Amos 8:4 - Syin Chin Bible

⁴ Ngamsung a mizawngte susia in, a kitaangsamhte a tuanhpeak note awng, hi thu ngai vun.

Amos 8:4 Iomraidhean Croise

1 Kumpite 22:19

Micaiah in zomto a, “Tu in Topa pauna teng ngai vun! Topa sia vantung a kumpi tokhum tungah to a, ama ii vantunglalangte a kiim ah a ding ka mu hi.”

Job 24:4

Amate in mizawngte ii a nga thei tute khaktan in; tuaciang a zawngkhalte zawthawkna taw taisakin buusak uh hi.

Psalm Late 10:7

A kam uh sia haamsiatna, theamna le ngual tawnna taw kidim a; amate in ngaimawkna le ngitlona kammalte pau memeang hi.

Psalm Late 12:5

“Ahihang tu in hong pai tu khi hi,” Topa in ci hi, “Banghang ziam cile a cimawte kizothaw a, vawtsiatna a thuakte in na a sakna taw tau uh hi. Amate ii dei ngammuanna ka pia tu hi.”

Psalm Late 14:4

“Ama te in he ngawl ziam?” Topa in dongh hi. “Hi a tatsiate in awlmawk nei ngawl ziam? Amate in ka mite neisa sutolna taw nungta a, kei tungah zongh thu hong ngen ngeingawl hi.”

Psalm Late 140:12

Topa awng, nangma in mizawngte vai le, a cimawte ii nga tu a kilawm thute ah na panpui sia ka he hi.

Psalm Late 56:1

Pathian awng, Kei hong hesuak ta'n, banghang ziam cile kei hong kisim hi; ka ngalte in a tawntungin kei hong vawtsia hi.

Paunakte 30:14

A zawngte le a kitaangsamhte tung pan ngitlo vai taw a nga thei zaza uh a duup mihing om hi; tuabangin amate nuntakna a zong uh mihing om hi.

Isaiah 1:10

Jerusalem awng, no hong ukte le na mihingte sia Sodom le Gomorrah a te bang keakma na hi uh hi. Topa in no tungah hong cina ngai vun. Ih Pathian ii no hong hilna nadon vun.

Isaiah 28:14

Hisung Jerusalem khua panin hi mihingte a uk, no a kisathei mite awng, tu in Topa thu ngai vun.

Jeremiah 28:15

Tua zawkciang Hananiah tungah hi thu ka son zawkciang, “Ngai in, Hananiah awng! Nang sia Topa ii hong sawl na hi bua hi. Hi mite leilot thu na umsak hi.

Jeremiah 5:21

No, a ngaisun thei ngawl a nangh mi mawmawte, mit nei napi a mu thei ngawlte, bil nei napi a za thei ngawlte awng, ngai vun.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Ezekiel 45:10

“Mihing sim in a ngit teena maan le teena maante a zak kul tu hi.

Amos 5:11

A zawngte na nengniam uh a, a antangte na suttol uh hi. Tua hu in noma saksa suanginn phate sungah na teang buatu uh a, noma ciin sapithuan hoite pan sapittui na ne buatu uh hi.

Amos 5:12

Na mawna uh bangza in kiitakhuai a, khialna lian bangza vawt zo nu ziam ci sia ka he hi. Mihing phate vawtsia in, sumnguk ne a, thukhenzum ah mizawngte atu in thukhaikim a kisep natu na khaam uh hi.

Amos 7:16

Tua ahikom tu in Topa paunate ngai in. Nangma in kamsaanna ka tawlngak natu le, Israel mite thuak tu in ka sonkeakna ka tawlngak natu nong son hi.

Micah 2:2

Amate in lote a dei uh ciang suttol uh hi; innte a dei uh ciang laksak uh hi. A kuama po ii innkuan, ahibuale neisa bit ngawl hi.

Micah 3:3

Ka mite na netum uh hi. A vun hoai in, a ngu siiktanin beal sung huan tu sa bangin na sem uh hi.

Zechariah 5:6

“Bang ziam?” ci in ka dongh hi. Ama in, “Tuasia khum khat hi a, ngam bup ii mawna a lakna hi,” ci in hong zo hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

James 5:6

Mawna nei ngawl mihingte mawsak in, na thatlum zo uh hi, tuaciang amate in no hong nalh ngawl uh hi.