Amos 9:1 - Syin Chin Bible

¹ Biaknatau hui ah Topa a din ka mu hi. Ama in thupia a: “Biakinn bangkua tung buppi a ngawk natu in a khuam dawnte nasia takin saat vun. Tuate taltansak vun a, mite lu tungah taaksak vun. A taanglai mite ngal sungah ka thatlum tu hi. Kuama puapial ngawl tu a; khat zongh suakta ngawl tu hi.

Amos 9:1 Iomraidhean Croise

2 Khangtaanghthu 18:18

Micaiah in zomto a, “Tu in Topa pauna teng ngai vun! Topa sia vantung a kumpi tokhum tungah to a, ama ii vantunglalangte a kiim ah a ding ka mu hi.”

Psalm Late 68:21

A mawna a kheal nuam ngawl, a ngalte ii lutang sia Pathian in sutham takpi tu hi.

Psalm Late 68:22

Topa in, “Na ngalte Bashan panin kong paipui kik tu hi; tuipi thukna panin amate ka lato kik tu hi,

Isaiah 30:16

Tuasia luangin, siphu tai ngang mama tung to in na ngalte khut sung pan suatak tu na sawm uh hi. Maan nu hi — suatak natu ahile noma sep tu ma hi! Na siphute ngang khop hi ci in ngaisun nu hi, ahihang no hong delte ngang zaw lai tu hi!

Isaiah 6:1

Uzziah Kumpipa ii thi kumin, Topa ka mu hi. Ama sia a kisaangkhai kumpi tokhum tungah to a, a puantual sia Biakinnpi bup dim hi.

Jeremiah 11:11

Tua ahikom tu in, keima, Topa in amate tungah siatna ka tunsak tu le kuama a suatak ngawl natu in thu ka sonkhol hi. Amate kapin huna hong nget ciang zong ka ngai buatu hi.

Jeremiah 42:16

na kiitak uh ngal in no hong pha tu a, na kiitak uh kialpi in hong zui in, tua mun Egypt ah na thi tu uh hi.

Jeremiah 48:44

A patauna pan suatak tu a hanciam pawpo dum sungah taak tu uh a, dum sung panin a kaato pawpo thaang sungah kiman tu uh hi, banghang ziam cile Moab mite lal natu in Topa in hun ciangtan zo hi.

Ezekiel 1:28

Tua ii sungah sangun ii meal namcin om hi. Tuasia in Topa ii ompuina a kilanghsak khuavak taang velvol sia ahi hi. Hisia ka mu ciangin ka maisang ah ka puksuk hi.

Ezekiel 10:4

Topa ii omna po ah khuavak taang velvol sia cherub te kung pan kikhaangto a Biakinn tumna ah kikhiin hi. Tua zawkciang meeikaai in Biakinnpi tuam a, leitual sia taang pempom hi.

Ezekiel 15:7

daan ka pia tu hi. Amate meikuang khat panin suakta zo hi, ahihang tu in mei in kaanghtum tu hi. Amate daan ka piak ciangin Keima sia Topa ka hi hunlam nong tel tu uh hi.

Ezekiel 9:2

Thakhatin pasal luk sia Biakinnpi ii saksang kongpi puanung pan hong pai a ngalhiam khat tek toai uh hi. Amate taw lai at natu khat toai a, puanneal a silh pasal khat om hi. Amate a vekpi hong pai in, taau biaknatau hui ah ding uh hi.

Amos 3:14

Israel te a mawnate hu in daan ka piak ni ciang, Bethel a biaknataute ka susia tu hi. Biaknatau sim ii a taw king teng kisutan tu a, lei ah puk tu hi.

Amos 7:17

Tua ahikom Amaziah awng, Topa in nang tungah, ‘Na zi sia lampi tungah pumpi zuak khat suak tu a, na tate ngal sungah kithatlum tu hi. Na leitang kihawmtham tu a, ngualdangte kipia tu hi, tuaciang nangma mama lawki ngam khat sungah na thi tu hi. Tuaciang Israel mite a ngam a lei pan leidang ah saltaang tu in kipaipui takpi tu hi,’ hong ci hi” ci in zo hi.

Amos 7:9

Isaac ii suan le paalte biakpiakna munte kisusia tu hi. Israel te ii a thiangtho munte zaancip in kinusia tu hi. Kumpipa Jeroboam ii kumpi khangngui ka bosak tu hi.” ci hi.

Habakkuk 3:13

Na mite le na teal kumpipa hun tu in na kuan hi. Mi ngilote lampui pa na vaatvawk a, a nungzuite na lalcipsak hi.

Zephaniah 1:12

“Tua hun ciang in meiinn khat la in, Jerusalem ka zong tu hi. Amate le amate tumtakin lungkim a, a kimuang mite in, ‘Topa in a pha, a sia bangma vawt nei ngei bo’ a cite daan ka pia tu hi.

Zephaniah 2:14

Tua mun in tuuhon, khuihon le nganhing namcin tatna mun hi tu hi. Tua a lalsa munah simbute teangin khelkite panin haam tu hi. Kongkha saamkiil tungah va-akte haam tu hi. A inn sakna thingkal ahi cedar thingte kilakeak tu hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 1:32

Tuaciang in John in hi bangin tetti pang hi: “Thaa sia vantung panin ngam vakhu bangin hong tuaksuk a, ama tungah hong tu ka mu hi.

Sawltakte 26:13

Kumpipa awng, lampi tungah sun laitakin ni sangin, a taang zaw khuavak taang khat in kei le ka khualhawpuite, kiim ah van panin hong taangsuk keak hi.

Joshua 10:18

Ama in, “Suang hawng mai ah suangtum pawlkhat lumliik vun. A cing tu pawlkhat koi vun,

Thupualaakna 1:17

Ama ka mu ciangin mithi sa bangin, a peang ah ka puk hi. Ama in a khut ziatsang ka tungah hong nga a, “Lau heak in! Kei sia a masabel le a khakbel ka hi hi.

Thupualaakna 8:3

Vantunglalang dangkhat khamh taw kivawt ngimnamtui halna, a neipa, hong pai in biaknatau mai ah ding hi. Pathian ii mihingte thungetna a belapsak natu in, ama sia ngimnamtui tam mama kipia a, kumpi tokhum mai a, a om khamh biaknatau tungah piak tu ahi hi.