Amos 2:8 - Syin Chin Bible

⁸ Biak kikhopna mun theampo ah, a zawngte ii leitoai natu a pon puante sia mite in luppha in nei uh hi. Amate in sum a bate tung pan a laak sapittui zongh, a Pathian biakinn sungah ne uh hi.

Amos 2:8 Iomraidhean Croise

Pusuana 22:25

“Keima ii mi ahi a zawng khat pawpo tungah sum na pukthaak uh le sum pukthaak pa bangin om heak vun a, summeet na la heak vun.

Isaiah 57:7

Mual saangte tungah biakpiakna pia tu le numei le pa khialna vawt tu in na pai uh hi.

Ezekiel 18:12

Ama in a zawngte theam a, suttol in, sum a pu khat ii a aap vanhte tang paih hi. Ama doai biakna munah pai in, a kiihuai milimte bia hi,

Ezekiel 18:7

Ama in kuama theam ngawl, a neisa suttol ngawl hi. Sum a pu khat ii a vanh aapte pia kik hi; ngilkialte anvaak in, a pumnguak omte puansilh pia hi.

Ezekiel 23:41

Amate tokhum hoi khat tungah to in, a mai ah sabuai khat dim a koi naphate sungah ngimnamtui le olive thau ka piakte zongh koikhawm uh hi.

Hosea 4:8

Ka mite mawna khialna te tung pan hau law na hi uh kom amate khial vaial le na oai uh hi.

Hosea 7:14

Amate in thin tak taw thu ngen ngawl uh hi, tua sangin amate lei ah kisepin lawkite ngamtat bangin kapin mau uh hi. Sapittui le antang atu thu a nget ciang doaibiate bangin amate le amate kikuikeak uh hi. Bangza in hong langpan ziam!

Amos 3:14

Israel te a mawnate hu in daan ka piak ni ciang, Bethel a biaknataute ka susia tu hi. Biaknatau sim ii a taw king teng kisutan tu a, lei ah puk tu hi.

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Amos 6:4

A nuam niknek na lupna tungah nop om a, khuino sa le tuuno sa taw a kivaak note atu bangza in lauhuai ziam!

Amos 6:6

Sapittui khawbeam dimin taalin, paaknamtui phabelte zangh nu hi, ahihang Israel zaancipna tungtaang ah na mau bua uh hi.

1 Corinth te 10:21

Topa hai le doaite hai pan zong, na dawnkhawm thei buatu uh hi; Topa sabuai le doaite sabuai zongh zangh khawmin an na ne thei buatu uh hi.

1 Corinth te 10:7

tua bek hi ngawlin, amate pawlkhat ii milim a biak bangin, ih biak ngawl natu in kidop natu hong piak ahi hi. Laithiangtho ci bangin, “Mihingte in zuneakna le numei le pa maitatna a om poai sungah kihel uh hi”.

1 Corinth te 8:10

Sonteena in hi thu huvau ah “heakna” a ci sia a nei note ii milim biakbuk ah na anneak uh, ngaisutna thazawm mihing khat in hong mu tu ci leang; tuasia in milim biakna ah a kizangh an a neak ngam natu in thapia suak ngawl tu nu ziam?

Thukhente 9:27

Amate sia a sapithuante sungah pai siat in sapitnga lo a, sapittui a vawt zawk uh ciang poai khaam uh hi. A pathian biakinn sungah amate tumin tua munah ne in dawn in om a, Abimelech simmawkna kam pau uh hi.