Amos 2:10 - Syin Chin Bible

¹⁰ Egypt ngam pan kong pusuaksak a, sennealngam kaantanin kum sawmli sung lam kong pui a, noma atu in Amor te ngam kong pia hi.

Amos 2:10 Iomraidhean Croise

Nehemiah 9:21

Sennealngam ah kum sawmli tawntung a kisap theampo na sik a; a puante sia ngeingawlin, a peangte nasa in tum ngawl hi.

Psalm Late 95:10

Kum sawmli sitset tua mite tungah ka lung a kim bua hi. ‘Amate in bangza in thumaanna sel ziam! Amate in ka thupiakte a zui nuam bua uh hi’ ka ci hi.

Pusuana 12:51

Tua ni in, Topa in Israel minamte Egypt pan pusuapui hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 3:8

tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Jeremiah 2:6

Keima in amate Egypt ngam pan suatakin duisung ngampa: sennealngam le dumkhuk sung, lei kongaw a, kuama teen ngawl, a lau huaina mun le kuama khual zongh a haw ngawl natu mun kaantanin amate keima in lampui hi napi amate in kei, hong awlmawk ngawl hi.

Ezekiel 20:10

“Tua ahikom Egypt ngam pan sennealngam ah ka paipui hi.

Amos 3:1

Egypt ngam pan minam bup in ama ii hong pusuasak Israel mite awng, note huvau Topa pauna hi thu ngai vun:

Amos 9:7

Topa in, “Israel mite awng, note kong ngaisut bangza ma in Ethiopia mite ka ngaisun hi. Note Egypt pan kong paipui bangma in, Philistine te Crete pan, Syria te Kir pan ka paipui hi.

Micah 6:4

Egypt ngam pan kong pusuaksak hi; saltanna pan kong suatak hi; note lam hong pui tu in Moses, Aaron le Miriam kong puak hi.

Mi Simna 13:32

Tua ahiciang amate in a ngam vilna thute ahi ngawl lamin Israel te sungah zelsak uh hi. Amate in, “Tua leitang pan tua munah a teang sa mihingte neakkhop tu ngawngawn zongh an piang ngawl hi. Ka mu uh mihingte theampo sia saang mama a,

Mi Simna 21:25

Tuaciang Israel mite in Amor khuapi theampo la siat a, Heshbon le a kiim a om khuate zongh la in tua khua teng theampo sungah teang uh hi.

Mi Simna 32:13

Mite tungah Topa thin uuk a, ama a lungkimsak ngawlte a khang buppi in a thi siat dong, duisung ngampa ah kum sawmli sung vakthapsak hi.

Sawltakte 13:18

kum sawmli sung sennealngam sungah, amate a thuak kenkon hi.

Sawltakte 7:42

Tua ahikom Pathian in amate nungngat in, kamsaangte laibu sungah, a om bangma in, van a aksite bia tu in thazau hi: ‘Israel mite awng! Kum sawmli tawntung sennealngam sungah, sa na ngo uh a, nganhing taw biakpiakna, na vawt uhte sia, kei tungah hong vawt na hi bua uh hi.

Thuhil kikna 1:39

“Tua zawkciang Topa in eite theampo tungah, ‘Moi lei lai ahiciang a pha le a sia a he ngawl lai na tate — ngalte in man tu na ci uh na tate teng, tua ngam ah tum tu hi. Amate tungah tua ngam ka pia tu a, amate in la tu uh hi.

Thuhil kikna 2:7

“Topa na Pathian in na sepna theampo ah thupha hong pia a hina thu phawk tavun. Hi zata a zai sennealngam kaantan in na vakkot sung uh theampo ama in hong keam hi. Ama in hi kum sawmli sung tawntung note hong ompui a, na kisap theampo na nga zo uh hi.

Joshua 13:4

Canaan te ngam theampo le Mearah (Sidon te neisa hi) om lai a, Amor te ngamngi a om Aphek dong hi a;

Joshua 24:8

Tua zawkciang Jordan ngun ii nisuana sang a om Amor te ngam ah kong paipui hi. Amate in no hong do ahihang amate kong zosak hi. Amate ngam la in, maisang na manaw uh ciang, amate ka mon hi.