Amos 1:7 - Syin Chin Bible

⁷ Tua ahiciang Gaza khuapi luphung tungah meikuang ka khiak tu a, a kulhte ka haltum tu hi.

Amos 1:7 Iomraidhean Croise

2 Kumpite 18:8

Ama in Philistine te zo in, Gaza le a kiim a paam ngamte kihel amate ii teenna khuanobel te pan kipan khuapi lianbel te dong kuanin sim hi.

2 Khangtaanghthu 26:6

Uzziah in Philistine te taw kisim hi. Ama in Gath, Jamnia le Ashdod khuapite uumna luphungte sutham in Ashdod nai le Philistia ngam mun dangte ah kulh taw a ki uum khuapite saat hi.

Jeremiah 47:1

Egypt kumpipa in Gaza khua a sim ma in Philistia mite taw kisai in Topa in keima tungah thu hong son hi.

Jeremiah 47:5

Gaza mite tungah heena lian theng zo a, Ashkelon ii mite dai dide in om uh hi. Philistia mi a om laiteng bang tanvei kap tu uh ziam?

Ezekiel 30:8

Egypt mei taw ka hal a, ngam huute theampo a kithalup ciang, amate in keima sia Topa ka hi hunlam hong he tu uh hi.

Ezekiel 39:6

Magog ngam le thinmuang takin a mite teenna tuipi dung theampo mei taw ka hal tu hi, tuaciang mite theampo in, Keima, Topa ka hi hunlam hong he tu uh hi.

Amos 1:4

Tua ahikom Kumpipa Hazael saksa kumpi inn sia meikuang khiakin Kumpi Benhadad ii kulhte haltham tu khi hi.

Amos 1:6

Topa in “Gaza mite maw kikik khial kikik ahiciang amate daan ka pia tatak tu hi. Amate in minam bup paipui in Edom mite tungah salin zuak uh hi.

Amos 1:8

Ashdod le Ashkelon khuapite a ukte ka heam tu hi. Ekron khuapi daan ka pia tu a, Philistine mite a taanglai theampo thi tu uh hi,” ci hi.

Zephaniah 2:4

Gaza khuapi ah a kinusia kuama om ngawl tu hi. Ashkelon kitaisan tu hi. Ni lang sungah Ashdod mite kihawlkeak tu hi, tuaciang Ekron mite sia amate khuapi pan kihawlkeak tu hi.

Romete 12:19

Lawmte awng, phu kilam heak vun. Pathian thin uukna ii a sep tu in koi zaw vun. Banghang ziam cile laithiangtho in, “Phu ka lam tu a, ka thuk kik tu hi, Topa in ci hi,” ci hi.

Thuhil kikna 32:35

Topa in amate phula in daan pia tu a; a kiamsuk tu hun hong pai tu a; a lal tu ni nai hi.