Amos 4:7 - Syin Chin Bible

⁷ Na lo ante ii kisapbel hun laitakin nguatui ka hangsak hi. Khuapi khat sungah ngua ka zusak a, khat sungah ngua ka hangsak hi. Lo khat sungah nguazu a, a dang lo khat kocip hi.

Amos 4:7 Iomraidhean Croise

Pusuana 10:22

Moses in a khut van ah laamto in, Egypt ngamsung theampo ni thum sung khuazing bikbek hi.

Pusuana 10:23

Egypt te khat le khat kimu thei ngawl a, tua hun sung kuama pusuak ngawl hi. Ahizong Israel te teenna munah khuavak nga hi.

Pusuana 8:22

Ahizong ka mite teenna Goshen ngam sia tho om ngawl tu in ka khe tu hi. Keima Topa in hi ngam le lei ah naseam hi ci in nong heak natu in hi bangin ka vawt tu hi.

Pusuana 9:26

Israel te teenna Goshen ngam bekma ngial kia ngawl hi.

Pusuana 9:4

Israel ngannote le Egypt ngannote kilaklaw ah kilamdanna khat ka vawt tu a, Israel te nganno ngawl teng ka thisak tu hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Jeremiah 14:3

Sumhau mite in a naseamte tui toai tu in sawl a; amate tuikhukte ah a pai uh le, tui om ngawlin a bealhawm nguak taw heak kik uh hi. Thinkiam lungmangin, amate in a mai uh seal hi.

Jeremiah 14:4

Nguazu ngawl ahikom leiko ngawp a, lothote lungmang mama in, a mai uh seal hi.

Jeremiah 3:3

Tua hu in nguatui hang a, khuapi nguazu ngawl hi. Numei kizuak khat taw na kibang hi; maizumna na nei bua hi.

Joel 2:23

“Zion mite awng, lungdam vun, Topa na Pathian ii note atu a sep sate hu in lungdam vun. Ama in tangngam ngua a khombek khat in hong pia a; ama in phalbi nguate no atu hong buaksuk in, khuapi ngua zongh hong piak ngei bang hong pia hi.

Zechariah 14:17

Minam khat pawpo in Vaanglianbelpa Topa sia kumpi bangin biak tu a nial le amate ngam ah nguazu ngawl tu hi.

John 4:35

Noma in ‘Tha li zawkciang sia anlaak hun hi,’ ci kam teptee nei nu hi. Ahihang lote pha tak en vun; tu in lo ante min zo a, laak tu bekin om zo hi, ci in kong son hi!

1 Corinth te 4:7

Akua in note ngualdangte sangin a thupizaw in hong piangsak ziam? Na neisa uh theampo Pathian hong piaksa hi ngawl ziam? Tua ahile pha hi, na neisa uhte sia letsong ahi ngawl bang phetin, bangbangin kiphatsak pui thei tu nu ziam?

Thuhil kikna 11:17

Tuabang na hi uh le no tungah Topa thin uuk tu hi. Ama in nguatui hangsak tu a, leiko leih in an piang ngawl tu hi. Tuaciang Topa in note hong piak ngam le lei sia pha napi tua munah na thi pal tu uh hi.

James 5:17

Elijah zong eima bangma mihing khat ahi hi. Ama in ngua a zuk ngawl natu in, nasia takin thungen a, kum thum le kum lang nguatui hang hi.

Thupualaakna 11:6

Amate in van khakbil in Pathian thu vaithak a thansak hun sungin, ngua a zuksak ngawl natu in thunei uh hi. Amate in ciktuite chisan a suasak thei natu thunei si uh hi; tuaciang amate in a uuk ni sim po in, leitung sia ngimna lian nam theampo taw ngim piak thei natu zongh thunei uh hi.