Amos 1:9 - Syin Chin Bible

⁹ Topa in, “Tyre mite maw kikik, khial kikik ahiciang amate daan ka pia tatak tu hi. Amate in minam bup Edom ah sal tang tu in paisak a, kipawlmat natu thukimna a vawt sia len ngawl hi.

Amos 1:9 Iomraidhean Croise

2 Samuel 5:11

Tyre khua a om Kumpipa Hiram in David kungah sum zuak sum lei vai taw in taangmi paisak hi; ama in a zak tu in kumpi inn sak natu cedar thingluangte, inn sa thiamte, suang ciang thiamte puak hi.

Psalm Late 83:7

Gebal, Ammon le Amalek mite, Philistia le Tyre mite ahi uh hi.

Jeremiah 47:4

Philistia suksiat tu hun, Tyre le Sidon pan a, a nga sun hunate theampo khatan tu hun hong theng zo hi. Keima, Topa in Crete tuikulh pan a hong pai Philistia te theampo ka susia tu hi.

Ezekiel 27:1

Topa in kei tungah:

Ezekiel 27:27

Sumbuk vanh na neite theampo, teambaw sungah na seppui naseamte theampo, Na teambaw lettamate le sumvawtte, teambaw tungah ngalkapte theampo — tuipi sungah na teambaw a lal ciangin, a vekpi bo siat mang siat hi.

Ezekiel 28:1

Topa in kei hong paupui hi.

Ezekiel 28:18

Vanh zuak vanh leina ah tua bang a sia na vawt hu in, na biakpiakna munte sia na siatsua hi. Tua ahikom tua khuapi sia a kaanghtum tu in ka hal hi. Nang hong ente theampo in tu in, vut le vai na sua hong mu uh hi.

Amos 1:11

Topa in, “Edom mite maw kikik khial kikik ahiciang daan ka pia tatak tu hi. Amate in a suapui Israel te savai bangin vai a, hesuak ngawl hi. Amate thin uukna sia ciangtan nei ngawl a, thaisak ngeingawl uh hi.

Amos 1:6

Topa in “Gaza mite maw kikik khial kikik ahiciang amate daan ka pia tatak tu hi. Amate in minam bup paipui in Edom mite tungah salin zuak uh hi.

Obadiah 1:11

Ngalte ii a kongpite a sukthap ni in na tungh nuam bua hi. Jerusalem ii nei le lamh te laaksak a, amate sungah a hawmtham khualmite za ma in nang a sia na hi hi.

Zechariah 9:1

Hi thu in Topa ii thupuak ahi hi: Ama in Hadrach ngam le Damascus khuapi tungah daan piakna thutan zo hi. Israel namte bek hi ngawlin Syria khuapi zongh Topa neisa hi.

Matthew 11:21

“Nang atu in bangza in lauhuai ziam, Chorazin awng! Nang atu in bangza in lauhuai ziam, Bethsaida awng! Tyre le Sidon khuate tungah note sungah hong kivawt nalamdang laknate kivawt thong le, a mihingte in khau-ip puan silh in, amate tungah vut kithe in, mawna kisiik kikna a lak zawk ngei zo tu hi.

Matthew 11:22

A tatakin ka ciciang, Pathian thukhenna Ni hong thet ciang, note tung sangin Tyre le Sidon khua mite tungah Pathian in hesuakna tam lak zaw tu hi.

Luke 10:13

“Nang atu in bangza in lauhuai ziam, Chorazin awng! nang atu in bangza lauhuai ziam, Bethsaida awng! no sungah hong kivawt nalamdangte Tyre le Sidon ah kivawt thong le tua khua mite in, a mawnate pan kisiik kikna uh, a kilangh natu in, khuangeipi pek lai panin, khau-ip puan silhin to in amate le amate vut kithe tu uh hi!

Luke 10:14

Pathian in Thukhenna Ni ciangin, note sangin Tyre le Sidon khuate hesuak zaw tu hi.