Amos 3:10 - Syin Chin Bible

¹⁰ Topa in, “Hi mite in a innpite sia khialna lian le ngongtatna taw a laaksak vanhte taw dimh uh hi. Amate in thumaan natu zia ngawngawn he ngawl uh hi.

Amos 3:10 Iomraidhean Croise

Job 20:21

Amate an a neak uh ciang a khamvaal om ngei ngawl hi, ahihang tu in a nopsakna bo vangeu hi.

Psalm Late 14:4

“Ama te in he ngawl ziam?” Topa in dongh hi. “Hi a tatsiate in awlmawk nei ngawl ziam? Amate in ka mite neisa sutolna taw nungta a, kei tungah zongh thu hong ngen ngeingawl hi.”

Paunakte 1:13

Hauna namcin le ih innte sia ih sutol vanhte taw a kidim in ih mu tu hi!

Paunakte 11:16

A thuthiam numei khat kizakta a, ahizong ngamtat pha ngawl numei khat sia a maizum huai khat ahi hi. A datham mihing khat in sum a nei ngei buatu a, ahihang a hanciam mama khat sia hau tu hi.

Paunakte 28:5

Mihing ngilote in thukhaikim sia bang ziam ci in a he bua uh hi, ahihang Topa a biate in pha takin tel uh hi.

Thuhilsya 4:1

Tuaciang hi leitung ah a piang thumaan ngawlna theampo ka en kik hi. A kivawtsiate kakap a, kuama in hu ngawl hi. Kuama in amate hu ngawl tu hi, banghang ziam cile amate a vawtsiate in thahatna nei hi.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Jeremiah 5:4

Tuasia ciang keima in, “Hite sia a zawng bangma a he ngawlte bek hi. Amate in a mawmawthuai in ngamta uh hi; amate sia a Pathian ii a kat sia he ngawl a, Topa ii a sepsak nop sia zongh he ngawl uh hi.

Ezekiel 18:7

Ama in kuama theam ngawl, a neisa suttol ngawl hi. Sum a pu khat ii a vanh aapte pia kik hi; ngilkialte anvaak in, a pumnguak omte puansilh pia hi.

Ezekiel 22:29

Sumhaute in ngual theamin suttol uh hi. Amate in a zawngte vawtsia a, ngamdangmite tung pan hamphatna la uh hi.

Ezekiel 8:17

Topa in kei tungah, “A thithei mihing awng, tua sia na mu ziam? Hi Judah mite in hi sungah na mu a kiihuai a vawt thawthongte theampo le ngamsung theampo a, a kizel ngoltol ngamtatna teng taw a lung a kim bua uh hi. Tua teng bek dom ngawlin amate Biakinn sung mama ah hong pai hamtang in tuate hong seam a, ka thin hong uuksak seseam uh hi. En in amate in thuak zawk mama ngawl tu za dongin kei hong selno hi!

Hosea 7:1

“Israel ka mite a ciidam in a nopsak, a khanto kik tu ka vawtsak nop simin, amate seksolna le a ngamtatsiatna te bebek ka mu thei bek hi. Amate khat le khat kitheam a; inn phuulin vanh ngu hi, tuaciang lampi ah ngual neisa suttol uh hi.

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Amos 5:7

Thukhaikimte siatsua a, tuaciang mite ii nga tute a theam note a lalsa na hi uh hi!

Amos 6:12

Suangte tungah siphute kinuntaw ziam? Mite in khuital taw tuipi tungah lotho ziam? Tua hikasap note in thutang sia nguu na suaksak uh a, a maan sia a khial na suaksak uh hi.

Amos 6:3

Tuasiatna ni hong thet tu thu sia na um nuam bua uh a, ahizong noma ii ngamtatna ma in tua ni naisak seseam bek hi.

Amos 6:8

Vaanglianpipa Topa, Vaanglianbelpa in hi a ciliap huai kidopna tu thupia zo hi: “Israel mite ii kiphatsakna ka ngaimaw hi; amate ii inn nuam mamate ka kii hi. Amate khuapi le a sung a om theampo ngalte ka pia tu hi,” ci hi.

Micah 6:10

Mihing tatsiate ii inn sungah thumaan ngawlna taw a nga sumngumte om hi. Amate in ka ngaimawk khaikhin maan ngawlte zangh uh hi.

Zephaniah 1:9

Lawkite bangin biakna a vawt theampo le sutol vanh taw a tote inn sung a kidim natu in, a ngute le a thatte theampo daan ka pia tu hi,” ci hi.

2 Peter 3:5

Khuangei mama lai in, Pathian in thupia a, vantungte le leitung kibitphua ahi sia amate in thusim ngawl kaltang uh hi. Leitung sia tui sung pan le tui taw in kipiangsak hi,