Amos 2:5 - Syin Chin Bible

⁵ Tua ahikom Judah tungah meikuang ka khiak tu a, Jerusalem kulhpite ka haltum tu hi,” ci hi.

Amos 2:5 Iomraidhean Croise

2 Kumpite 25:9

Ama in Biakinnpi, kumpi inn le Jerusalem ah mihing thupi theampo ii innte haltham hi,

Jeremiah 17:27

Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.

Jeremiah 21:10

Hi khuapi sia khe tuan ngawlin suksiat tu in ka thin ka khensat zo hi. Babylon kumpipa khut sungah kipia tu a, ama in mei taw haltum tu hi. Keima, Topa in ka ci zo hi.”

Jeremiah 39:8

Tua hun sung ma in Babylon te in kumpi inn le mipite ii innte haltum a Jerusalem khua luphungte sutham uh hi.

Jeremiah 52:13

Ama in Biakinnpi, kumpi inn le Jerusalem khua sungah mi thupi theampo ii innte mei taw haltum hi;

Hosea 8:14

“Israel mite in kumpi innte sa zo ahihang amate in amate a Vawtpa mama mangil uh hi. Judah mite in kulh taw a ki uum khuapite saat uh hi. Ahihang a kumpi innte le a khuapite a kaanghthamsak tu meikuang ka puak tu hi,” ci hi.

Amos 1:4

Tua ahikom Kumpipa Hazael saksa kumpi inn sia meikuang khiakin Kumpi Benhadad ii kulhte haltham tu khi hi.

Amos 3:11

Tua ahikom ngal in a ngam kiim uum in, a kidalnate susia tu a, a innte phuulsak tu uh hi,” ci hi.

Amos 3:15

Phalbi innte le khuakhaal innte ka susia tu hi. Saiha taw a kizeam innte siacip in, cimh tu hi; inn lian theampo kisusia tu hi,” ci hi.

Amos 7:4

Vaanglianpipa Topa tung panin mukholna dang khat ka nei hi. Tua ii sungah ama in a mite meikuang taw daan pia tu in a kithoai ka mu hi. Mei in leinuai a tuipi lian sia kaanghtham a, tuaciang leitang mama kaanghtham tu kipan hi.