Amos 1:8 - Syin Chin Bible

⁸ Ashdod le Ashkelon khuapite a ukte ka heam tu hi. Ekron khuapi daan ka pia tu a, Philistine mite a taanglai theampo thi tu uh hi,” ci hi.

Amos 1:8 Iomraidhean Croise

2 Khangtaanghthu 26:6

Uzziah in Philistine te taw kisim hi. Ama in Gath, Jamnia le Ashdod khuapite uumna luphungte sutham in Ashdod nai le Philistia ngam mun dangte ah kulh taw a ki uum khuapite saat hi.

Psalm Late 81:14

A ngalte manlang takin ka zawsak tu a, a ngal a sa theampo ka zawthalsak tu hi.

Isaiah 1:25

Note tungah thu kong vawt tu hi. Thik sia mei taw a kithiansua bangin note kong thiansua tu a, na thiantho ngawlna theampo kong hepsak tu hi.

Isaiah 20:1

Assyria kumpilianpa Sargon thupiakna taw in, Assyria ngalkapmang lianbelpa in Philistine khuapi Ashdod sim hi.

Jeremiah 47:1

Egypt kumpipa in Gaza khua a sim ma in Philistia mite taw kisai in Topa in keima tungah thu hong son hi.

Ezekiel 25:16

Tua ahikom Philistine ka sim tu a ka maaimot tu hi, ci in ka taangko hi. Philistine Zaangtam ah a nungta lai theampo ka lalcipsak tu hi.

Joel 3:4

“Tyre, Sidon le Philistia ngamkhente theampo awng, kei, bang hong law nuam nu ziam? Bang khat po hangin hong thuk kik nuamin hanciam nu ziam? Tuabang nong hi uh le keima in manlang takin kong thuk kik tu hi!

Amos 1:7

Tua ahiciang Gaza khuapi luphung tungah meikuang ka khiak tu a, a kulhte ka haltum tu hi.

Amos 3:9

Ashdod le Egypt kumpi innte sung a teangte munah hi bangin taangko vun: “Samaria kiimkot mualte tungah kikhawm vun a, tua munah a nasia mama buaina le khialna liante en vun.”

Obadiah 1:18

Jacob le Joseph mite meikuang bang hi tu uh hi; amate in Esau mite sia ninteakte mei ii kak bangin susia tu uh hi. Esau suan le paalte khat zongh suakta ngawl tu hi, Keima, Topa pau zo khi hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Zechariah 9:5

Ashkelon khuapi in hi teng mu in lau tu hi. Gaza khuapi in tuasia mu in na sa mama tu hi. Ekron zongh tuabang ma hi tu a, a lametnate bo tu hi. Gaza in a kumpi taan tu a, Ashkelon sia kitaisan in kinusia tu hi.

Zechariah 9:6

Minam kihel mite in Ashdod ah teang tu uh hi. Topa in, “Tua a kiphasak Philistine te theampo ka niamsak tu hi.

1 Samuel 6:17

Philistine mite in a khuapi ngate Ashdod, Gaza, Ashkelon, Gath, le Ekron te atu in khua khat ah khat tek a khamh meima pui nga sia Topa tungah mawphel natu in pia uh hi.