Amos 4:9 - Syin Chin Bible

⁹ “Na lo ante nguataksak tu in vuisa ka vasak hi. Khaumawte in na huan an le sapitkung te, na theikung le olive kung te netum uh hi. Kei kung nong zuan kik bua lai uh hi.

Amos 4:9 Iomraidhean Croise

1 Kumpite 8:37

“Ngam sungah kialpi, ahibuale natsia tungin, ahibuale ankungte vuisa, ahibuale khaumaw hon in a lalsak ciang, tua ahibuale na mite a ngalte in a sim ciang, tua ahibualaile amate sungah natna satna a om ciang,

2 Khangtaanghthu 6:28

“Ngam sungah kialpi, ahibuale natsia a tung ahizong, ankungte vuisa ahibuale khaumaw hon in a lalsak ciang ahizong, na mite a ngalte in a sim ciang ahizong, amate sungah natna satna a om ciang ahizong,

Isaiah 1:5

Banghangin hong langpan lalai nu ziam? Daan thuak thua nuam lai nu ziam? Israel te awng, na lu tung theampo liamma dim zo a, na thin uh ngim mama hi.

Isaiah 50:11

Ngualdangte lalcipsak tu a sawm note theampo sia noma ii sawmnate in noma hong lalcipsak tu uh hi. Topa ama mama in hi thu piangsak tu hi; thinngim lungmanna na thuak tu uh hi.

Isaiah 9:12

Nisuana sang pan Syria le nitumna sang pan Philistia in Israel valhtum tu in a kam uh kaa zo hi. Tuabangza ngawngawn zongin Topa thin uukna thaisak zo ngawl a; daan pia tu in a khut vaan lai hi.

Jeremiah 3:10

Hi bang teng zawkciang Israel ii a thumaan ngawl, a suapuinu Judah in ka kungah heak kik tu in hong kinei theam bek a; a thin tatak taw hi ngawl hi. Topa, keima in ka son zo hi,” hong ci hi.

Jeremiah 5:3

Topa in thumaanna zong takpi hi. Ama in no hong saat hi, ahihang no in phamaw na sa bua uh hi; ama in no hong hualcip hi, ahihang thuhilna na ngai tuan bua uh hi. Na thin uh pui in na mawnate uh panin na kikheal bua uh hi.

Hosea 11:5

“Kei kungah hong heak kik nuam ngawl ahiciang, Egypt ma ah a heak kik uh kul tu a; tuaciang Assyria te in amate uk tu hi.

Joel 1:4

Khaumaw honkhat zawkciang honkhat in lo ante topha hi; Hon khat ii nusiat sate hon dang khat in khawng tum hi.

Joel 1:7

Amate in ih sapitkungte susia zo a, ih theikungte khimtham zo hi. Amate in thingbaakte a kaang dongin a haw khok keak hi.

Joel 2:25

Khaumaw honte ii na lo an hong neaktumsak kumte sungah na sup uhte kong pia kik tu hi. Hi khaumaw honpi hong puak sia keima khi hi.

Amos 4:6

Topa in, “Na khuapite theampo tungah kialpi a tungsak sia keima khi hi, ahihang kei kung nong zuan kik bua uh hi.

Amos 4:8

Dangkona taw tha zawmin, khuapi tam ma ii mite sia khuapi khat ah tui mu tu ki um in a pai uh hang neakkhom tu a om bua hi. Tua hi napi, kei kung nong zuan kik tuan bua lai uh hi.

Habakkuk 3:17

Theikungte nga ngawl a, sapitkungte a nga bua zong, olive kungte nga ngawl a, lote sungah an a piang bua zong, tuute thi siat a, khuibukte a hawm zong,

Haggai 2:17

Na ciin sa na theampo lalsak tu in vuisa le ngialtang kong puak hi, ahizong na kisiik kik tuan bualai uh hi.

Malachi 3:11

Lungnote in na lo ante a lalsak buatu a, na sapitkungte sapitnga taw kidimsak tu khi hi.

Thuhil kikna 28:22

Topa in a kilaw thei natnate, citum le cisa natnate no tungah hong tungsak tu hi; ama in na lo ante a lalsak tu in nguatui kangsak a, vuisa vasak tu hi. Hi bang tuasiatnate na thi dong thuak tu nu hi.

Thuhil kikna 28:42

Na thingkungte le na ankungte theampo lung in netum tu hi.