Daniel 1:2 - Syin Chin Bible

² Topa in, Jehoiakim Kumpipa sia Nebuchadnezzar Kumpipa in mansak a, biakinn na manpha pawlkhatte laaksak hi. Ama in a mat mihing pawlkhatte Babylon khua ama ii pathiante biakinn ah ciapui a, a mat sum le vanh manphate biakinn vanh kholna inndoite sungah koi hi.

Daniel 1:2 Iomraidhean Croise

Pianciilna 10:10

A masa phitin ama ii kumpi ngam sia, Babylon ngam sungah a om Babylon, Erech le Accad ngam thum teng ahi hi.

Pianciilna 11:2

Amate nisuana sangah vak kawkoai a, Babylon ngam zaanglei mun khat a thet ciang tua munah khua saat uh hi.

2 Kumpite 24:1

Jehoiakim sia kumpipa ahi laitakin Babylon kumpipa Nebuchadnezzar in Judah sim hi, tuaciang kum thum sung Jehoiakim sia ama ii ukna nuai ah lutsak hi; tua zawkciang ama in leedo hi.

2 Khangtaanghthu 36:5

Jehoiakim sia Judah kumpi a sua lai in kum 25 pha a, Jerusalem pan kum sawm le kum khat sung uk hi. Ama in Topa a Pathian tungah maw hi.

2 Khangtaanghthu 36:7

Nebuchadnezzar in Biakinnpi vanh manpha pawlkhat pua in Babylon a kumpi inn ah koi hi.

Ezra 1:7

Cyrus kumpilianpa in Nebuchadnezzar kumpipa ii Jerusalem Biakinnpi sung pan a laaksak, ama ii pathiante biakinn sungah a koi kuang le hai te amate pia kik hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 42:24

A suttolte tungah Israel te a pia sia akua ziam? Eite ii a tungah ih maw, Topa ma ahi hi! Ama ii dei le oai bangin ih nungta bua a, ama ii hong hilnate bang ih mang bua hi.

Jeremiah 25:1

Josiah ii tapa Jehoiakim sia Judah kumpi a sua zawk kum lina hunin, Judah mite theampo taw kisai Topa ii thupuak khat ka nga hi. (Hi hun sia Nebuchadnezzar ii Babylon kumpi a sua a kum khatna hun ahi hi).

Jeremiah 27:16

Tuaciang Topa ii hi bangin a ci sia thiampite le mipite tungah ka son hi: “Biakinn sum le vanh manphate Babylon panin kila kik pal tu hi ci a, kamsaangte thuson sia ngai heak vun. Amate in no hong theam hi.

Jeremiah 28:3

Nebuchadnezzar kumpipa ii Babylon ah a paipui biakinn sum le vanh manpha vanh manphate theampo kum nii sungin hi munah ka ciapui kik tu hi.

Jeremiah 35:11

Ahihang Nebuchadnezzar kumpipa in hi ngam a sim ciang Babylon le Syria ngalkaphonpite a pial tu in Jerusalem khua zot tu ka khensat uh hi. Tua hu in Jerusalem ah ka teang uh hi,” ci in zo hi.

Jeremiah 50:2

“Minamte tungah hi thu son in! Hi thu thangsak in! Limlakna pia in a, a thu taangko in! Thuku in koi heak in! Babylon taak zo hi! A pathian Marduk kisemtham zo hi! Babylon ii milimte kimaizumsak zo hi; a kiihuai a milimte kisutham hi!

Jeremiah 51:44

Babylon ii pathian Bel sia daan ka pia tu a, a vanh nguk teng ka pia kiksak tu hi; minamte in ama bia nawn ngawl tu uh hi. “Babylon ii luphungte cimh zo hi.

Daniel 5:13

Daniel sia thakhatin kumpipa omna ah kipaipui a, kumpipa in Daniel tungah, “Judah ngam pan ka pa, kumpipa ii hi sungah hong pai pui Judah sal Daniel na hi na'am?

Daniel 5:18

“Lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi.

Habakkuk 1:16

Amate in a ngeente ngawngawn bia in tuate atu sangaw biakpiakna vawt hi, banghang ziam cile na theampo sung pan a pha belte tua ngeente in ngasak hi.

Zechariah 5:11

Ama in, “Tuasia atu in biakinn khat a saksak natu mun Babylon ah kipaipui tu hi. Biakinn sak a kiman ciang, a biak tu in a sungah tua khum kikoi tu hi,” hong ci hi.

Thuhil kikna 32:30

Banghangin mi khat in tulkhat zo a, mi nii bek in tulsawm zo thei ziam? Topa a Pathian in amate nusia zo hi; a thahat Pathian in amate koithong zo hi.

Thukhente 2:14

Tua ahikom Topa sia Israel tungah nasia takin thin uuk a, a simthamte in simsak a, suttolsak hi. Kiim le paam a ngalte in Israel te zosak a, amate le amate kihung zo nawn ngawl uh hi.

Thukhente 3:8

Tua ahikom Topa sia Israel tungah thin uuk a, Mesopotamia kumpipa Cushan Rishathaim in zothal sakin, kum liat sung uk hi.

Thukhente 4:2

Tua ahikom Topa in amate sia Hazor khuapi a uk Canaan kumpipa Jabin in zosak hi. A ngalkaphonpi ukpa sia Gentile te ii Harosheth ah a teang Sisera ahi hi.

1 Samuel 5:2

amate ii Dagon pathian biakinn sungah tumpui in, a milim hui ah koi uh hi.