Daniel 1:7 - Syin Chin Bible

⁷ A ulianbel pa in amate sia min thak phua in: Belteshazzar, Shadrach, Meshach le Abednego ci hi.

Daniel 1:7 Iomraidhean Croise

Pianciilna 41:45

Ama in Joseph sia Zaphenath Paneah ci in Egypt min thak pia a, a zi tu in Heliopolis khua thiampi khat ahi Potiphera ii tanu Asenath pia hi. Joseph sia Egypt kumpipa na a sep kipatin kum sawmthum pha hi. Ama sia kumpi zum nusia in ngamsung theampo ah khualhaw kawkoai hi.

2 Kumpite 23:34

Kumpipa Neco in Josiah ii tapa Eliakim sia Josiah laih tu Judah kumpipa in koi a, a min Jehoiakim ci in khealsak hi. Joahaz sia Kumpipa Neco in Egypt ah ciapui a, tuasung ah thi hi.

2 Kumpite 24:17

Nebuchadnezzar in Jehoiachin ii pano, Mattaniah sia Judah kumpipa suaksak a, a min Zedekiah ci in khealsak hi.

Daniel 1:19

Kumpipa in amate paupui siat a, Daniel, Hananiah, Mishael le Azariah sia a dangte sangin lungkimhuai sa zaw hi. Tua ahikom amate sia kumpipa inn sungah a vaihawm pawlmi suak uh hi.

Daniel 1:3

Kumpipa in Israel saltaangte sung pan kumpi nam le nampite tangvalno pawlkhat teal tu in a khutnuai ulianbel Ashpenaz thupia hi.

Daniel 10:1

(Cyrus ii Persia kumpilian a sua zawk a kum thum kumin Belteshazzar a kici Daniel tungah thu khat kipualaak hi. Tua thu in thumaan ahihang telhak mama hi. Tua thu sia ama tungah mukholna taw in kisonthiang hi.

Daniel 2:26

Kumpipa in (Belteshazzar zongh a kici) Daniel tungah, “Ka mangmat sia le a khiakna nong son thei tu ziam” ci hi.

Daniel 2:49

Daniel ii ngetna bangma in kumpipa in Shadrach, Meshach le Abednego te sia Babylon ngamkhen sung vaite a uk tu in koi a, Daniel ahile kumpi inn sungah om suak hi.

Daniel 4:5

Ahihang a patau huai mang khat ka man a, ka mut laitakin a lauhuai mu kholnate ka mu hi.

Daniel 4:8

Tuaciang Daniel (a min dang Belteshazzar, ka pathian min a kitap pa) hong tum hi. A thiangtho pathiante ii thaa sia ama sungah om ahikom, ama tungah ka mang ka son hi. Ama tungah:

Daniel 5:12

Ama sia a tumdang hi theina nei a, ciim in, mang khiak thei pilna, thu kheldoknate zo theina le thutumdangte sontel theina nei hi; tua ahikom kumpipa in Belteshazzar ci a, a min a phua pa Daniel sam in, tua hile ama in hite theampo ii khiakna hong sonthiang siat tu hi,” ci hi.