Daniel 1:19 - Syin Chin Bible

¹⁹ Kumpipa in amate paupui siat a, Daniel, Hananiah, Mishael le Azariah sia a dangte sangin lungkimhuai sa zaw hi. Tua ahikom amate sia kumpipa inn sungah a vaihawm pawlmi suak uh hi.

Daniel 1:19 Iomraidhean Croise

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

Paunakte 22:29

Nasep pha tak a, a seam mihing khat hong lak tavun, tuaciang mihing tam mamate sang a phazaw, kumpite kitholpui tu dong a, a kilawm khat kong lak tu hi.

Jeremiah 15:19

Hi thu taw kisai in Topa in, “Nong heak kik ahile kong la kik tu a, ka naseampa na suak kik tu hi. Thu mannung ngawl po na son sangin thu manpha thu taknei na son le, ka kamsaang na suak kik tu hi. Mipite sia nang kung hong zuan kik tu a, amate kungah nang na pai kul ngawlzaw tu hi.

Daniel 1:18

Kumpipa ii ciangtan kum thum a cin ciang, Ashpenaz in tangvalnote theampo sia Nebuchadnezzar kungah paipui hi.

Daniel 1:4

Tua a teal mihingte sia kumpi inn sungah naseam thiamte a sua thei natu in a mealhoi, a pilvang, pha tak nasep a kisinsak sa, thu a he pal le pumpi tung paubanna nei ngawlte hi tu hi. Amate sia Babylon kam taw lai a sim thei natu le a at thei natu in Ashpenaz in hil tu hi.

Daniel 1:5

Kumpi inn sungah a om mihingte bangma in amate sia ni simin an le sapittui a piak natu kumpipa in thupia si hi. Hi bangin kum thum a sin zawkciang kumpipa mai ah kilak tu uh hi.

Daniel 1:6

Tuabang a kitealte sung panin Daniel, Hananiah, Mishael, le Azariah kihel a, a vekpi in Judah nam ahi uh hi.

Daniel 1:7

A ulianbel pa in amate sia min thak phua in: Belteshazzar, Shadrach, Meshach le Abednego ci hi.

Daniel 2:13

Tua ahikom amate theampo thalup siat tu in thu kipia a, tuate sungah Daniel le a lawmte zongh kihel hi.

Daniel 3:29

“Tuaciang tu in minam, minam khen ahibuale paunam khat po sung pan a kuama po in Shadrach, Meshach le Abednego ii Pathian sonsiatna kampau a om le a khut a peang kisemtham tu a, a inn sia niinthuk kisuaksak tu hi, ci in thu ka pia hi. Hi bangin a suatak thei pathian dang om ngawl hi,” ci hi.