Amos 3:12 - Syin Chin Bible

¹² Topa in, “Tuucing khat in tawpi khat ii a neakmong tuu ii peang nii ahibuale tuu ii bil khat bekma a top kik vathiam bangma, tu in lupna nuam niknek tungah a nop om Samaria te tawm bek luhai tu nu hi.

Amos 3:12 Iomraidhean Croise

1 Kumpite 20:30

A suakta lai teng sia Aphek khuapi sungah tai a, a khuapi luphung cimh in, tua 27,000 te tung san ah taak suk hi. Benhadad zongh khuapi sungah suakta a, inn nung inndoi khat sungah om hi.

1 Kumpite 20:34

Benhadad in ama munah, “Ka pa ii na pa tung pan khua a laak teng hong pia kik tu khi hi, tuaciang Damascus khua ah nangma atu sumzuak sum leina phual khat zongh ka pa ii Samaria ah a koi bangin koi thei tu ni hi,” ci hi. Ahab in, “Hi thukimna tungtawnin nang hong suatak tu khi hi,” ci in zo kik hi. Ama in kiciamna khat vawtin, Benhadad paisak hi.

1 Kumpite 22:25

Micaiah in, “Inn nungsang inndoi sung khat ah a buu tu in na pai ciangin mu tu ni hi,” ci in zo kik hi.

2 Kumpite 16:9

Ahaz ii maangkaa na a zona in Tiglath Pileser in a ngalkap hon taw Damascus ah kuan in, tua khuapi suan a, kumpipa Rezin thatlum in a mite sia thongtaak tu in Kir khua ah paipui hi.

Esther 1:6

Tua mun a suumsung sia patpuankhai vancii le a kaangte taw kizeam a, tua puankhakte a ci pha puanneal sandup khaute taw marble suangkaang khuamte tungah ngunnkualte taw kikhii hi. Tua suumsung teng marble suang a kaang, a san, a tee keptang le vancii meal suangmanpha bangte kipha in, a tungah khamh le ngunn taw a kivawt tokhumte kikoi hi.

Esther 7:8

Haman in hesuak ngen tu in Esther tona ah a to suk bek laitakin huan sung pan kumpipa inndoi sungah hong sungtang kik hi. Hi bang a mu ciang kumpipa au in, “Hisia pa in ka kumpi inn sung hi lai, keima mai tatak ah kumpinu buanin khialpui nuam ziam?” ci hi. Kumpipa ii a kampau a man ma in numei uk cil kingette in Haman lutang puan khu uh hi.

Psalm Late 132:3

“Inn ah ka cia buatu a, lupna ka zuan buatu hi;

Isaiah 17:7

Tua ni a thet ciang, mihingte in amate a Bitphuapa ahi, Israel te ii a thiangtho Pathian kungah hu ngenin zuan tu uh hi.

Isaiah 31:4

Topa in kei tungah, “Tuucingte bang zata in a au hial zongin, amate in tawpi khat sia ama ii a thalupsa nganluang kung pan bengkeak zo ngawl hi; tuasia bangma in, keima, Vaanglianbelpa Topa ii Zion Mual ka kepna pan hong khaktan thei kuama om ngawl hi.

Isaiah 8:4

Patang in, ‘Nu awng’, ‘Pa awng’ a ci thei ma in, Damascus khua hauna theampo le Samaria khua pan a kisuttol vanhte theampo, Assyria kumpipa in la in pua siat tu hi,” hong ci hi.

Amos 6:4

A nuam niknek na lupna tungah nop om a, khuino sa le tuuno sa taw a kivaak note atu bangza in lauhuai ziam!

Amos 9:8

Keima, Vaanglianpipa Topa in, hi a maw a khial Israel kumpi ngam ka encik nginge a, lei mai panin ka susia tu hi. Ahihang Jacob suan le paalte theampo ka susia buatu hi.