Amos 4:3 - Syin Chin Bible

³ Luphung hawngvang nai belna ah note hong kikai keak tu a, a pua ah hong kilawnthal tu hi,” ci in hong kamciam zo hi.

Amos 4:3 Iomraidhean Croise

2 Kumpite 25:4

a mite in a khuapi luphung sulet hi. Babylon te in khuapi kiim uum ahihang ngalkap theampo sia zanin suakta uh hi. Amate in kumpi huan pan luphungte nii kipeena kongpi lam tawn in Jordan Kuam sangah tai uh hi.

2 Kumpite 7:15

Pasalte Jordan ngun dong pai in, lamdung ah Syria ngalkapte ii a tai kawmin a nusiat puan le vanh te mu uh hi. Tua zawkciang amate hong heak kik in, kumpipa tungah thu ko uh hi.

Isaiah 2:20

Tua ni hong thet ciang, khamh le ngunn taw a vawt sa milimte, amate ma in vawkkeak tu a, tuate sia buite le bakte nusiat tu uh hi.

Isaiah 31:7

Ngunn le khamh taw na vawt sa uh ahi mawna a piangsak milim teng note theampo ii na vawkkeak tu uh hun khat hong theng tu hi.

Jeremiah 52:7

khuapi uumna luphungte kisulet hi. Babylon te in khuapi uumci hi napi, tua ngalkapte theampo zan lai in suakta uh hi. Amate sia kumpi huan paina lam zui in luphung te ni ii a kikawnna kongpi sia kaantan in Jordan Kuam sang zuanin tai uh hi.

Ezekiel 12:12

Amate kumpipa in khuazing sungah a liangko ah a vanh pua in, ama atu a kitolet panghawng panin a suakta tu hi. Ama in a mit hong sawm tu a, a pai natu mun a mu buatu hi.

Ezekiel 12:5

Amate in hong etcik laitakin, na inn pang tungah a hawng khat vutlet in, na vanh sia tuasung panin la keak in.

Amos 6:7

Tua ahiciang note salin a pai phit tute na hi uh hi. Na biakna poaite le anneak poaite bo tu hi.

Zephaniah 1:18

Tua ni in Topa in a thinsona hong lak ciang a ngunn a khamh te theampo zongin amate a hun zo buatu hi. Leitung bup sia a thin uukna meikuang in susia tu hi. Leitung a teang mihing theampo bona — thakhat thu in a bona — ama in tungsak tu hi.

Matthew 16:26

Mihing khat in leitung theampo a nga zonghin, ama nuntakna a taan le bang meetna nei tu ziam? Meet ngawl tu hi! Ama nuntakna a nga kiksak natu a piak thei khat zongh om ngawl hi.

Thukhente 5:17

Gad nam sia Jordan ii nisuana sangah om hi, tuaciang Dan nam sia teambawte kungah om suak uh hi. Asher nam sia tuipi hui ah om hi; amate tuipi vaalbo teng ah om suak uh hi.