Amos 8:1 - Syin Chin Bible

¹ Mukholna dang khat Vaanglianpipa Topa tung pan ka nei hi. Tua ii sungah thingnga a dim khum khat ka mu hi.

Amos 8:1 Iomraidhean Croise

Jeremiah 24:1

Topa in Biakinnpi mai ah a kikoi theinga bawm nii kei hong lak hi. (Hi thu sia Babylon kumpipa Nebuchadnezzar in Jerusalem khua panin Jehoiakim ii tapa Judah kumpipa Jehoiachin sia thongtaak khatin Judah lampuite, khutthiamte le naseam thiamte theampo taw Babylon khua ah a paipui zawkciang thupiang ahi hi).

Amos 7:1

Vaanglianpipa Topa tung panin mukholna khat ka nga hi. Tua ii sungah kumpipa ii tel, ngan ante a ki at zawk bek, lopate a po kik sawngin khaumaw honpui khat Topa in a piansak ka mu hi.

Amos 7:17

Tua ahikom Amaziah awng, Topa in nang tungah, ‘Na zi sia lampi tungah pumpi zuak khat suak tu a, na tate ngal sungah kithatlum tu hi. Na leitang kihawmtham tu a, ngualdangte kipia tu hi, tuaciang nangma mama lawki ngam khat sungah na thi tu hi. Tuaciang Israel mite a ngam a lei pan leidang ah saltaang tu in kipaipui takpi tu hi,’ hong ci hi” ci in zo hi.

Amos 7:4

Vaanglianpipa Topa tung panin mukholna dang khat ka nei hi. Tua ii sungah ama in a mite meikuang taw daan pia tu in a kithoai ka mu hi. Mei in leinuai a tuipi lian sia kaanghtham a, tuaciang leitang mama kaanghtham tu kipan hi.

Amos 7:7

Topa tung panin mukholna dang khat ka nei hi. Tua ii sungah ama in teena khaukhai taw tee in, a kisa pang khat ii hui ah a ding ka mu hi. Ama khut sungah teena khaukhai khat om hi.

Amos 8:2

Topa in, “Amos awng, bang mu ni ziam?” ci in hong dongh hi. “Thingnga a dim khum khat” ci in ka zo kik hi. Topa in kei tungah, “Israel ka mite atu in a tawpna hong theng zo hi. Amate daan ka piak tu huvau ka thin ka kheal kik buatu hi.