Amos 3:6 - Syin Chin Bible

⁶ Khuapi sungah khua mite a lausak ngawl tu ngal patau lemle a kitum om na ziam? Topa in a puak buale khuapi khat ah tuasiatna theng tu ziam?

Amos 3:6 Iomraidhean Croise

Pianciilna 50:20

Note in a sia nong sawm uh hi, ahizong tua thupiang sia hu in tuni a, a nungta mihing tam mama te ii nuntakna a huu tu in, Pathian in tuasia a pha lam in hong heisak hi.

2 Kumpite 6:33

Hi teng a pau zongh man tak ngawl lai in kumpipa hong pai a, “Hi ngimna ei tungah hong puak sia Topa hi. Ama ii na khat pawpo a vawt tu ngakin banghangin om top tu khi ziam?” ci hi.

Isaiah 45:7

Keima in khuavak le khuazing ka bitphua khawm hi; thupha le tuasiatna ka puak khawm hi. Topa ahi, keima in hite theampo ka vawt hi.

Jeremiah 10:7

Minam theampo ii kumpipa ahi nang sia, akua in zakta ngawlin a om tu ziam? Nang sia zatakna piak tu in na kilawm hi. Minamte ii mipilte theampo sung pan hikale amate ii kumpite sung pan hikale nang taw a kibang kuama om ngawl hi.

Jeremiah 4:19

Na hi! A na ka thuak zo bua hi! Ka lungtang! Ka lungtuk ngam vasat hi! Thim khipkhep in ka ommuang thei bua hi; lemle aw le ngal simna aw ka za hi.

Jeremiah 4:5

Ngamsung theampo ah lemle tum vun! A nging le a kitelthiangin au vun! Judah mite le Jerusalem khua mite tungah a muanhuai khuapite ah a tai natu son vun.

Jeremiah 5:22

Keima in Topa ka hi hi; banghang hong kiita ngawl nu ziam? Banghang ka mai ah liing ngawl nu ziam? Tuipi ii ngamngi tu in sen ka koi a, tui ii kaantan zawk ngawl a tawntung a kho ngamngi ahi hi. Tuipi a kilok hial zong kaantan zo ngawl tu a; tuihualte a hawk ngawp zong phultan zo ngawl tu hi.

Jeremiah 6:1

Benjamin mite awng, na kihuuk natu uh in tai vun! Jerusalem khua panin kisuatak tavun! Tekoa khua ah lemle tum vun a, Beth Haccherem khua ah kiheaksakna mei thut vun. Tuasiatna le suksiatna sia saksang pan hong pai tu hi.

Ezekiel 33:3

Ngalte hong nai a mu ciang a kidop thei natu in ama in patau daak tum hi.

Hosea 5:8

Gibeah ah ngal dona lemle tum vun! Ramah ah patau daak saat vun! Bethaven ah minsial vun. Benjamin mite awng ngal simin kuan vun.

Amos 3:5

Thaang a kisia ciang aitaana khat om buale vacim awk ngei na ziam? Thaang keaksa sia a pealsak khat a om buale peal na ziam?

Zephaniah 1:16

Luphungte taw a kidal khuapite le tausaangte a sim ngalkapte ii ngal kisimna awnging le ngal lemle aw taw a kidim ni hi tu hi.

Zechariah 8:10

Tua hun masia in kuama in mihing ahizong nganhing ahizong tha cial zo ngawl a, a ngalte kung pan kuama ngammuang ngawl hi. Mihingte khat le khat ka kilangpansak hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 4:28

Nangma vaangletna le na deina taw tuabangin piang hen ci a, na khensat sa theampo a taangtun natu in, amate kisitua uh hi.

2 Corinth te 5:11

Topa kiitakna ii a cinopna ka he uh a, tua hu in, ngual zongh, tuabang ahithei natu in ka hanthawn uh hi. Pathian in kote sia a khawng a kheakin hong heak bangma in na thinsung uh ah, keima zongh hong he tu in kong muangmaw hi.