Amos 5:2 - Syin Chin Bible

² Numei thiangtho Israel puk zo hi! Tho kik ngei nawn ngawl tu hi! Ama lei ah kinusia in lum hi, kuama in ama phongto ngawl hi.

Amos 5:2 Iomraidhean Croise

2 Kumpite 15:29

Pekah kumpipa ahi hun laitakin Assyria te ii kumpilianpa Tiglath Pileser in, Ijon, Abel Beth Maacah, Janoah, Kedesh le Hazor khuapi teng le Gilead ii ngamkhen, Galilee le Naphtali teng suan hi, tuaciang a mihingte sia Assyria ah thongtaak tu in ciapui hi.

2 Kumpite 17:16

Topa a Pathian ii thukham theampo amate in paltan uh a, amate in thik taw a kivawt khuital nii ii lim a biak tu in vawt uh hi; amate in Asherah numeipathian ii milim zongh vawt a, aksite bia in, Baal pathian ii naseam uh hi.

Isaiah 14:21

Mihon kithalupna kipan hen! Hi kumpipa ii tapate sia a taanghpupite mawnate hangin thi tu uh hi. Amate kuama in leitung uk ngei nawn ngawl tu a, khuapite saat zo ngei nawn ngawl tu hi,” ci in nunau tu uh hi.

Isaiah 24:20

Leitang mama sia zukham khat bangin hoi vatut tu a, vuipi sungah vui ii seam buk bangin huang tu hi. Leitung sia a mawnate in nengcip ngawpin, puk in tho kik ngei nawn ngawl tu hi.

Isaiah 3:8

Hi peu hi, Jerusalem sia a lal tu hi zo hi! Judah sia a lalal hi zo hi! Amate kampau theampo le a sep a vawt theampo in Topa langpan hi; amate in Pathian mama sia a langh takin selno hi.

Isaiah 37:22

Topa in, “Sennacherib awng, Jerusalem khuapi in nang hong nuisan in hong nomu hi.

Isaiah 43:17

Ama in siphu ngalleangte le siphute a kihel, a thahat ngalkap hon khat suksiatna ah lampui hi. Amate pukin tho kik nawn ngawl a, meivak kuang muutmit bang ahi hi!

Jeremiah 14:17

Topa in ka khuangaina thute mipite tungah hi bangin son tu in kei hong sawl hi: “Sun zong zan zong ka thitui luang tahen, tawp hun nei ngawlin kap ka tong, banghang ziam cile ka mite nasia tatakin kiliamsak a, na sa uh hi.

Jeremiah 18:13

Topa in, “Nidang in tuabang thu a piang ngei zo ziam, minam theampo tungah dongh vun. Israel mite in a cizathuai na khat vawt zo uh hi!

Jeremiah 2:27

Thingkung khat sia ka pa hi, suangtum khat sia ka nu hi a cite — no teng na mai uh zum tu hi. Keima kung hong zuan ngawl a puapial na hi uh kom hi thu piang tu hi. Ahihang ngimna na thuak uh ciang hong hun tu in hong pai ta'n ci in nong ngen uh hi.

Jeremiah 31:4

Khatvei ma kong pua kik tu hi. Khatvei ma na daalkual khuangnote na la kik tu uh a, lungdam in na laam tu uh hi.

Jeremiah 4:20

Tuasiatna khat zawkciang khat hong theng a; ngamsung buppi kisia siat hi. Thakhat thu in ih bukte kilalsak hi; a puankhaite ki eaukeak hi.

Jeremiah 50:32

A kiphasak na ngam sia lutu in puk tu a, kuama in nang hong phongto ngawl tu hi. Na khuapite ka hal tu a, a kiim ah a om theampo kaanghtum tu hi,” ci hi.

Jeremiah 51:64

tuaciang, ‘Hi bangin Babylon tungah tung tu hi — Babylon sia tui sungah tumsuk tu a lawtto kik ngeingawl tu hi. Banghang ziam cile Topa in suksiatna sia Babylon tungah a thetsak tu hang ahi hi,’ ci in,” ka ci hi. Jeremiah ii kammalte sia tu teng ahi hi.

Jeremiah 8:4

Topa in ama ii mihingte tungah hi bangin son tu in kei hong sawl hi, “Mihing khat a pu ciang, tho kik hi ngawl ziam? Mihing khat lam a khial ciang, heak kik hi ngawl ziam?

Jeremiah 9:21

Thina sia ih khelkite tawnin hong pai a, ih kumpi inn sung hong tum hi; Thina in lampite ah patangte le sumbukte ah tangvalte vaatlum hi.

Jeremiah 9:9

Hi thute hu in amate daan pia ngawl tu khi ziam? Hi bang minam khat tungah phula ngawl tu khi ziam? Keima Topa in ka son hi,” a ci hi.

Kaa late 2:13

Jerusalem awng, kong it Jerusalem awng, bang kong ci thei tu ziam? Bangbangin nang hong heeneam thei tu khi ziam? Kuama in hi bang peuma in thuak ngeingawl hi. Na tuasiatna sia tuipi bangin mong nei ngawl a; bangma muanmawk thei tu om ngawl hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 6:2

Ni nii, ni thum sungin eite tha thak hong pia kik tu a, ama ompui na ah ih nungta tu hi.

Amos 8:14

Samaria milimte ahi, ‘Dan pathian min taw’ ahibuale ‘Beersheba pathian min taw’ a kiciam peuma — tua mite puk tu a, tho kik nawn ngawl tu uh hi.”

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.