Amos 2:4 - Syin Chin Bible

⁴ Topa in, “Judah mite maw kikik khial kikik ahiciang amate daan ka pia tatak tu hi. Amate in ka hilnate thusim ngawl a ka thupiakte zui ngawl uh hi. A taanghpupi ii biak a maan ngawl pathiante ma in amate lam pialsak hi.

Amos 2:4 Iomraidhean Croise

2 Kumpite 17:19

Ahihang Judah mite ngawngawn in zongh Topa a Pathian ii thukhamte ni ngawl uh a; Israel te ii ngeina a zak uhte zui uh hi.

2 Khangtaanghthu 25:14

Amaziah sia Edom ngalkapte zo in a cia kik ciang, amate ii biak milimte ciapui a, omna pia a, tuaciang ngimnamtui halin bia hi.

2 Khangtaanghthu 30:7

Amate ii Pathian, Topa tungah a thumaan ngawl, na taanghpupite le Israel na mipuite bangin om heak vun. Na mu thei bangma in, Topa in nasia takin daan thuaksak hi.

Nehemiah 1:7

Seksol ngamtatna taw nang kong langpan zo uh a, nong thupiakte ka zui bua uh hi. Na naseampa Moses tungtawnin nong piak thukhamte ka zui bua uh hi.

Nehemiah 9:26

“Ahizong na mite in nang hong leedo a, na thu hong nial hi; amate in na Thukham nungngat uh hi. Amate in nangma kung hong heak kik natu a son, a kidop thei natu in thu a pia kamsaangte that uh hi. Amate in hun khat zawk hun khat nang hong simmaw uh a,

Isaiah 28:15

Note in, thina taw thuciamna khat ka vawt zo uh a, mithi khua taw thukimna khat ka nei zo uh hi, ci in na kisuangtaak uh hi. Siatna hong pai ciang, hong pial tu hi ci in na kimuang uh hi, banghang ziam cile no hong huu tu in theamna le leilot thute na suang uh hi.

Isaiah 44:20

Ama sia vut ne te taw kibang lel hi. Ama ii mawmawt ngaisut nate in lamkhialsak zo a ama sia kihu zo nawn ngawl hi. A khut sungah a toai milim sia pathian hi vet ngawl hi, ama in ci nuam ngawl tu hi.

Jeremiah 16:11

Tuasia ciang Topa ii hi bangin a ci sia amate tungah va son ta'n hong ci hi, ‘Na taanghpupite in kei kung pan puapial a ngamdang pathiante bia in a na seam uh hi. Amate in kei hong nusia a ka hil thute ni ngawl uh hi.

Jeremiah 16:12

Ahihang no sia na taanghpupite uh sangin a sia zaw vawt nu hi. Na vekpi in a thinpui le a ngilote na hi uh hi, ka thu nong ni bua uh hi.

Jeremiah 17:27

Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Jeremiah 8:2

A ngute khawmtua a, kiphumsak tu ci thada, lei ah eak vawk bangin pheang om tu hi. Tuate sia a it le a na a sepsak, thu a dok le a biak uh ahi ni, tha le aksite mai ah kipheangpha tu hi.

Jeremiah 8:9

Na mipilte uh mai zumin om hi; amate lungmangin a ci a law he ngawl uh hi. Amate in ka kammalte nial zo hi; tu in amate in bang pilna nei uh ziam?

Jeremiah 9:14

Tua kawmkaal ah, a thin uh pui in a taanghpupite ii hil bangin Baal milimte bia uh hi.

Ezekiel 13:22

Ka liamsak nop ngawl mihing phate, na leilotna taw thinkiamsak nu hi. Mihing ngilote a siatna nusia in, a nuntakna uh a kihut natu pan na khaktan uh hi.

Ezekiel 20:13

Ahihang sennealngamsung ngawngawn ah kei hong nalh uh hi. Ama te in a zui pawpo nuntakna a pia ka thukham te paltan a, ka thupiakte a nial uh hi. Amate in Sabbath sia niincipsak uh hi. Amate sennealngam ah ka thin uuk tutna taw sucip tu in ka kinging zo hi.

Ezekiel 20:16

Kiciamna ka vawt sia banghang ziam cile amate in ka thupiakte nial in, ka thukhamte paltan hi, tuaciang Sabbath niinsak a — amate ii milim ma bia nuam zaw uh hi.

Ezekiel 20:18

Tua taangin, amate sungah khangnote kidop natu thu ka pia hi: na taanghpupite vawt thukhamte tang heak vun; amate ngeinate zui heak vun, tua ahibuale a milimte taw noma na kininsak heak vun.

Ezekiel 20:24

Hi bang a ka hi sia banghang ziam cile amate in ka thupiakte nial a, ka thukhamte paltan in ka Sabbath niinsak uh hi, tuaciang a taanghpupi te ii biak milimte ma bia uh hi.

Ezekiel 20:30

Tu in Israel mite munah Vaanglianpipa Topa keima ci teng son in: banghangin na taanghpupite mawna vawt teng ma vawt hamtang in a milimte ma dedel tu nu ziam?

Ezekiel 22:28

Mihingte in pang sia a kaang taw a zut uh bangin kamsaangte in hi mawnate seal uh hi. Amate in mukholna a maan ngawlte mu a, thuson kholna maan ngawlte veu son uh hi. Amate in Keima, Vaanglianpipa Topa kam pau hi hong ci a, ahihang Keima, Topa in amate ka paupui bua hi.

Ezekiel 22:8

Mun thiangtho te na zakta bua uh a, Sabbath na tang bua uh hi.

Hosea 12:2

Judah mite tungah Topa in mawsakna khat nei hi; Israel zongh a mite ngamtatna bangin daan pia tu hi. Amate ngamtatna sate bangin ama in thuk kik tu hi.

Hosea 12:3

A taanghpupi Jacob sia apeang a suapuipa Esau taw a nu ngil sungah a omkhop lai ma in kilaai hi; Jacob hong khan ciang ama in Pathian langpan hi —

Hosea 6:11

“Tuaciang no Judah mite na hi uh le, na sep na vawtte tungtaang ah daan piak tu hun khat zongh ka ciangtan zo hi.

Amos 1:3

Topa in, “Damascus mite maw kikik khial kikik ahiciang amate daan pia tatak tu khi hi. Amate in Gilead mite tungah ngilo in vawtsia hi.

Amos 3:2

“Leitung minam theampo sung pan kong heak le kong thin nop mawk sia noma bek na hi uh hi. Hi thu in noma mawna khialna nasiasak seseam a, tua hu in daan kong piak kul tu hi.”

Micah 6:12

Na mihaute in mizawngte duupkang a, note theampo leilot thusonte na hi uh hi.

Habakkuk 2:18

Milim ii kimanna bang ziam? Mihing ii vawt sa na khat hi bek a, leilot thu ngawl po bangma hong son ngawl hi. Tua a pau thei ngawl pathian — tua sia a vawtpa ii a muan sia bang phattuam pui tu ziam!

Romete 1:25

Pathian huvau thumaante sia leilot thu suaksak uh a, Bitphuapa Pathian bia ngawlin a bitphua sa nate bia zaw uh hi. Pathian a tawntungin kipok tahen! Amen.

1 Thessalonica te 4:8

Tua ahikom, hi kihilna a nial pawpo sia mihing nial ahi bua a, a Thaa Thiangtho no tungah hong pia Pathian nial ahi hi.

1 Peter 1:18

Banghang ziam cile na taanghpupite pan na luasuk uh, a mannung ngawl nuntakzia pan na suatak natu in, note bang taw hong tan ci thu na he uh hi. Ngunn le khamh bangin a kisia thei thilte taw hong kilei hi ngawl hi;

Thukhente 10:6

Khatvei ma Israel te in Baal te, Astarte te, Syria te, Sidon te, Moab te, Ammon te le Philistia te ii pathiante zongh a biakna uh taw Topa tungah maw uh hi. Amate in Topa nusia uh a, ama a biak uh tawp hi.