Amos 2:9 - Syin Chin Bible

⁹ “Tua ahitazong ka mite awng cedar thingkungte bangin saang a, oak thingkungte bangin a thakho, Amor te ka sukcipna sia noma kong khualna hi.

Amos 2:9 Iomraidhean Croise

Pianciilna 15:16

Khang li zawkciang na suan na paalte hi ngam ah hong cia kik tu hi, banghang ziam cile hi sungah Amor te sia hong seksol mama tu a, daan a kipiak mateng hi mun pan ka notkeak buatu hi,” ci hi.

1 Khangtaanghthu 1:14

Canaan sia Jebus te, Amor te, Girgash te,

Job 18:16

Tuate ii a baakte le a zungte sia vulin ko hi.

Pusuana 3:8

tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Pusuana 34:11

Tuni in kong piak thukhamte zui vun. Note maisang na manaw uh ciangin Amor te, Canaan te, Hit te, Periz te, Hiv te le Jebus te ka notkeak tu hi.

Isaiah 10:33

Vaanglianbelpa Topa in amate sia thingbaakte heu bangin saattan tu hi. Amate sung pan a kiphasakbel le a saangbelte zongh kisaat tan in kiniamsak tu hi.

Isaiah 5:24

Tua ahiciang tu in, taangphaw le lopa ko ngimngeamte mei a kak bangma in, na zungte muatin na paakpalhte kongaw tu a, vui in lenkeak tu hi, banghang ziam cile, noma in Vaanglianbelpa Topa Israel te ii a thiangtho Pathian ii ei hong hilna thu na nial zo uh hi.

Ezekiel 17:9

“Tua ahikom, Kei, Vaanglianpipa Topa in, hi bangin ka dongh hi: hi sapitkung sia hingin a khang tu ziam? Muvanlai masa sia in a zung longhin, sapitngate thongh keakin, a baakte tattan sakin, vulsak ngawl tu ziam? Sapitkung a kaikeak natu thahatna lianpi ahibuale minam lian kul ngawl tu hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Mi Simna 32:13

Mite tungah Topa thin uuk a, ama a lungkimsak ngawlte a khang buppi in a thi siat dong, duisung ngampa ah kum sawmli sung vakthapsak hi.

Thuhil kikna 1:28

Banghang tua munah pai tu hi ziam? Ih lau hi. Thu dawp a ih paisakte in tua munah a teang mihingte ei sangin hat zaw, saang zaw a, van banin a ki uum khuapite sungah teang hi, ci in hong son hi. Amate in tualai ah mi thatang liante mu hi!’ na kici uh hi.

Thuhil kikna 3:11

Kumpipa Og sia Rephaim kumpi khakbel ahi hi. Ama ii thaankuang, suang taw kivawt sia a kitee ngeina bang a tee ciang, metre 4 sau in metre 2 dedek zai hi. Tuasia sia Ammon te khuapi Rabbah ah kimu thei lai hi.)

Joshua 10:12

Topa in Amor te tungah Israel te zawna a piak ni in, Joshua in Topa paupui hi. Israel mai ah ama in “Ni awng, Gibeon tung san ah ding zii in; Tha awng, Aijalon Kuam tungah tawlnga in,” ci hi.

Joshua 3:10

Maisang ah na manaw uh ciang ama in Canaan te, Hit te, Hiv te, Periz te, Girgash te, Amor te le Jebus te notkeak takpi tu hi.