in kamsaang Haggai le Zechariah te ii hanthotna taw a Biakinnpi sak ngai tawto uh hi. Amate in Biakinnpi sia Israel te ii Pathian le Persia kumpiliante ahi Cyrus, Darius le Artaxerxes te ii thupiak bangin zo thiang uh hi.

Ezra 6:3

“Ama ii kumpi maan zawk a kum khat kum in Cyrus kumpilianpa in sangaw biakpiakna le meihal biakpiakna mun tu in Jerusalem Biakinnpi a kisak kik natu thupia hi. Biakinnpi sia metre 27 saangin metre 27 zai tu hi.

Isaiah 44:28

Keima in Cyrus tungah, ‘Nangma in keima luangin a uk tu pa na hi hi; Keima dei bangin na seam tu hi: Jerusalem khua a kisak kik natu le Biakinnpi tawdapphate a kipha natu in thu na pia tu hi,’ ka ci hi,” a ci hi.

Daniel 1:17

Pathian in tua tangvalno lite sia heak theina, lai thiam pilna le thuthuk ngaisut theinate pia hi. Tua bek dom ngawlin ama in Daniel sia mukholnate pheen theina le mang khiak thiamna pia hi.

Daniel 1:21

Daniel sia kumpi inn ah Persia kumpilianpa Cyrus ii Babylon zo in a uk dong om suak hi.

Daniel 1:7

A ulianbel pa in amate sia min thak phua in: Belteshazzar, Shadrach, Meshach le Abednego ci hi.

Daniel 10:14

Mai lamsang na mipuite tungah a piang tu thute a telsak tu in hong pai ka hi hi. Hi sia in maisang thu tu mukholna ahi hi,” ci hi.

Daniel 11:2

Tua hi a, tu a kong son tu thu in thumaan ahi hi,” ci hi. Vantunglalang in, “Kumpi thum in Persia ngam uk lai tu a, tua zomin a dang teng sangin a hau zaw kumpi a lina hong khang tu hi. Ama in a thahatbel laitak le a haubel laitakin Greece kumpi ngam thato tu hi.

Daniel 12:4

Ama in kei tungah, “Daniel awng, tu in leitung bo dong tua laibu khup in a, a tungah tazeik tum in. Tua hun sungin, mihing tam mama in bang thu piang ziam ci thu a heak nopna taw hanciam thawthong tu uh hi,” hong ci hi.

Daniel 12:9

Ama in, “Daniel awng, tu in na pai kul tu hi, banghang ziam cile hi kammalte sia a tawpna hong thet mateng kiseal in, thuku a koi tu ahi hi.

Daniel 2:21

Ama in hunte le khua hunte uk hi; ama in kumpite panmun pia a, kumpite phiat hi; ciimna le pilna a pia pa sia ama ahi hi.

Daniel 4:8

Tuaciang Daniel (a min dang Belteshazzar, ka pathian min a kitap pa) hong tum hi. A thiangtho pathiante ii thaa sia ama sungah om ahikom, ama tungah ka mang ka son hi. Ama tungah:

Daniel 5:12

Ama sia a tumdang hi theina nei a, ciim in, mang khiak thei pilna, thu kheldoknate zo theina le thutumdangte sontel theina nei hi; tua ahikom kumpipa in Belteshazzar ci a, a min a phua pa Daniel sam in, tua hile ama in hite theampo ii khiakna hong sonthiang siat tu hi,” ci hi.

Daniel 5:17

Daniel in, “Na letsongte nangma atu keam po in, ahibuale ngualdang khat po pia in. Kumpipa awng, lai ki at sia kong sim tu a, a khiakna kong son tu hi.

Daniel 6:28

Daniel sia Darius ii maan hun sung le Persia mi Cyrus ii maan hun sungin nuamsa hi.

Daniel 8:16

Ulai ngun ngal pan bia puina aw khat ka za a, “Gabriel awng, ama ii mu sia ii a khiakna ama tungah son in,” ci hi.

Daniel 8:26

Nitak le zingsang biakpiakna thu taw kisai a, hi mukholna ii khiakna bang nang tung hong kisonsa teng taangtung tu hi. Ahihang hi mukholna thu a taangtun tu hun khuangei lai tu ahikom tu in thuku in koi in,” hong ci hi.

Luke 1:20

Ahihang kong thupuakte um ngawl ni hi, hikale a hun hong tun tak ciang, ka ci bangin hong piang tu a, hong um ngawl na hikom, na pau thei nawn buatu hi. Kong thuciam teng a tun mateng in, pau thei nawn ngawl dide tu ni hi,” ci hi.

Thupualaakna 19:9

Tuaciangin vantunglalang in kei tungah, “Hi thu at in: Tuuno mopoai sungah a kisamte sia mihing lungdamte ahi hi,” hong ci hi. Tuaciang vantunglalang in, “Hite sia Pathian ii a son tatak kammalte ahi hi,” hong ci thua lai hi.