Amos 4:1 - Syin Chin Bible

¹ A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Amos 4:1 Iomraidhean Croise

1 Kumpite 16:24

tua zawkciang Samaria ngam mual khat sia Shemer a kici pasal khat ii tung pan ngunntang 6,000 taw lei hi. Omri in tua mual sia kulh vawt in tua munah khua khat saat a, a min sia mual nei lui pa min Shemer la in Samaria phuak hi.

Job 20:19

banghang ziam cile ama in mizawngte nengcip in awlmaw ngawl a, tuaciang ngualdang khat po ii sak sa innte sut hi.

Job 24:4

Amate in mizawngte ii a nga thei tute khaktan in; tuaciang a zawngkhalte zawthawkna taw taisakin buusak uh hi.

Psalm Late 12:5

“Ahihang tu in hong pai tu khi hi,” Topa in ci hi, “Banghang ziam cile a cimawte kizothaw a, vawtsiatna a thuakte in na a sakna taw tau uh hi. Amate ii dei ngammuanna ka pia tu hi.”

Psalm Late 140:12

Topa awng, nangma in mizawngte vai le, a cimawte ii nga tu a kilawm thute ah na panpui sia ka he hi.

Psalm Late 22:12

Khuitalte bangin ka ngalte in hong kiim uum a; ka kiimkot ah om uh hi, amate sia a kiitakhuai Bashan ngam khuitalte bang ahi uh hi.

Paunakte 22:7

Mizawngte in sumhaute ii sal ahi uh hi. Sum na pu le leeitopa ii sal na suak hi.

Thuhilsya 4:1

Tuaciang hi leitung ah a piang thumaan ngawlna theampo ka en kik hi. A kivawtsiate kakap a, kuama in hu ngawl hi. Kuama in amate hu ngawl tu hi, banghang ziam cile amate a vawtsiate in thahatna nei hi.

Thuhilsya 5:8

Kumpite in mizawngte vawtsia in amate hamphat natu te danh in thumaan ngawlin thu a khen na mu ciang lamdang sa heak in. Ulian khat pawpo, a tungsia a ulian sia in vuumsit a, amate ngeal sia a tung sawn a sia in vuumsit lalai hi.

Isaiah 28:1

Israel kumpi ngam sia a lal ahi hi! Ama ii minthanna sia zukham a lampuite ii lu tungah a khuk paak taw a kivawt kumpi lukhute taw kibangin mang vadi tu hi. Paaknamtui pha tak kinoai napi in a kiphasak amate ii lutangte sia, zu a kham hu in khuaphawk ngawlin tua munah lumcip uh hi.

Isaiah 5:8

Note a lal na hi uh hi! Na neisa inn le lote belap natu in na lei thawthua uh hi. Hai ngawlin midangte teen natu mun om ngawl tu a, tua leitang tungah noma bekma na teang tu uh hi.

Isaiah 56:12

Hi sapittui khamte in, ‘Sapittui tawm la sin tawng i, tuaciang ih dawn zawkza dawn tawng! Tuni sangin zing ciang nuam zaw kan tu hi!’ ci uh hi,” ci hi.

Isaiah 58:6

“Kei dei an tanna sia hi bang ahi hi: zawthawkna thikkolte le thukhaikim ngawl a kivawtna hakkolte suutin, zawthawk vawt a thuakte suataksakna ahi hi.

Jeremiah 50:11

Topa in, “Babylon mite awng, ka minam na suttol uh hi. Note lungdam in na kipaak uh a, khuipui an cicil ahibuale a hahaam siphu khat bangin vak kawkoai nu hi,

Jeremiah 50:27

A ngalkapte theampo that vun! Amate mon vun! Babylon mite a lal a hi uh hi! Amate daan piak tu hun hong theng zo hi!” ci hi.

Jeremiah 51:34

Babylon kumpipa in, Jerusalem sia saattan in ne hi. Ama in thambeal khat bangin khuapi hawm suaksak a; ngulpui khat bangin ama in valh hi, ama in a dei teng la in a dang teng vawk hi.

Jeremiah 6:6

Vaanglianbelpa Topa in Jerusalem uumci natu in thing kungte phukin leivumte a vawt natu in hi kumpite thupia hi. Ama in, “Keima in hi khuapi daan ka pia tu hi, banghang ziam cile hi khuapi sia kizawthawkna taw kidim hi,” ci hi.

Jeremiah 7:6

Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Ezekiel 18:12

Ama in a zawngte theam a, suttol in, sum a pu khat ii a aap vanhte tang paih hi. Ama doai biakna munah pai in, a kiihuai milimte bia hi,

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Ezekiel 22:27

Kumpi zum ulian te sia nganhing a mat sate a laaitham ngia te taw kibang uh hi. A hau natu in amate in mihing that uh hi.

Ezekiel 22:29

Sumhaute in ngual theamin suttol uh hi. Amate in a zawngte vawtsia a, ngamdangmite tung pan hamphatna la uh hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Ezekiel 34:16

“Keima in a bote ka zong tu a, a lampial te ka khoi kik tu hi, a liamte a liamma ka tuamsak tu a, a ciinate ka damsak tu hi; ahihang thau in a thahatte ka susia tu hi, banghang ziam cile keima in a maan in a ngamta tuucingpa ka hi hi.

Ezekiel 39:18

Tuate in tuutalte ahibuale, tuunote ahibuale kealte ahibuale, khuital thaute bangin a kithatlum ngalkapte ii luangte ne in, leitung ngamukte ii chi dawn tu uh hi.

Joel 3:3

Amate in a ngalmatte akua teng in nga tu ziam ci in, nuangtang lawnin khensat uh hi. Amate in pumpi zuakte a thapna le sapittui leina in, patangno le numeinote salin zuak uh hi.

Amos 3:1

Egypt ngam pan minam bup in ama ii hong pusuasak Israel mite awng, note huvau Topa pauna hi thu ngai vun:

Amos 3:3

Kisiktua natu in vaihawmna omkhol ngawlin mihing nii khualhaw khawm thei tu ziam?

Amos 5:11

A zawngte na nengniam uh a, a antangte na suttol uh hi. Tua hu in noma saksa suanginn phate sungah na teang buatu uh a, noma ciin sapithuan hoite pan sapittui na ne buatu uh hi.

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Amos 6:6

Sapittui khawbeam dimin taalin, paaknamtui phabelte zangh nu hi, ahihang Israel zaancipna tungtaang ah na mau bua uh hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Mi Simna 21:33

Tua zawkciang Israel te Bashan lam tawnin heakkik a, Bashan Kumpi Og sia amate sim tu in a ngalkaphonpi taw Edrei ah kuan uh hi.

Thuhil kikna 24:14

“Israel na mipuite ahibuale na khua sungah a teang ngamdang mite, zawngin a cimaw na cial uh naseamte theam heak vun.

Thuhil kikna 28:33

Haksa takin na ciin sa lo ante ngamdang minam khat in hong laksak tu a, bangma nga ngawlin nencipna le vawtsiatna bek na thuak tawntung tu hi.