Amos 2:1 - Syin Chin Bible

¹ Topa in, “Moab mite maw kikik khial kikik ahiciang amate daan ka pia tatak tu hi. Amate in Edom kumpipa ii ngute sia zawnsak vawtin haltham a, vut suaksak hi.

Amos 2:1 Iomraidhean Croise

2 Kumpite 3:9

Tua ahikom Kumpipa Joram, Judah le Edom kumpipate ngamkuan uh hi. Ni sali a pai zawk uh ciang a tui neak tu uh bo a, mihingte atu ahizong, vanh pua ngannote atu ahizong bangma om nawn ngawl hi.

Paunakte 15:3

Topa in mun theampo ah bang teng piang ci in mu hi; na pha ih seam a, a sia ih seam zong ama in hong en nginge hi.

Isaiah 11:14

Amate in nitumna sangah a teang Philistine mite sim khawm tu a, nisuana sangah a teang mite do khawmin suttol tu uh hi. Amate in Edom le Moab mite zothal tu a, Ammon mite in amate thu ni tu uh hi.

Isaiah 16:6

Judah mihingte in, “Moab mihingte bang zata in kiphasak ci thu ih za zo hi. Amate a kisaktheina le a kiletsakna ih he hi, ahihang amate ii kisuantaakna sia a luithawthong hi,” ci uh hi.

Isaiah 25:10

Topa in Zion Mual dal tu hi, ahihang nganhing eak sungah taangphawte a kitotcil bangin Moab mite kituanhcil tu hi.

Amos 1:11

Topa in, “Edom mite maw kikik khial kikik ahiciang daan ka pia tatak tu hi. Amate in a suapui Israel te savai bangin vai a, hesuak ngawl hi. Amate thin uukna sia ciangtan nei ngawl a, thaisak ngeingawl uh hi.

Amos 1:13

Topa in, “Ammon mite maw kikik khial kikik ahiciang amate daan ka pia tatak tu hi. Amate in ngamkeau ngal kisimna sung Gilead khua ah naupaai numeite ngawngawn ii ngil kuikeak uh hi.

Amos 1:3

Topa in, “Damascus mite maw kikik khial kikik ahiciang amate daan pia tatak tu khi hi. Amate in Gilead mite tungah ngilo in vawtsia hi.

Amos 1:6

Topa in “Gaza mite maw kikik khial kikik ahiciang amate daan ka pia tatak tu hi. Amate in minam bup paipui in Edom mite tungah salin zuak uh hi.

Amos 1:9

Topa in, “Tyre mite maw kikik, khial kikik ahiciang amate daan ka pia tatak tu hi. Amate in minam bup Edom ah sal tang tu in paisak a, kipawlmat natu thukimna a vawt sia len ngawl hi.

Amos 2:4

Topa in, “Judah mite maw kikik khial kikik ahiciang amate daan ka pia tatak tu hi. Amate in ka hilnate thusim ngawl a ka thupiakte zui ngawl uh hi. A taanghpupi ii biak a maan ngawl pathiante ma in amate lam pialsak hi.

Amos 2:6

Topa in, “Israel mite maw kikik khial kikik ahiciang amate daan ka pia tatak tu hi. Amate in leiba a lo zo ngawl mi thumaante, peangdap kop khat ii man zongh a pia kik zo ngawl mizawng teng sal in zuak hi.

Micah 6:5

Ka mite awng, Moab kumpi Balak in note bang law hong sawm a, Beor tapa Balaam in bangbang zo kik ziam cisia phawk kik vun. Acacia ngiaphual pan Gilgal paina lampi ah a piang teng phawk kik vun. Hite phawk kik vun, tua hile note kong ngup natu in ka septe phawk tu nu hi,” ci hi.