Amos 2:6 - Syin Chin Bible

⁶ Topa in, “Israel mite maw kikik khial kikik ahiciang amate daan ka pia tatak tu hi. Amate in leiba a lo zo ngawl mi thumaante, peangdap kop khat ii man zongh a pia kik zo ngawl mizawng teng sal in zuak hi.

Amos 2:6 Iomraidhean Croise

2 Kumpite 18:11

Assyria te ii kumpilianpa in Israel te thongtaak tu in paipui a, pawlkhat sia Halah khuapi sungah, pawlkhat Gozan ngamkhen sung Habor Ngun hui ah, pawlkhat sia Media te khuapite ah teangsak hi.

2 Kumpite 18:12

Samaria khua bo hi, banghang ziam cile Israel in Topa a Pathian ii thu ni ngawl hi, tua banah amate taw thuciam a vawt te zongh paltan uh a, Topa naseampa Moses ii thukham a piakte theampo zongh ni ngawl uh hi. Amate in za nuam ngawl a, ni nuam ngawl uh hi.

Isaiah 10:2

Tuabangin mizawngte tung pan amate taw kisai a nga tuakte le amate ii thutang khenna nga natu te khaktanin na taansak uh hi. Tuate sia meingongte le tangate ii neisate na sutolzia uh ahi hi.

Isaiah 29:21

Ngual dang a sonsiate, khialna lian neite, daan piak tu a khaktante le thumaan mihingte tungah thu khaikim in thu a khen thei ngawl natu leilot thusonte sia Pathian in lalsak tu hi.

Ezekiel 22:13

“Ngual na suamlupna le ngual na sutolna uh tungah ka khuttum kong thasuk tu hi.

Joel 3:3

Amate in a ngalmatte akua teng in nga tu ziam ci in, nuangtang lawnin khensat uh hi. Amate in pumpi zuakte a thapna le sapittui leina in, patangno le numeinote salin zuak uh hi.

Joel 3:6

Judah le Jerusalem mite sia amate ngam pan a khuala mamana ah paipui in Greek te tungah na zuak uh hi.

Zechariah 11:5

Tua tuute sia a tote in that a, a thatte daan kipia ngawl hi. Amate in a sa zuakin, ‘Topa pok vun! Ei hau zo hing!’ ci hi. A tuucingte ngawngawn in hesuakna nei ngawl uh hi,” hong ci hi.