Amos 8:2 - Syin Chin Bible

² Topa in, “Amos awng, bang mu ni ziam?” ci in hong dongh hi. “Thingnga a dim khum khat” ci in ka zo kik hi. Topa in kei tungah, “Israel ka mite atu in a tawpna hong theng zo hi. Amate daan ka piak tu huvau ka thin ka kheal kik buatu hi.

Amos 8:2 Iomraidhean Croise

Pianciilna 6:13

Pathian in Noah tungah, “Mihing theampo bosak tu in ka khensat zo hi. Leitung sia amate ngoltolna taw kidim ahikom amate ka mon siat tu hi.

Isaiah 28:4

Tua a kiphasak lampuite ii a kiamsuk minthanna sia theipal min hun ciang a min masa pawpo kilo in, a kine khawng papai bangin mang vangeu tu hi.

Jeremiah 40:10

Keima mama Mizpah ah ka teang tu a, Babylon te hi munah hong pai ciangin noma taangmi ka hi tu hi. Ahihang sapittui, thingnga le olive sathaute khawmin khol vun a, na laak uh khuate ah teang vun,” ci hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Kaa late 4:18

Ngalte in eite hong encik a; lampite ah vak zongh ih vak thei bua hi. Ih nite bo zo a; a tawpna hong theng zo hi.

Ezekiel 12:23

Tu in Kei Vaanglianpipa Topa in tuasia huvau ka ci nop sia amate munah son in. Tua paunak sia ka bosak tu hi. Tuasia Israel ah kison kikik ngawl tu hi. Tuasia sangin hi bang sonzaw in: a hun hong theng zo hi, sonkholnate hong taangtung tu hi!

Ezekiel 29:8

Tu in, Kei, Vaanglianpipa Topa in kong son a, namsau taw no kong simsak tu a, na mite le na nganhingte hong thalupsak tu hi.

Ezekiel 3:10

Pathian in, “A thithei mihing awng, pha takin hong ngai ta'n, kong son pawpo ciamtee in.

Ezekiel 3:7

Ahihang Israel mite khat zongh in hong ngai nuam ngawl tu hi, amate in kei pau ngawngawn hong ngai ngawl tu hi. Amate theampo sia thinpui in nalh nopna thin vive nei uh hi.

Ezekiel 7:6

A vekpi kiman zo hi. Hisia in bona ahi hi. Nang sia a mansa na hi hi.

Ezekiel 8:12

Pathian in hong dongh hi, “A thithei mihing awng, Israel lampuite ii a sepkute na mu ziam? Amate a vekpi in limte taw a kidim inndoi sungah biakna vawt uh hi. Amate kam zonna hisia hi: ‘Topa in hong mu ngawl hi! Ama in hi ngam taisan zo hi.’ ” ci uh hi.

Ezekiel 8:17

Topa in kei tungah, “A thithei mihing awng, tua sia na mu ziam? Hi Judah mite in hi sungah na mu a kiihuai a vawt thawthongte theampo le ngamsung theampo a, a kizel ngoltol ngamtatna teng taw a lung a kim bua uh hi. Tua teng bek dom ngawlin amate Biakinn sung mama ah hong pai hamtang in tuate hong seam a, ka thin hong uuksak seseam uh hi. En in amate in thuak zawk mama ngawl tu za dongin kei hong selno hi!

Ezekiel 8:6

Pathian in kei tungah hong ci hi, “A thithei mihing awng, a piang nate na mu ziam? Ka mun thiangtho pan a khuala vaial na ah hong not keak Israel mite ii hi sungah a vawt a kiihuai ngamtatna en in. Hi sangin a mindai huai zaw nate ngawngawn na mu tu hi”.

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Amos 7:8

Ama in, “Amos awng, bang na mu ziam?” ci in kei hong dongh hi. “Teena khaukhai khat” ci in ka zo hi. Tuaciang ama in “Ka mite khaukhai bangin a tang ngawl pang khat taw a kiban hunlam lakna in hi teena khaukhai ka zangh hi. Amate daan ka piak tu huvau ka thin ka kheal kik buatu hi.

Amos 8:1

Mukholna dang khat Vaanglianpipa Topa tung pan ka nei hi. Tua ii sungah thingnga a dim khum khat ka mu hi.

Micah 7:1

Ka lametna bo hi! Thingnga pangh sa, sapitnga thot sa a vil mihing ngilkial khat taw ka kibang hi. Sapit theampo le theinga lim theampo kilo siat zo hi.

Zechariah 5:2

Vantunglalang in ka mu sia hong dongh hi. “Laizial khat vui sungah leang hi; tuasia metre kua sau a, metre li le lang zai hi,” ka ci hi.