Amos 8:3 - Syin Chin Bible

³ Tua ni ciang kumpi inn sungah a kisa late sia kaana le mauna aw suak tu hi. Mithi luangte mun theampo ah om tu hi. Tuate a thimtham in kivawk tu hi,” hong ci hi.

Amos 8:3 Iomraidhean Croise

Psalm Late 39:9

Thim takin ka om tu a, kam khat zongh ka huthe buatu hi, banghang ziam cile hi bang a, hong thuaksak sia nangma na hi hi.

Isaiah 37:36

Topa ii vantunglalang khat Assyria te ngiaphual ah pai in ngalkap 185,000 thatlum hi. A zing ciang zingsang khuavak tuungin tua munah amate a thi siatsa in kisial hi!

Jeremiah 22:18

Tua ahikom, Topa in Judah kumpipa, Josiah ii tapa Jehoiakim thu taw kisai in hi bangin ci hi, “Ama thi hu in kuama khuangai ngawl tu hi, ahibuale ‘Bangza lauhuai ziam, ka lawm awng! Bangza lauhuai ziam!’ ci ngawl tu hi. ‘Ka topa! ka kumpipa awng!’ ci in kuama thitui taakin kap ngawl tu hi.

Kaa late 2:10

Jerusalem ii pasal huaite sia huthe ngawlin lei ah to khipkhep uh hi. A lu tungah leivui kithe in khau-ip puan silh uh hi. Ngaknu note lei ah a lu kun uh hi.

Joel 1:11

No, lothote awng, khuangai vun; sapithuan cingte awng kap vun, banghang ziam cile zungtaangte, mangtaangte, ankung theampo kisusia hi.

Joel 1:13

No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Joel 1:5

No zu khamte awng, khanglo vun a kap vun; no sapittui nete awng, kap vun; sapittui thak vawt natu sapitngate kisusia zo hi.

Thiampite 10:3

Tuasia ciang Moses in Aaron tungah, “Topa in ‘Ka na a seamte theampo in ka thianthona zakta tu hi; ka mite tungah ka vaangletna ka pualaak tu hi’ a ci ciang a deina sia, tubang ahi hi,” ci hi. Ahizong Aaron bangma pau ngawl hi.

Amos 4:10

“Pul natna khat Egypt ah ka tunsak bangin no tungah kong tungsak hi. Na khangnote ngal sungah ka thatlum a, na siphu te ka la hi. Na ngiaphual uh ah mithi uih taw na naakvang kong dim hi. Tuabang hi napi kei kungah nong heak kik tuan bua lai uh hi.

Amos 5:16

Tua ahikom Vaanglianpipa Topa Vaanglianbelpa in, “Khuapi lampite ah heena, kaana le tauna om tu hi. Lotho mite ngawngawn zongh a khuangaipui tu in a kicialte taw ma in mithi kaa tu kisam khawm tu hi.

Amos 5:23

A nangonhuai na lasak uhte tawp vun; na tengtongh awte ngai nuam ngawl khi hi.

Amos 6:4

A nuam niknek na lupna tungah nop om a, khuino sa le tuuno sa taw a kivaak note atu bangza in lauhuai ziam!

Amos 6:5

David bangin la phuak nuam in, tengtongh taw lasak sia dik na sa uh hi.

Amos 6:8

Vaanglianpipa Topa, Vaanglianbelpa in hi a ciliap huai kidopna tu thupia zo hi: “Israel mite ii kiphatsakna ka ngaimaw hi; amate ii inn nuam mamate ka kii hi. Amate khuapi le a sung a om theampo ngalte ka pia tu hi,” ci hi.

Amos 8:10

Na poaipite mithi vuinate ka suaksak tu a, na lungdamna late sia heena, kaanate taw ka laih tu hi. Na lu uh a tolin meetsak in, khau-ip puan kong silhsak tu hi, tapa khat bek a nei sun thi a, a nu le a pa a kaa bangin kong kapsak tu hi. Tua ni sia a tawp dongin thuak hak tu hi.

Nahum 3:3

Siphu ngalkapte kidel a, namsaute tee vazal in, teite nizang la vazial hi! Mithiluangte vum vinvun in kiseng a, mithiluangte sim zawk ngawlin om a — tuate tungah mihingte lutu uh hi.

Zephaniah 1:7

Topa thukhen tu ni hong nai zo hi; tua ahikom ama mai ah thim dide in om vun. Topa in a mite pum aap siat tu in kithoai a, Judah a suttol tu in ngalte sam hi.