Amos 2:7 - Syin Chin Bible

⁷ Amate in a thazawm a cimawte tuanhpeak in mizawngte sawn vawk hi. Pasal khat le a ta in a sila nu luppui khawm a, tua bangin ka min thiangtho daisak hi.

Amos 2:7 Iomraidhean Croise

2 Samuel 12:14

Ahihang hi bangin na ngamtatna panin Topa simmawkna lak zo na hikom na ta sia thi tu hi,” ci in zo kik hi.

1 Kumpite 21:4

Ahab inn ah cia a, Naboth ii kampau teng hu in thin uukin a thinnuam ngawlin om hi. A lupna tungah lum a, pang sang nga in an ne nuam ngawl hi.

Paunakte 28:21

Mi doidanna in khialna hi. Ahihang thukhenmang pawlkhat in sumnguk tawmno po deina ngawngawnin a maan ngawlin naseam tu hi.

Isaiah 10:1

Note a lal na hi uh hi! Note in ka mite zawthawk natu in a thukhaikim ngawl thukhamte na vawt uh hi.

Isaiah 10:2

Tuabangin mizawngte tung pan amate taw kisai a nga tuakte le amate ii thutang khenna nga natu te khaktanin na taansak uh hi. Tuate sia meingongte le tangate ii neisate na sutolzia uh ahi hi.

Isaiah 3:14

Topa in ama mihingte ii upate le a lampuite thukhenna thuaksak tu hi. Ama in hi bangin: “Note in sapithuante na suttol uh a, na inn uh sia mizawngte tung pan na laak uh vanhte taw kidim teak hi.

Isaiah 3:15

Ka mite na sukcip natu le mizawngte tung pan meetna laak natu thu bangma na nei bua uh hi. Keima, Vaanglianpipa Topa, Vaanglianbelpa ka pau zo hi,” ci in mawsak hi.

Ezekiel 22:11

Pawlkhatte in palngul mawna vawtin, a dangte in a mote ahibuale a suapuiseal numeite zol uh hi.

Ezekiel 36:20

A paina pawpo ah ka min thiangtho mindaisak hi, banghang ziam cile mihingte in, ‘Hite in Topa mite hi napi Topa ngam a taisat uh kul hi,’ ci tu hi.

Hosea 4:14

Ahitazong, hi sia hu in amate daan pia ngawl tu khi hi, banghang ziam cile noma mama zongh biakinn a pumpi zuak numeite omkhop pui in, amate taw lawki sangaw biakpiaknate na pia khawm uh hi. Paunak khat sungah, ‘Ngaisutna nei ngawl mihingte kilalsak tu hi,’ a ci bang ahi hi.

Thiampite 18:15

Na tapa zi khialpui heak in.

Thiampite 18:21

Molech pathian biakna ah zak tu in na tate khat zongh pia heak in, banghang ziam cile tua in Topa ahi Pathian ii min daisak tu hi.

Thiampite 18:8

Na pa zino dangte khat pawpo taw numei le pa khialna vawtin na pa maizum pia heak in.

Thiampite 20:3

Mihing khat pawpo a tate khat Molech tungah pia in, ka Puanbuk thiangtho ninsak a, ka min thiangtho a daisak le ka nungngat tu a, ka mi khat in ka ngaisun nawn buatu hi.

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Amos 5:11

A zawngte na nengniam uh a, a antangte na suttol uh hi. Tua hu in noma saksa suanginn phate sungah na teang buatu uh a, noma ciin sapithuan hoite pan sapittui na ne buatu uh hi.

Amos 5:12

Na mawna uh bangza in kiitakhuai a, khialna lian bangza vawt zo nu ziam ci sia ka he hi. Mihing phate vawtsia in, sumnguk ne a, thukhenzum ah mizawngte atu in thukhaikim a kisep natu na khaam uh hi.

Amos 8:4

Ngamsung a mizawngte susia in, a kitaangsamhte a tuanhpeak note awng, hi thu ngai vun.

Micah 2:2

Amate in lote a dei uh ciang suttol uh hi; innte a dei uh ciang laksak uh hi. A kuama po ii innkuan, ahibuale neisa bit ngawl hi.

Micah 2:9

Ka mite sung pan numeite sia a it a innte pan na hawlkeak tu uh a, a tate tung pan ka thuphate a tawntungin na sut uh hi.

Zephaniah 3:3

A uliante sia tawpi hawk bang hi a; a thukhenmangte sia, duhop leih kisa in a zing ciang dong sangu khat zongh a khe ngam ngawl ngiapui ngilkialte bang ahi uh hi.

Romete 2:24

Laithiangtho in, “No Jew te hu in Gentile te in Pathian sonsia hi,” ci hi.

1 Corinth te 5:1

Tu in, Pathian he ngawlte sung zongh ah a om ngeingawl, a patau huai numei le pa paktatna note sungah om hi, ci in kison takpi hi. Pasal khat sia a nu kik taw lumkhawm hi, ci in hong kison hi!