Amos 4:5 - Syin Chin Bible

⁵ Paisuak vun a, Pathian tungah lungdamkona in na anluumte pia vun a, na piak thua uh biakpiaknate tungtaang ah kisuangtaak vun! Hisia in na sep thanop uhte nam ahi hi.

Amos 4:5 Iomraidhean Croise

Psalm Late 81:12

Tua ahikom amate sia a thinpuina uh taw kizui in a uuk bang po ka paisak a, a vawt nop po ka vawtsak hi.

Isaiah 1:1

Hi laibu sungah, Amoz ii tapa Isaiah tungah Judah kumpite ahi Uzziah, Jotham, Ahaz le Hezekiah te hun lai in Judah le Jerusalem huvau Pathian pualaak thute kihel hi.

Isaiah 1:11

Ama in, “Kei tungah nong piak bul biakpiaknate theampo dei tu in hong um nu ziam? Nganhing a limci, a thaute le meihal biakpiakna a nong nei tuute zaa sangin a kicing vaal zaw ka nei hi. Khuitalte, tuute le kealte ii chi cimtak zo khi hi.

Jeremiah 7:10

Hi ka huasaakte na vawt uh a, tua zawkciang ka Biakinnpi sungah pai in, keima mai ah na ding uh a, ‘Ei ngammuang zo hing!’ na ci uh hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Hosea 9:1

Israel mite awng, na poaipite lawkite bangin khaam heak vun. Note in na Pathian nungngat in, ama tungah thumaan nawn ngawl zo nu hi. Ngamsung mun theampo ah pumpi kizuakte bangin Baal pathian tungah noma le noma kizuak in, ama ii hong kithapna hi na ci uh lo ante iip la nu hi!

Hosea 9:10

Topa in, “Israel ka mu phitin sennealngam sungah a po sapitngate mu bang ahi hi. Na taanghpupite ka mu phit hunin thei min hun a, a min masate mu bang ahi hi. Ahihang Peor mual ah hong pai uh ciang amate in Baal a biak hong kipan a, hai ngawlin a khiaklaak pathiante bangma in mu thada huai suak hi.

Thiampite 23:17

Innkuan simin anluum lum nii tek keng tu a, a tuam vilvel letsong in Topa tungah pia tu hi. Anluum khat sia anvui kilogramme nii tol kisaw in a ki em hi tu a, laak pheang tu anpal biakpiakna in Topa tungah pia tu nu hi.

Amos 5:21

Topa in, “Na biakna poaite ngaimaw khi hi; tuate sia kiihuai sa khi hi!

Amos 5:22

Meihal biakpiakna le antang biakpiakna nong piak uh ciang hong saang ngawl tu khi hi; kei biakpiakna in nong paipui, thau takin na vak nganhingte hong saang ngawl tu khi hi.

Matthew 15:9

Kei hong biakna sia amate atu in kimanna om ngawl hi. Banghang ziam cile amate in mihingte ii vawttawm ngeina sia, kei ii thukham bangin kihil uh hi!”

Matthew 23:23

“Thukham hil syate le Pharisee te awng! A kihitheamsakte awng! No atu in bangza lauhuai ziam? An mee sungah hel thei lonamsia, masala le thing namtuite dongin, see sawm sua see khat sia Pathian na pia uh hi, ahihang Thukham sungah a kihil a thupi tatak ahi, thukhaikimna, hesuakna le thumaannate na awlmaw bua uh hi. Hite zongh na zak tu uh hi a, a dangte zongh na awlmawk ngawl tu hisaap ngawl hi.

Matthew 6:2

“Mihing cimaw khat huna na nei uh ciangin, mihing a kihitheamsakte in lampi liante tung le biakna innte ah a vawt uh bangin, pokngaina taw vawt heak vun. Amate ahile, mihingte pok tu thangai in tuabangin ngamta hi. A tatakin ka ci ciang, amate ii a thaman uh a cing takin kipia zo hi.

Romete 1:28

Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi.