Amos 4:4 - Syin Chin Bible

⁴ Vaanglianpipa Topa in, “Israel mite awng, na hi nuam vangaat uh le mun thiangtho Bethel ah pai in mawna khialna vawt tavun! Gilgal ah pai vun a, na tha neiza uh taw maw tavun! Paisuak vun a, zing khat zawk ciangin zing khat sangaw biakpiak tu ngannote hong paipui tavun, ni thum simin na sawm a khat hong paipui tavun.

Amos 4:4 Iomraidhean Croise

Thuhilsya 11:9

Khangnote awng, na khangmoi hun nuamsa vun. Na khanmoi lai in lungdam vun. Na vawt nop po vawt vun a, na lungngulna bangin ngamta vun. Ahihang Pathian in na vawtna tungah thu hong khen tu cisia ciamtee tavun.

Ezekiel 20:39

Vaanglianpipa Topa in, “Tu in no Israel mite awng, noma lungkim babangin om vun! Na milimte ma bia tan tavun. Ahihang kidawm tavun a, hisia zawkciang ka thu nong nit uh kul tu a, na milim biakpiaknate taw ka min thiangtho na daisak uh kheal tu nu hi.

Hosea 12:11

Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.

Hosea 4:15

“No Israel mite in kei tungah hong thumaan ngawl na hi uh hang Judah te in tuabang in mawna nei heak tahen. Gilgal ah ahibuale Bethaven ah biakpiakna vawt heak vun, tua ahibuale tua munah a nungta Topa min taw kamciam vawt heak vun.

Hosea 9:15

Topa in, “Amate ngamtat siatnate theampo Gilgal pan kipan hi. Tua mun in amate ka etsat kipatna mun ahi hi. Amate ngamtat siatna hu in ka ngam panin amate ka notkeak tu hi. Amate ka it nawn buatu hi; a lampuite theampo in kei hong langpan zo uh hi.

Amos 3:14

Israel te a mawnate hu in daan ka piak ni ciang, Bethel a biaknataute ka susia tu hi. Biaknatau sim ii a taw king teng kisutan tu a, lei ah puk tu hi.

Amos 5:5

Biakkikhopna vawt tu in Beersheba ah pai heak vun. Bethel ah kei hong zong heak vun — Bethel sia a luithawthong suak tu hi. Gilgal ah pai heak vun — a mite saltaang in lal tu uh hi” ci hi.

Matthew 23:32

Tua ahiciang na taanghpupite ii patsa nate na zaw dong seam vet tavun!

Matthew 26:45

Tua zawkciang nungzuite kungah heak kik a, “Tu dong mu lai in tawlnga lai nu ziam? En vun! Mimawte khut sungah Mihing Tapa a ki aap tu hun hong theng zo hi.

Mark 14:41

Ama a thum veina hong heak kik ciangin, nungzuite munah, “Tu dong mu lai in, tawlnga lai nu ziam? Tu a teng pha zo hi! A hun hong theng zo hi! En vun, Mihing Tapa sia mimawte khut sungah ki aap tu hi zo hi.

Mark 5:5

Sun le zan in thaan kawm le mualtung kaantan in vak a, cik-au in ama le ama suanghiam taw ki at bul hi.

Thuhil kikna 26:12

“Kum thum simin na lo ante — sawm a khat sumpite — sia Levi te, ngamdangmite, tangate le meingong nupite tungah pia vun, tua hile mipite omna theampo ah amate neak tu a kisap za tek nei tu uh hi. Tuabang na vawt zawk uh ciang,