Amos 3:8 - Syin Chin Bible

⁸ Tawpi a hawk ciang akua lau ngawlin om thei tu ziam? Vaanglianpipa Topa a pau ciang a thu thangsak ngawlin akua om thei tu ziam?

Amos 3:8 Iomraidhean Croise

Isaiah 21:10

Israel ka mite awng, mangtaang bangin no hong kicil zo hi, ahihang tu in Israel te ii Pathian ahi, Vaanglianbelpa Topa tung pan ka zaak, a zaaknophuai thuphate kong son zo hi.

Isaiah 31:4

Topa in kei tungah, “Tuucingte bang zata in a au hial zongin, amate in tawpi khat sia ama ii a thalupsa nganluang kung pan bengkeak zo ngawl hi; tuasia bangma in, keima, Vaanglianbelpa Topa ii Zion Mual ka kepna pan hong khaktan thei kuama om ngawl hi.

Jeremiah 20:9

Ahihang, “Topa ka mangil tu a ama min suangin thu ka son nawn buatu hi,” ka ci ciangin, na thupuak sia mei bangin ka sung tawngh ah kuang hi. Ka hi thei za iip tu ka hanciam hangin, ka iip zo nawn bua hi.

Jeremiah 26:12

Tuaciang keima in, “Hi Biakinnpi le hi khuapi ka siat sonna na zaak uhte theampo sia, Topa in taangko tu a kei hong sawl thute hi.

Ezekiel 29:21

“Tua thu hong pian ciang Israel mite ka thahatsak tu hi, Ezekiel awng, ngual theampo ii hong zaak thei natu mun panin thu kong sonsak tu a, tuasia ciang keima sia Topa ka hi hunlam hong he tu uh hi,” hong ci hi.

Amos 1:2

Amos in, “Topa sia Zion mual pan hawk a; Jerusalem pan a aw sia hong nging keak hi. Ngan thana munte ko a, Carmel mual a lopate vul hi,” ci hi.

Amos 2:12

Ahihang tua Nazirite te sapittui na nesak uh a, ka thusonte a son kik ngawl natu in kamsaangte thu na pia uh hi.

Amos 3:4

Tawpi in sa mat tu khat mu ngawl bulin duisung ah hawk thawthong na ziam? Tawpi moi khat in mat khat nei buale a kua sungah thuum vangam na ziam?

Sawltakte 4:20

Banghang ziam cile ka mu sa uh, ka zaaksa uh thute son ngawlin, ka om thei buatu uh hi,” ci uh hi.

Sawltakte 5:20

“Pai tavun a, Biakinn sungah dingin, hi nuntakna thak thu, mihingte tungah son tavun,” ci hi.

Sawltakte 5:29

Peter le sawltak dangte in zo kik a, “Pathian thu ka nit tu uh hi a, mihingte thu ka nit tu uh hi ngawl hi.

1 Corinth te 9:16

Lungdamna thu ka hil hu in, ka kisuantaak natu thu ka nei bua hi. Tuasia tatak ma seam tu in hong kisawl hi. Tuaciang lungdamna thu hil bua leng kei atu in bangza in lauhuai tu ziam!

Thupualaakna 5:5

Tua zawkciang upate khat in, kei tungah, “Kap heak in, En in! Judah minam sung panin Tawpi ahi, a lian David suan pa in zawna nga zo a, ama in tepteena salite balthamin laizial hong thei tu hi,” hong ci hi.