Amos 4:10 - Syin Chin Bible

¹⁰ “Pul natna khat Egypt ah ka tunsak bangin no tungah kong tungsak hi. Na khangnote ngal sungah ka thatlum a, na siphu te ka la hi. Na ngiaphual uh ah mithi uih taw na naakvang kong dim hi. Tuabang hi napi kei kungah nong heak kik tuan bua lai uh hi.

Amos 4:10 Iomraidhean Croise

2 Kumpite 10:32

Tua hun laitakin Topa in Israel ngam ii a zaina khiam tu in hong kipan hi. Syria Kumpipa Hazael in Israel te ii ngam theampo zo hi,

2 Kumpite 13:3

Tua ahikom Topa sia Israel tungah thin uuk hi, tuaciang ama in Syria te kumpipa Hazael le a tapa Benhadad in Israel sia hun khat zawk hun khat zosak hi.

2 Kumpite 13:7

Jehoahaz in siphu ngalkap 50, siphu ngalleang sawm le ngalkap 10000 simngawl ngalkap nei ngawl hi, banghang ziam cile Syria kumpipa in a dang teng susia in leivui bangin amate tuanhcil hi.

2 Kumpite 8:12

Hazael in, “Banghangin kap ni ziam, topa awng,” ci in dongh hi. “Israel mite tungah a lipkhaphuai mama na ngamtat tu teng ka heak hu hi,” ci in zo kik hi. Nangma in a kulhpite na haltum tu a, a khangmoi tangval a phabel teng na thatlum tu a, patangnote na vaatlum tu hi, naungil omte ii ngil na khuakeak tu hi,” Elisha in ci hi.

Pusuana 10:27

Topa in kumpipa thin sahsak a, amate paisak nuam ngawl hi.

Pusuana 10:3

“Tua ahiciang kumpipa kungah Moses le Aaron pai in, “Topa, Hebrew te ii Pathian in, ‘Kei tungah nong kiniamkhiak tu, bang tanvei hong nial lai tu ni ziam? Kei hong biak thei natu in, ka mite paisak in.

Pusuana 14:4

Ama thin ka sahsak tu a, nang hong del tu hi. Kumpipa le a ngalkaphonpi ka zawna pan pataakna ka nga tu hi. Tuasia ciang Egypt te in Topa ka hina hong he tu uh hi,” ci hi. Israel te a kisawl bangin ngamta uh hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Pusuana 8:19

tuaciang mitbum thiamte in kumpipa tungah, “Hi sia in Pathian nasepna hi zo hi!” ci uh hi. Ahizong kumpipa thinsakin, Topa ci bangma kumpipa in Moses le Aaron thu ngai ngawl hi.

Pusuana 9:12

Ahizong Topa in kumpipa thin sahsakin, Topa cisa bangma kumpipa in Moses le Aaron thu ngai nuam ngawl hi.

Pusuana 9:17

Ahizong nangma na kisathei veve a, ka mite na paisak bua hi.

Isaiah 34:3

Amate ii luangte kiphum ngawlin, tualai ah a muat a ui in om tu hi; tuaciang mualte chi taw san tu hi.

Isaiah 50:11

Ngualdangte lalcipsak tu a sawm note theampo sia noma ii sawmnate in noma hong lalcipsak tu uh hi. Topa ama mama in hi thu piangsak tu hi; thinngim lungmanna na thuak tu uh hi.

Isaiah 9:12

Nisuana sang pan Syria le nitumna sang pan Philistia in Israel valhtum tu in a kam uh kaa zo hi. Tuabangza ngawngawn zongin Topa thin uukna thaisak zo ngawl a; daan pia tu in a khut vaan lai hi.

Isaiah 9:13

Israel mihingte kisiik kik ngawl hi; Vaanglianbelpa Topa in amate daan a piak zawk ngawngawn zongin, Topa kung zuan kik tuan ngawl uh hi.

Isaiah 9:17

Tua ahiciang Topa in tangvalte khat zongh suaktasak ngawl tu a, meingongte le tangate khat zongh hesuak ngawl tu hi, banghang ziam cile mihing theampo in Pathian sel a, seksol in kamsia nawno pau uh hi. Tua hang zongin Topa thin uukna thai zo ngawl a, daan pia tu in a khut kivaan lai tu hi.

Jeremiah 11:22

Tuasia ciang Vaanglianbelpa, Topa in, “Amate daan ka pia tu hi! A tangvalte ngal sungah kithatlum tu a; a patangte sia ngilkialin pukthi tu uh hi.

Jeremiah 15:3

Keima, Topa in, a lauhuai thu nam li amate tungah tung tu in ka khensat zo hi: Ngal sungah amate kithatlum tu hi; a luangte ui in kaikeak a; vacimte in ne tu hi, tuaciang a om laiteng ngamsate in ne tu hi.

Jeremiah 16:4

Amate a lauhuai natnate taw in thi tu uh hi, kuama in amate kaa ngawl tu, phum ngawl tu hi. Amate ii luangte lei ah eaklei bangin kithu tu hi. Amate sia ngal sungah kithat tu a, ahibuale ngilkial pukthi in thi tu hi, a luangte sia vacimte le ngamsate ii an hi tu hi.

Jeremiah 18:21

Ahihang tu in Topa awng, a tate ngilkial in pukthisak in; amate ngal sungah thalup thuaksak in. Nupite a pasalte le a tate in thi sansak in; pasalte sia natna taw thisak in, tangvalte ngal kisimna ah thalup thuaksak in.

Jeremiah 48:15

Moab le a khuapite kisiasak zo a; a tangval a taktaibel teng kithatlum zo hi. Keima sia kumpipa, Vaanglianbelpa Topa ka hi hi, tuaciang keima in ka ci zo hi.

Jeremiah 49:26

Tua ni in a tangvalte sia khuapi sung lampi tungah kithat tu a, a ngalkapte theampo kimaimot tu hi.

Jeremiah 5:3

Topa in thumaanna zong takpi hi. Ama in no hong saat hi, ahihang no in phamaw na sa bua uh hi; ama in no hong hualcip hi, ahihang thuhilna na ngai tuan bua uh hi. Na thin uh pui in na mawnate uh panin na kikheal bua uh hi.

Jeremiah 6:11

Amate ii tungah na thin uukna sia keima sung zongh ah meisa bang hi a, Topa awng, ka thuak zo nawn bua hi,” ci in ka zo hi. Tuaciang Topa in, keima tungah, “Ka thin uuk nate lampi ah om patangte tung le tangvalte kikhopna munah buak in. A pasalte le a zite kila tu a, a huai mama te ngawngawn zongh kikhe ngawl tu hi.

Jeremiah 9:22

Mithi luangte sia, lo sungah eak vuum bang, anlate in taang at a, a nusiat bangin, kuama ii laak ngawl ankung bangin, mun theampo ah kithethaang kawkoai hi. Hi thu son tu a Topa ii kei hong sawl ahi hi,” ka ci hi.

Hosea 11:5

“Kei kungah hong heak kik nuam ngawl ahiciang, Egypt ma ah a heak kik uh kul tu a; tuaciang Assyria te in amate uk tu hi.

Joel 2:20

Saksang pan hong pai khaumaw honpite ka heam tu a, pawlkhatte sennealngam sungah ka hawlkeak tu hi. A mai dok ngual teng Tuipi Thi sungah, a nung ngual teng Mediterranean tuipi sungah kihawlkeak tu hi. A thisate muat in ui tu hi. Note tungah hong vawtnate hangin tuate ka susia tu hi,

Thiampite 26:16

note daan kong pia tu hi. Na mit hong tawsak tu le na nuntakna a bo tu in note tungah tuasiatna — a dam thei ngawl natnate le cisa natnate kong tungsak tu hi. Lo na thaw ancii na poai hangin na phattuamna om ngawl tu hi, banghang ziam cile na ngalte in hong zo in na ciin po hong neaksak tu hi.

Thiampite 26:25

Ih thuciamna na palsat manin daan hong pia tu in no tungah ngalpi kong thengsak tu hi. Na ngammuan natu in khuapi sung na zuan zonghin a dam maw natnate kong tungsak tu a, na ngalte na lel hamtang uh kul tu hi.

Amos 4:6

Topa in, “Na khuapite theampo tungah kialpi a tungsak sia keima khi hi, ahihang kei kung nong zuan kik bua uh hi.

Amos 8:3

Tua ni ciang kumpi inn sungah a kisa late sia kaana le mauna aw suak tu hi. Mithi luangte mun theampo ah om tu hi. Tuate a thimtham in kivawk tu hi,” hong ci hi.

Haggai 2:17

Na ciin sa na theampo lalsak tu in vuisa le ngialtang kong puak hi, ahizong na kisiik kik tuan bualai uh hi.

Thuhil kikna 28:21

Ama in na laak tu ngam sungah khat zongh na taan nawn ngawl uh dongin natna khat zawkciang khat hong tungsak tu hi.

Thuhil kikna 28:22

Topa in a kilaw thei natnate, citum le cisa natnate no tungah hong tungsak tu hi; ama in na lo ante a lalsak tu in nguatui kangsak a, vuisa vasak tu hi. Hi bang tuasiatnate na thi dong thuak tu nu hi.

Thuhil kikna 28:60

Egypt ah noma thuaksa a lauhuai natnate theampo ama in khatvei hong tungsak kik tu a, na dam kik ngei buatu uh hi.

Thuhil kikna 7:15

Topa in natna theampo pan hong dal tu a, Egypt ah na thuak uh a kiitakhuai natnate khat zongh no tungah hong tungsak ngawl tu a, ahizong na ngalte theampo tungah tuate tungsak tu hi.